TIRANË- Instituti i Ndërtimit ka përfunduar ekspertizën e bërë në pallatin në zonën e ish-Parkut, i cili disa javë më parë u përfshi nga flakët.
Sipas IN zjarri ka shkaktuar probleme dhe në kolona duke e bërë të pabanueshëm. Instituti i Ndërtimit shton se deri në momentin që objekti do ti nënshtrohet restaurimit ai konsiderohet i rrezikshëm për jetën e banorëve.
"Struktura e objektit në gjendjen ekzistuese, pas ekspozimit ndaj zjarrit, nuk i plotëson kushtet e sigurisë dhe qëndrueshmërise për ngarkesat maksimale statike apo dinamike te parashikuara. Demtimet janë lokale, por mund të influencojnë të gjithë ndërtesën në saje te fenomenit "domino". Struktura duhet ti nenshtrohet restanrimit dhe perforcimit te elementeve strukturore trare, soleta apo edhe kolona, vetem ne zonen e demtuar duke u bazuar ne nje projekt përforcimi strukturor mjaft të detajuar per objektin' perkates, mbeshtetur ne demtimet e zjarrit te Date 14.09.2023. Deri ne momentin e restaurimit ndertesa konsiderohet me rrezikshmeri per jeten e njerezve dhe e pa përdorshme", thuhet në ekspertizë.
Ngjarja u regjistrua më 15 shtator. Si pasojë e flaëve banorët, shtëpiat e të cil;ëve u prekën mbetën në rrugë. Zëri.ai kontaktoi me ta dhe në atë kohë deklaruan se nuk u ishte ofruar mbështetje nga institucionet shtërore ndërsa prisnin raportin final të Institutit të Ndërtimit. Zjarri i cili u përhap fillimisht në katet e fundit të pallatit, përparoi shumë shpejt në katet e mëposhtme, edhe për shkak të fasadës me material polisteroli, që e bën më të lehtë avancimin e flakëve. Raportimet e para nga vendi i ngjarjes ishin se zjarri ishte shkaktuar nga një pajisje elektrike në katet e fundit, që ishin duplex./Zëri.ai
