SHBA-Çmimi Nobel në Fizikë i është dhënë Francis Halzen, për kontributet vendimtare në Observatorin e Neutrinove IceCube dhe zbulimin e neutrinove me energji të lartë me origjinë astrofizike. Zbulimi i tij hodhi themelet për një "lloj astronomie krejtësisht të re".
Halzen, profesor në Universitetin e Wisconsin-Madison, prezantoi për herë të parë planet për këtë observator - që tani quhet Observatori i Neutrinove IceCube - në vitin 1988, duke parashikuar një aparat të madh në akullin e Antarktidës që mund të kapte grimca të njohura si neutrino.
Observatori shfrytëzon një veti kyçe të neutrinove; ato prodhojnë një shkëndijë drite kur përplasen me një bërthamë atomike, e cila mund të gjurmohet nga sensorë të ngulitur në akull të pastër akullnajor.
Duke mbërritur në Tokë nga skajet më të largëta të kozmosit, neutrinot shpesh quhen "fantazma" sepse janë jashtëzakonisht të paqëndrueshme, ose në formë avulli, dhe mund të kalojnë nëpër çdo lloj materie pa ndryshuar. Ato nuk kanë pothuajse asnjë masë dhe asnjë ngarkesë elektrike. Ato mund të udhëtojnë nëpër mjediset më ekstreme, si yje, planetë dhe galaktika të tëra, dhe të mbeten të njëjta.
"Duhet të theksoj sa me fat isha. Sepse kur e filluam këtë projekt, të gjithë e kuptuan se kjo ishte ndoshta një ide e mirë, por shumë pak menduan se do të funksiononte, përfshirë edhe veten time", tha Hazlen.
Çmimi në Fizikë shoqërohet me 12 milionë korona suedeze, rreth 1.2 milionë dollarë, ndërsa ceremonia e ndarjes do të zhvillohet më 10 dhjetor në Stokholm.
