BRITANI E MADHE- Tre shqiptarë janë dënuar me burg në Angli pasi rezultoi se ishin të përfshirë në një ‘fabrikë’ kanabisi, shkruan BBC.
Ronaldo Pasha, Bledar Zeqo dhe Elvis Shira u dënuan me tre vjet e nëntë muaj burg në Gjykatën e Bradford Crown të martën. Treshja, të cilët janë të gjithë shtetas shqiptarë që hynë ilegalisht në Mbretërinë e Bashkuar, kultivuan bimë kanabisi në një mulli të papërdorur Halifax. Të pandehurit pranuan të gjithë akuzën e prodhimit të kanabisit dhe ata do të dëbohen automatikisht pas vuajtjes së dënimit.
Ata u pikasën nga një dron policie duke përdorur shkallët për të kapërcyer një çati xhami në kantierin e Carlton Works përpara se të përpiqeshin të largoheshin. Është vlerësuar se bimët mund të kishin prodhuar më shumë se 280 kg kanabis dhe ngarkesa do të kishte një vlerë në rrugë midis 2.4 dhe 2.8 milion paund./ZËRI
