TIRANË- Gazetari investigativ Artan Hoxha ka zbuluar detaje nga "nëntoka" e Tiranës. Në fjalën e tij, teksa ishte i ftuar në emisionin "Të Paekspozuarit", Artan Hoxha tha se biznesmeni i lojrave të fatit, Ervis Martinaj nuk futej kurrë në lokalet e natës që mbronte "Breçani Security". Po ashtu, shtoi se pas ngjarjes, e ashtuquajtura masakra e ish-Bllokut në 2018, Martinaj nuk tentoi hakmarrjen pas Breçani kishte lidhur me krushqi me Ervin Matën.
"Vis Martinaj ka qenë një kohë në Tiranë që kalonin në terror ku hynte Martinaj. Të vetmet lokale ku nuk hynte ishin lokalet që mbroheshin nga Erzen Breçani. Pse nuk hynte? E dinte ai. Nuk pyeste për lokalet e tjera, se kush oligark e kishte se i merrte përpara. Në rastin konkret, në ngjarjen e Bllokut nuk ka marrë asnjë hap për t'u hakmarrë sepse në këtë kohë është bërë edhe krushqia. Përveç një eksplozivi nuk ka pasur asnjë shenjë hakmarrje. Edhe Vis Martinaj në kulmin e lulëzimit të vetë e dinte shumë mirë që me Erzen Breçanin...e dinte shumë mirë kush ishte dhe i qëndronte larg. Edhe pse kishte lidhje me PD dhe me familjen e zotit Berisha. Prandaj them ne shohim vetëm majën e ajsbergut,"-tha Artan Hoxha./Zëri.ai
