DURRËS- Një tjetër protestë po zhvillohet mbrëmjen e sotme para Bashkisë Durrës, lidhur me përmbytjet e ditëve të fundit që shkaktuan 1 viktimë. Qytetarët janë mbledhur para Bashkisë, teksa shprehin pakënaqësitë e tyre për menaxhimin e situatës nga bashkia. Protestuesit brohorasin në kor: ‘Turp Turp’, ndërsa disa prej tyre kanë hedhur kapsolla në drejtim të godinës së bashkisë.
Visualizza questo post su Instagram
Visualizza questo post su Instagram
Qarku i Durrësit është një nga më të goditur të motit të keq me reshje shiu gjatë ditëve të fundit, ku përmbytjet kanë lënë pas dëme të konsiderueshme. Edhe pse reshjet e shiut pothuajse kanë ndaluar, uji akoma nuk është larguar nga disa zona. Situata më kritike paraqitet në Njësinë Administrative Sukth dhe Katund i Ri, ku lumi i Erzenit ka dalë nga shtrati dhe një pjesë e banorëve është evakuuar.
Në Durrës është regjistruar gjithashtu dhe viktima e parë nga përmbytjet, një punonjës i Ndërmarrjes Komunale Plazh, 54-vjeçari Astrit Hysenaj që dyshohet se e ka marrë rrjedha./ZËRI
