TIRANË- Qendra Kombëtare e Biznesit (QKB) dhe Instituti i Ekspertëve Fiskalë (IEF) kanë nënshkruar një marrëveshje bashkëpunimi. Në një postim, QKB bën me dije se ky bashkëpunim ka si qëllim lehtësimin dhe përmirësimin e cilësisë së raportimit financiar të subjekteve në Shqipëri si dhe ofrimin pa Pagesë të platformës digjitale SmartFin.
Postimi:
Qendra Kombëtare e Biznesit (QKB) dhe Instituti i Ekspertëve Fiskalë (IEF) kanë nënshkruar një marrëveshje bashkëpunimi me qëllim:
Lehtësimin dhe përmirësimin e cilësisë së raportimit financiar të subjekteve në Shqipëri.
Ofrimin pa Pagesë të platformës digjitale SmartFin, një zgjidhje moderne për bizneset shqiptare për fiskalizim elektronik, kontabilitet dhe auditim në kohë reale.
Programe trajnimi falas nga IEF për personelin e QKB-së në fushat e raportimit financiar dhe jo vetëm. Ky bashkëpunim shënon një hap të rëndësishëm në drejtim të modernizimit të shërbimeve publike dhe aksesit të biznesit në teknologjitë inovative financiare.
View this post on Instagram
