MALËSI E MADHE- Një ngjarje e rëndë është regjistruar paraditen e sotme në Malësinë e Madhe, ku një 40-vjeçar ka humbur jetën pasi dyshohet se ka rënë në një humnerë.
Sipas njoftimit të Policisë, ngjarja ka ndodhur rreth orës 10:52, në fshatin Lëpushë, në Kelmend. Viktima është identifikuar si Florian Sini 40-vjeç.
Pas marrjes së njofitmit, Policia bën me dije se kanë shkuar menjëherë në vendngjarje, ku kanë konstatuar se 40-vjeçari kishte humbur jetën si pasojë e dëmtimeve të marra nga rënia.
Njoftimi i Policisë:
Rreth orës 10:52, Policia është njoftuar se shtetasi F. S., rreth 40 vjeç, dyshohet se ka rënë në një humnerë, në fshatin Lëpushë, Kelmend.
Menjëherë pas marrjes së njoftimit, shërbimet e Policisë kanë shkuar në vendngjarje dhe kanë konstatuar se, si pasojë e dëmtimeve të marra, 40-vjeçari ka humbur jetën.
Grupi hetimor po kryen veprimet për sqarimin e plotë të rrethanave të ngjarjes.
