TIRANË- Tori Xheçuka, një nga 50 personat e shpallur në kërkim në kuadër të operacionit të zhvilluar së fundmi nga Prokuroria e Posaçme Kundër Korrupsionit dhe Krimit të Organizuar (SPAK), ka ngatërruar ‘eprorin’ e tij, Ervis Martinajn me një nga ushtarët e tij. Në një nga bisedat e përgjuara, Xheçuka kërkon të flasë me Martinajn për planet për të vrarë Durim dhe Valter Bamin. Por, në një moment e ngatërron me Erigers Mihasin.
Pjesë nga dosja:
Me date 06.06.2020 Tori Xheçuka komunikon me Ervis Martinaj, ku fillimisht nuk kupton cili eshte personi qe po flet dhe e ngaterron me Erigers Mihasi te cilit ne bisede eshte shprehur "ai nga Yrsheku, Gesi je?".
Me date 07.06.2020, Tori Xheçuka komunikon me Ervis Martinaj, telefonin e te cilit e mbante Erigers Mihasi kete periudhe. Nga biseda kuptohet qe Ervis Martinaj interesohet lidhur me ngjarjen e dates 30.05.2020 ku eshte vrare shtetasi Bujar Lika "Ari" dhe Paulin Gjergji. Tori i tregon per lidhjet e Durim Bamit, Ervin Kodra, Ervin Kallari dhe Genti Koçi. Tori Xheçuka nga biseda rezulton se ka edhe nje person qe komunikon,bisedat me te cilin ja shkruan Ervis Martinaj dhe i tregon Ervis Martinajt se Tori bashke me personin qe komunikon round t'i godasin personat e permendur ne bisede po qe se kerkon Ervis Martinaj.
Por çfarë ndodhi në nëntor të vitit 2020?
Mbi 13 plumba janë hedhur në makinën ku udhëtonte Durim Bami dhe Ervin Kodra. Pas 4 vitesh, prokuroria e Posaçme SPAK, doli nbë përfundimin se organizatorët ishin Ervis Martinaj, Arben Ndoka, dhe dy të paraburgosur Emiljano Shullazi dhe Astrit Avdyli. Shullazi dhe Avdyli, nga ambientet e burgut nr.313 jepnin informacion periodik për lëvizjen e Durim Bamit, në zonën e Fushë-Krujës. Informacioni mbi lëvizjet, vendin e qëndrimit, makinat që përdorte Durim Bami, i merrte nga burgu ish-deputeti i PS Arben Ndoka, më pas ky i fundit ia përcillte Ervis Martinajt dhe më pas biznesmeni i lojërave të fatit ka aktivizuar tre vrasës me pagesë të cilët ishin veshur si policë, që siç dolën në dosje ishin Tori Xheçuka, Florenc Kelmendi dhe Albert Zaja
