MOSKË- Rusia po përpiqet të angazhojë mercenarë serbë për nevojat e luftës në Ukrainë. Këtë e ka zbuluar BBC. Në fakt, sipas raportit, dokumentet plotësohen në periferi të Moskës, ndërsa vetë luftëtarët bashkohen si vullnetarë në Brigadën 106 Ajrore. Raporti i shërbimit rus të BBC-së mban titullin: Moska shpreson të rekrutojë një brigadë të serbëve për luftën në Ukrainë. Deri tani nuk po shkon mirë.
Siç tha një burim i shërbimit rus të BBC-së, serbët që mbërritën në Rusi u vendosën përkohësisht në një bujtinë në Krasnagorsk. Më pas, me inkorporimin e tyre merret një noter special, ndërsa kontratat nënshkruhen në Karoliov.
"Më 15 shtator, Vladimir Putin tha se Rusia nuk do të rekrutojë mercenarë të huaj për ushtrinë e saj dhe nuk ka nevojë për "njerëz nga jashtë","- shkruan shërbimi rus i BBC. Megjithatë, menjëherë pas kësaj, një grup prej 30 mercenarësh nga Serbia mbërriti në periferi të Moskës, për të nënshkruar kontrata dhe për t'iu bashkuar Brigadës 106 Ajrore.
Kur BBC vuri re njërin prej tyre, i cili konfirmoi në emisionin propagandistik "Soloviof" se rekrutimi po bëhet në Serbi.
Më 21 gusht, emisioni transmetoi snajperin serb Dejan Beriç, i cili ka luftuar në Ukrainën lindore që nga viti 2014, dhe Davor Saviçiç, i cili që nga viti 2014 ka formuar një togë të serbëve nën komandën e Wagner. Është interesante se kur ky informacion u bë i njohur për gazetarët në vitin 2016, Savichiç, i cili deri atëherë jetonte në Khimki afër Moskës, këmbënguli se ai ishte thjesht një ndërtues dhe se nuk kishte qenë kurrë në Ukrainën lindore apo në Siri.
Por drejtuesi i emisionit nuk i mohoi lidhjet e Serbisë me ushtrinë ruse, madje tha se Saviçiç ka marrë katër medalje për trimëri.
Djali i Millosheviçit në planin e rekrutimit
Më pas, në këtë plan morën pjesë themeluesi i togës serbe në organizatën mercenare Wagner, Davor Saviçiç, lideri i "Ujqërve të natës" Aleksandar Zalbostanov dhe djali i ish-presidentit të Jugosllavisë, Sllobodan Millosheviç, Marko. Ky i fundit jeton në Rusi prej më shumë se 20 vitesh dhe shërbente si garantues për ish-bashkatdhetarët e tij se pala ruse do të përmbushë të gjitha marrëveshjet. Në një nga takimet e fundit me kryeministrin rus Mikhail Mishustin, u tha se 'Plani' për rekrutimin e vullnetarëve u përmbush vetëm me 70% dhe qeveritarët duhet ta zbatojnë atë 100% deri në fund të këtij viti.
Presidenti Vladimir Putin, në Forumin Ekonomik të Lindjes së Largët më 12 shtator, pohoi se 270,000 njerëz kishin nënshkruar vullnetarisht kontrata në 6-7 muajt e fundit. Sipas tij, çdo ditë vijnë 1000-1500 persona për të lidhur kontratë. Më pas, më 3 tetor, Ministri i Mbrojtjes Sergei Shoigu foli për 335,000 njerëz që kishin nënshkruar kontrata me ushtrinë vitin e kaluar./Zëri.ai
