GJERMANI- Pushimet në Bavari dhe Baden-württemberg nuk fillojnë deri javën tjetër, por policia në Aeroportin e Memmingenit ka kapur tashmë dy fëmijë që do të mungonin në shkollë.
Të hënën e kaluar (26 maj 2025), dy fëmijë që duhej të ishin në shkollë, jo në aeroplan, zbarkuan me një fluturim të Wizz Air nga Tirana në Shqipëri. Nëna e dy fëmijëve, të moshës 11 dhe 13 vjeç, i kishte raportuar ata si "të sëmurë" në shkollë. Por në fakt kishin ditën e fluturimit të tyre të kthimit për në Memmingen.
Mashtrimi u zbulua gjatë kontrollit në aeroportin e Memmingenit.
"Nëna 35-vjeçare tani përballet me "një gjobë të rëndë","-bëri me dije Policia kufitare e aeroportit për mediat gjermane.
Autoritetet përkatëse do të vendosin mbi shumën e gjobës.
"Në Gjermaninë Jugore, gjobat për thyerjen e detyrimit shkollor mund të jenë mjaft të “kripura”,"- tha në prill Bernd Stapfner, zëvendësshefi i policisë kufitare në aeroportin e Memmingen-it.
Prindërit duhet të llogarisin me gjoba nga 200 deri në 800 euro, ndërsa në raste të veçanta mund të arrijnë deri në 1000 euro./ZËRI
