GJIROKASTËR – Agjencia e Zonave të Mbrojtura në Gjirokastër, ka reaguar, pas ngjarjes së rëndë të torturimit të një shqiponje në një fshat të Përmetit, nga një 35-vjeçar. ADZM Gjirokastër, por edhe specialistët veterinerë të zonës bëjnë thirrje për të mbrojtur faunën e egër, si një vlerë natyrore e turistike për vendin.
“I bëjmë thirrje të gjithë banorëve, të zonave të mbrojtura dhe të gjithë Qarkut të Gjirokastrës që të mbrojmë kafshët dhe shpendët e egra si resurs natyror i Qarkut ”,- tha Grigor Dushi, drejtor pranë AZM Gjirokastër.
Dushi theksoi se po punohet edhe në këtë moment, për mosdëmtimin e shumë kafshëve të egra. “ADZM Gjirokastër, vitet e fundit po punon me shoqatat mjedisore për rimëkëmbjen e popullatës së kalit të qyqes, një shpend tepër i rrezikuar, për të cilin vitet e fundit kemi marë disa hapa për rimëkëmbjen e kësaj populate, sidomos në Qarkun e Gjirokastrës”,-deklaroi Dushi për Euronews.
Në qarkun Gjirokastër, kanë habitatet e tyre lloje të konsiderueshme kafshësh dhe shpendësh, që po shërbejnë edhe si atraksion turistik për vizitorë vendas, por dhe të huaj.
View this post on Instagram
Një ditë më parë, 35-vjeçari Napolon Arizi u arrestua nga policia, pasi kishte torturuar një shqiponjë, pasi e kishte lidhur në një gardh me tel. Policia zbuloi se Arizi kishte vrarë dhe dy sorkadhe./Zëri.ai/
