TIRANË- Vjehrra e 32-vjeçares që mbahej e izoluar në banesën e saj në zonën e Kodër Kamzës, ka tërhequr akuzat ndaj nuses së saj, e cila pas arrestimit të të birit, pretendoi se e reja e kishte tradhtuar Asqeri Mandrin. Nëna e Asqeriut u shpreh se i bëri deklaratat pasi i iku truri kur i shkoi policia në shtëpi.
“Unë nuk kam asgjë, burri ka dhënë urdhër që të mos dal nga dera pa ardhur unë nga Greqia. Për fjalët që i kam thënë, i kërkoj falje. Kurrkush nuk i ka bërë asgjë grave”, tha vjehrra.
Pjesë nga biseda:
Nusja: Kush janë dashnorët e mi?
Vjehrra: Kur mu mbush shtëpia me polic, në iku truri. Derën e mbante hapur, nuk jemi zënë asnjëherë për diçka. I kërkoj falje 100 herë, vjehrri ka thënë pa ardhur unë nga Greqia nuk do të dalësh nga ajo derë.
Nusja: Unë në atë derë nuk rri më
Vjehrra: Mos u largo, nuk jam unë dakord, as burri
Nusja: Edhe pas faljes së saj nuk mund t’i harroj dot, nuk kaloj dot në lagje.
Pak ditë më parë Asqeri Mandri u vu në prangat e policisë, pasi dyshohet se dhunonte bashkëshorten e tij, ndërkohë që e mbante nën monitorim me kamera sigurie. Pas arrestimit, vjehrra hodhi akuza të shumta në drejtim të nuses së saj, të cilën e akuzoi se kishte lidhje jashtëmartesore.
/ZËRI
