GREQI- Mediat greke kanë publikuar pamje nga vendi ku ndodhi atentati në të cilin një shqiptar mbeti i vrarë dhe një tjetër u plagos. Viktima, Irakli Davella, ka mbetur i shtrirë në rrugë pranë mjetit të tij. Pranë tij, siç shihet edhe nga fotot, qëndron një efektiv policie. Ndërsa i plagosuri, Edi Lolo, shihet se është hipur në barrelë dhe po futet në auto-ambulancë për tu dërguar në spital.
Davella dhe Lolo ndodheshin brenda një mjeti, në momentin që makina e autorëve ndaloi paralelisht me ta dhe dy përsona qëlluan me breshëri plumbash. Davella rezulton të ketë qenë miku i 3 personazheve të tjerë të ekzekutuar në Greqi vitet e fundit, konkretisht mafiozëve grekë Manolis Karagiannis, Vasili Griva dhe Giorgo Litsa.
Davella po ashtu gjatë muajve të verës jepte makina me qira në ishujt e Greqisë. Ndërsa i plagosuri jetonte mes Shqipërisë dhe Dubait.
