TIRANË- Ish-banori i Big Brother VIP Liam Osmani eshte lënë i lirë dy javë pas arrestimit të vij brenda në shtëpi. Liami është liruar të hënën me vendim të Gjykatës së Tiranës, e cila pranoi kërkesën e tij për rishikimin e vendimit penal të formës së prerë për shkak se procesi ishte bërë në mungesë të tij dhe pa dijeni të plotë të tij.
Kështu mësohet se çështja do të filloj nga e para dhe do të shqyrtohet nga një tjetër gjyqtar. Bashkë me shqyrtimin është vendosur edhe pezullimi i ekzekutimit të vendimit të parë dhe rrjedhimisht edhe lirimi i menjëhershëm nga burgu. Procesi do të nis nga fillimi me Liam Osmanin në gjendje të lirë, i cili do të ketë mundësi të paraqitet në seancat gjyqësore, të mbroj veten dhe të ketë dijeni të plotë për gjyqin.
-
-
U arrestua në "BBV"/ Ledioni: Liami mund të rikthehet
5 Mars, 21:33 -
-
Liam Osmani u arrestua brenda shtëpisë së Big Brother VIP vetëm pak orë pasi u bë banor i saj. 44-vjeçari rezulton i dënuar në vitin 2022, pasi në vitin 2019 përmes mashtrimit ka përvetësuar 17 bileta turistike për në Gjermani në vlerë rreth 6 mijë euro, për të cilat nuk ka kryer pagesat përkatëse. Vetë Liam Osmani ka deklaruar se nuk ka qenë në dijeni të këtij dënimi.
Ndërkohë nuk dihet nëse Liam do të rikthehet sërish në Big Brother, pasi a u bë pjesë e këtij show./ZËRI
