DURRËS-Një foshnje e porsalindur ka ndërruar jetë në Durrës mesditën e djeshme. Prindërit kanë bërë kallëzim në komisariatin e Durrësit duke akuzuar mjekët e Maternitetit të Durrësit për neglizhencë në lidhje me ngjarjen.
Sipas kallëzimit të shtetases A. B., më datë 19 shkurt 2026 ajo ka lindur foshnjën në maternitetin e spitalit, por pak orë më vonë fëmija ka humbur jetën. Gruaja pretendon se kjo ka ndodhur për shkak të neglizhencës së mjekut. Pas kallëzimit ka nisur hetimi për një mjek në Spitalin Rajonal të Durrësit
"Specialistët për Hetimin e Krimeve të Komisariatit të Policisë Durrës referuan materialet në Prokurori, ku nisi procedimi penal për shtetasin I. Sh., 43 vjeç, banues në Durrës, me detyrë mjek në Spitalin Rajonal Durrës, pasi ka kallëzuar shtetasja A. B., se më datë 19.02.2026, ka lindur foshnjën e saj në maternitetin e këtij spitali dhe pretendon se për shkak të neglizhencës së mjekut, foshnja ka humbur jetën pas disa orësh.”, njofton policia.
