KORÇË- Zbardhen përgjimet mes avokatëve, të cilët ndërhynë pranë Gjykatës së Apelit të Korçës për të lehtësuar masën e sigurisë Blerand Kozicit. Top Channel ka mundur të sigurojë dosjen sa iu përket hetimeve ndaj Nikolla Hafëzllarit, Blerand Kozicit, Nikolla Jeskut, Dritan Tabakut, Artiana Kozicit, aktualisht nën “arrest me burg” për masën e sigurisë “Ushtrimi i ndikimit të paligjshëm ndaj personave që ushtrojnë funksione publike”.
Pas bisedës që Kozici zhvilloi me Nikolla Hafësllarin, edhe bashkëshortja e tij bisedoi me Hafësllarin. Në një komunikim me kode, ajo pyet nëse “ka dërguar ndonjë letër”. “Ia kanë dhënë Dashin, e paska dërguar, po pres furgonin që vjen tani”, përgjigjet Hafësllari.
Pjesë nga përgjimet:
Hafësllari: Mbase duhet të tregojë ndonjë gjë, di unë! Ja, tashi po pres
82***355: Ahh, ka dërguar kshu… ndonjë letër
Hafësllari: Mbas Dashit, ere eh kshu, ndonjë letër
82***355: Ah ku? Me furgon?
Hafësllari: Po me Dashin bre, atij ja kanë dhënë. Kishte vajtur në zyra ai, di unë, kishte takuar atë, ja… paska dërguar, si s’më the i thashë unë, vinja unë
82***355: Kuuu??
Hafësllari: Po vjen me furgon, tashti atë pres
82***355: Ehhh çar thua
Hafësllari: Ehh, po ashtu merëm për një gjysëm ore, të ke…
82***355: Hajd hajd, të marr unë
Hafësllari: Ke kohë
Pas takimit, në 5 janar 2023, Nikolla Hafësllari telefon shtetasen Dajana Kodra. Biseda mes tyre:
Kodra: Po, imi!
Hafësllari: Ehh, tashi e mora porosinë! Faleminderit shumë! Po unë kur duhet të vij? Pastaj apo nesër në mëngjes?
Kodra: Eh po hëë, kur thua ti?
Hafësllari Po më thuaj edhe ti, prandaj
Kodra: Po hajde nesër në mëngjes
Hafësllari: Ehh mirë, mirë të vij
Kodra: hajde nesër… në ç’orë do vish nesër
Hafësllari: Në Korçë, që në mëngjes do të vij
Kodra: Okej mirë
Hafësllari Hajde mirupafshim atëherë
Kodra: Hajt, pafshim
