ITALI- Një shqiptar i shpallur në kërkim ndërkombëtar është vënë në pranga një ditë më parë, më 14 dhjetor. Shqiptari u arrestua nga karabinierët e Lugos ps një kontrolli masiv të ushtruar në zonë, për kapjen e personave të shpallur në kërkim.
Karabinierët i bënë shenjë shqiptarit të ndalonte, në afërsi të komunës Conselice, pasi u pikas teksa udhëtonte me mjetin e tij duke kryer manovra të rrezikshme. Shoferi nuk iu përgjigj thirrjes për të ndaluar dhe rriti shpejtësinë. Karabineirët e ndoqën pas. Një skenë si në filma!
Brenda mjetit ishin të paktën 3 persona, që e braktisën makinën pranë varrezave të Conselices dhe u larguan në këmbë drejt arave. I vetmi që u arrit të arrestohej ishte shoferi, dy të tjerët u arratisën.
42-vjeçari u përlesh me efektivët të cilët i goditi me grushte e shkelma, por ata i vunë prangat. Shenjat e gishtërinjve zbuluan se ndaj tij kishte masë “arrest me burg” nga Gjykata e Apelit të Romës, bazuar në një urdhër-arresti ndërkombëtar, i lëshuar nga Gjermania.
Ai duhet të vuajë një dënim prej 5 vjet e 11 muaj burg, për 17 vjedhje banesash të kryera në Gjermani.
