LIBRAZHD- Një 54-vjeçar, i shpallur në kërkim është arrestuar këtë të mërkurë në Librazhd, pasi në gjendje të dehur tentoi të korruptonte punonjësin e Policisë. Kujtim Hoxha është dënuar me 4 muaj burg për korrupsion. Kjo pasi Hoxha u aksidentua teksa drejtonte mjetin në gjendje të dehur dhe për të shmangur arrestimin, i dha një efektivi policie 50 euro.
“Komisariati i Policisë Librazhd, në bashkëpunim me Stacionin e Policisë Prrenjas, kapi dhe ndaloi shtetasin në kërkim Kujtim Hoxha, 54 vjeç, banues në fshatin Kotodesh. Gjykata e Shkallës së Parë e Juridiksionit të Përgjithshëm Tiranë, me vendimin e datës 12.04.2024, e ka dënuar këtë shtetas, me 4 muaj burgim, për veprat penale “Korrupsioni aktiv i personave që ushtrojnë funksione publike” dhe “Drejtimi i automjeteve në mënyrë të parregullt”, sepse më datë 09.04.2024, në bulevardin “Bajram Curri”, pasi është konstatuar nga punonjës i Policisë, duke drejtuar automjetin, në gjendje të dehur, i ka ofruar atij 50 euro, për të shmanguar ndëshkimin ligjor. Materialet procedurale i kaluan Prokurorisë,”- thuhet në njoftimin e Policisë./ZËRI
