TIRANË- Reshjet e shiut që kanë përfshirë vendin prej orëve të para të mëngjesit të kësaj të mërkure kanë shkaktuar dhe problemet e para. Disa akse rrugore në qytetin e Durrësit janë bllokuar ndërsa ka pasur vështirësi në qarkullimin e qytetarëve dhe mjeteve.
Akset më problematike janë ato të zonës së Currilave, zona pranë stadiumit dhe rreth-rrotullimi pranë Portit të Durrësit.
Dhe Lushnja nuk mbetet pas. Siç shihet në pamje reshjet e denduar të shiut kanë shkaktuar bllokimin e rrugëve. Po ashtu ka pasur dhe stuhi të forta, të cilat kanë zgjatur 20 minuta. Kaq ka mjaftuar që rrugët të mbushën me ujë e të “paralizohet” qarkullimi.
Probleme ka pasur dhe në Laç. Përroi i qytetit ka dalë nga shtrati dhe ka vërshuar rrugëve duke i bërë të pakalueshme dhe për mjetet. Drejtuesit e makinave të vogla janë detyruar të ndalojnë për shkak të rrezikut.
Fatmirëisht nuk janë raportuar persona të lënduar./Zëri.ai
