GREQI-Një ngjarje e rëndë është regjistruar në vendin fqinj, ku një 19-vjeçare me origjinë shqiptare u gjet e pajetë në rrugë në Argostoli të Kefalonisë. “Protothema” shkruan se shqiptarja e identifikuar vetëm me mbiemrin Myrto humbi jetën nga një arrest kardiak. Të resë i është dhënë kokainë nga 3 persona në një hotel dhe më pas i braktisën trupin e pajetë në anë të rrugës.
Autorët janë arrestuar, ku një prej tyre ish-kampion në peshëngritje ka dëshmuar se vajza e re përdorte vazhdimisht kokainë. Ai ka pranuar se drogën e kishte siguruar ai së bashku me një mik nga Shqipëria. Bashkë të ndodhej edhe një shqiptar 26 vjeç dhe një miku i tij 22 vjeç. Kur 19-vjeçarja u rrëzua në tokë për shkak të marrjes së drogës, në vend që të telefononin shërbimet e urgjencës, ata u përpoqën të eliminonin provat që i implikonin, por edhe vetë Myrton, duke pretenduar se patën frikë.
Në kamerat e sigurisë shihet ish-peshëngritësi që mban vajzën e re në duar dhe më pas ata e braktisin në një shesh. Kur ambulanca mbërriti për të marrë Myrton, ekipet e shpëtimit e gjetën vajzën në një mur, të veshur dhe pa lëndime. Ministri grek i Shëndetësisë, Adonis Georgiadis ka reaguar duke hedhur poshtë pretendimet për mungesë mjekësh në urgjencën e Spitalit të Kefalonia.
Në spital, mjekët dhe infermierët kanë kryer reanimim kardiopulmonar për rreth një orë, si dhe intubim dhe trajtim me medikamente urgjente, por pa sukses. Më pas u konstatua se pacientja kishte pësuar arrest kardiak. Sipas burimeve mjekësore, ekzaminimi mjeko-ligjor në Patra ka evidentuar edemë pulmonare, ndërsa analizat toksikologjike dhe histologjike pritet të përcaktojnë shkaqet përfundimtare.
Si ndodhi ngjarja
Ishte herët në mëngjes të së martës kur 19-vjeçarja Myrto kishte vendosur të takonte të dashurin e saj 23-vjeçar. Siç i pohoi ai policisë, ata kishin caktuar të “rrinin bashkë” në një Airbnb për të dëgjuar muzikë dhe për të bërë muhabet.
“Në një moment, Myrto më tha: “Dua të pi”, që do të thotë se donte të përdorte kokainë. I thashë se njoh dikë që bën gjëra të tilla dhe e thirra (ish-peshëngritësin) nëpërmjet Instagramit dhe i thashë se donim një copë. Ai erdhi në apartament rreth 15 minuta pasi e thirrëm dhe na solli një qese me kokainë dhe Myrto e pagoi. Nuk e di sa para i dha. Ai u ul me ne për rreth gjysmë ore, ku biseduam dhe qeshëm. Myrto kishte përdorur tashmë kokainë ndërsa ne të tre ishim atje. Ish-peshëngritësi u largua dhe u kthye pas pak dhe solli një sasi tjetër kokaine, të cilën Myrto e kërkoi me këmbëngulje. Në një moment, erdhi (22-vjeçari nga Shqipëria), të cilin atleti e thirri dhe erdhi e u ul me ne”, pohoi ai.
23-vjeçari fajësoi 19-vjeçaren se u përpoq ta bindte që të mos merrte më drogë. “Në një moment, i thashë Myrtos të ndalonte dhe të mos përdorte më kokainë, sepse i thashë se e shihja që ishte çmendur pak”, – pohoi ai.
“Dola në ballkon dhe në një moment e pashë duke pasur konvulsione, duke u dridhur dhe duke qenë ulur në shtrat. Mendova se po e bënte për qejf, por ajo vazhdoi dhe ne e kuptuam se diçka nuk shkonte. U përpoqëm ta ndihmonim, por ajo nuk po vinte në vete” – tha ai.
I arrestuari pretendoi se më pas vendosi të thërriste një ambulancë, por u ndalua nga dy të tjerët.
“Më thanë se kishim frikë të merrnim ambulancën që të mos futeshin në telashe. (…) Pastaj më thanë se do ta çonin poshtë dhe do të thoshin se e kishin gjetur në rrugë. (Atleti) e mori në krahë pa ndjenja dhe e zbritëm. U përpoqa të merrja gjithçka nga atje në apartament, pasi kishim pirë pak shampanjë, lëngje dhe gjëra të tjera”, pohoi ai.
