MALI I ZI- Një 25-vjeçar shqiptar ka rënë këtë të premte në prangat e Policisë malazeze pasi akuzohet si pjesë e një grupi kriminal. Raportohet se ai është arrestuar në pikën kufitare të Sukobinit. Raportohet se ai ishte nisur për të kryer vrasjen e një anëtari të klaneve të Kotorrit.
Në pranga po ashtu ka rënë dhe një person nga Armenia, i identifikuar si Mnatsakanyan Artyom, 34 vjeç. Ndërsa një person tjetër po nga Armenia është shpallur në kërkim.
“Me urdhër të prokurorit, me rastin e ngjarjes së përmendur, A.M i është hequr liria për shkak të ekzistimit të shkaqeve të dyshimit se ka kryer veprën penale të bashkimit kriminal në lidhje me veprën penale të armëmbajtjes pa leje dhe lëndëve shpërthyese dhe P.X për shkak të ekzistimit të bazave të dyshimit se ka kryer veprën penale të bashkimit kriminal në lidhje me veprën penale të mbajtjes pa leje të armëve dhe lëndëve shpërthyese dhe veprën penale të falsifikimit. dokument”, thuhet në përgjigjen e prokurores së ODT Kotorrit, Tijana Çelanoviç.
Policia e Budvës mbrëmjen e djeshme ka vërejtur një automjet “Vë Polo” me targa të Barit në rrugën “Slovenska plaža”, të cilin e ka ndaluar dhe i ka kryer kontroll. Sapo kanë parë Policinë ata kanë tentuar të ia mbathin. Por vetëm njëri ia ka dalë.
Në automjet u gjetën dy pistoleta ‘Glock’ me 19 fishekë secila, një pistoletë automatike ‘Scorpion’ me silenciator dhe 17 fishekë, dy maska silikoni si dhe disa palë doreza dhe rroba për ndërrim./Zëri.ai
