MORINË-Policia e Kosovës ka zhvilluar një operacion në kufirin me Shqipërinë, ku është përballur me një trafikant droge. Shqipatri ende i paidentifikuar nuk i ka ndaluar Policisë, ndërsa u ka drejtuar armën autoriteteve dhe është larguar drejt zonës malore në drejtim të Shqipërisë.
Në njoftimin zyrtar policia e Kosovës raporton se kanë tentuar ta ndalojnë të dyshuarin, por ai ka hedhur çantën me droge me një sasi prej 21 kilogram marjuanë.
“Zyrtarët policor kanë tentuar që ta ndalojnë të dyshuarin duke u prezantuar, mirëpo i njëjti ka hedhur çantën dhe ka arritur që të dalë në zonën malore në drejtim të Shqipërisë. Lidhur me rastin është kontrolluar çanta ku është vërejtur sasi e substancës së dyshuar narkotike e llojit marihuanë, e cila pas matjes nga Njësia e Antidrogës ka rezultuar rreth 21 kilogram”, ka njoftuar policia.
Operacioni i kërkimit vijon për kapjen e tij./ZËRI
