SHBA-Pasi ministri i Jashtëm iranian, Abbas Araghchi deklaroi se vendi i tij ishte gati për një pushtim tokësor nga forcat amerikane dhe izraelite, presidenti amerikan Donald Trump e quajti një koment të kotë. Trump la të kuptohej se pushtimi nuk është diçka që po e mendon aktualisht.
“Është një humbje kohe. Ata kanë humbur gjithçka. Kanë humbur marinën e tyre. Kanë humbur gjithçka që mund të humbnin”, -tha Trump, duke shtuar se “ritmi dhe intensiteti i sulmeve do të vazhdojnë”.
Trump gjithashtu tregoi se është i etur të shohë heqjen e strukturës udhëheqëse të Iranit dhe se "ne duam të hyjmë dhe të pastrojmë gjithçka" shpejt. Ai shtoi se kishte ide për një udhëheqës të ri, por nuk pranoi të përmendte askënd.
Presidenti amerikan tha më parë se do të “duhej të përfshihej” në emërimin e udhëheqësit të ardhshëm të Iranit, pasi sulmet amerikane-izraelite vranë Ajatollah Ali Khamenein.
