TIRANË- Jo vetëm skuadrat kombëtare të futbollit po bëhen gati për të shkuar në Berlin. Trafikantët e drogës nga Shqipëria dhe mafia italiane do të synojnë tifozët anglezë që shkojnë në Gjermani për Euro 2024. Sipas mediave britanike, qindra tregtarë – disa me bazë në Mbretërinë e Bashkuar – tashmë po bëjnë gati kokainën.
Një grup është shkatërruar së fundmi nga Europol, i cili po dërgonte drogë në Gjermani, duke përdorur makina me ndarje sekrete. Një burim i bandës shqiptare në Mançester i tha Daily Star Sunday: Shqiptarët kanë marrë përsipër furnizimin me kokainë në Mbretërinë e Bashkuar dhe ata janë kanë nisur rrugën për në Gjermani. Nëse tifozët e Anglisë duan gjëra të mira, ata do të jenë në gjendje t'i marrin ato me një çmim të mirë.
Por tifozët e Anglisë kanë hallin e hoteleve dhe çmimeve stratosferike, pasi disa i kanë rritur çmimet me mbi 1000%. Një dhomë në një hotel me tre yje në Këln më 25 qershor – kur Anglia luan kundër Sllovenisë – kushton mbi 1110 £, edhe pse zakonisht kushton deri në 100 euro nata. Por qyteti është shtëpia e shtëpisë publike më të madhe në botë, ku dhomat kushtojnë vetëm 169 paund për natë. Kë do zgjedhin vallë tifozët?/ZËRI
