BRITANI E MADHE- Kirurgjia e zmadhimit të vitheve - e njohur ndryshe edhe si ngritja braziliane e të pasmeve gjërësisht e identifikuar si (BBL) - është procedura e kirurgjisë kozmetike me rritjen më të shpejtë të të pasmeve, por edhe një nga më të rrezikshmet. Këtë javë, një mjek doli në përfundimin se 31-vjeçares Melissa Kerr, e cila vdiq gjatë një operacioni në Turqi, nuk iu dha informacioni i mjaftueshëm për të marrë një vendim të sigurt në lidhje me procedurën.
Sa i sigurt është operacioni dhe pse është kaq popullor?
Çfarë ndodhi me Melissa Kerr?
Kerr, nga Gorleston, në Norfolk, vdiq në një spital privat në Stamboll, në nëntor 2019 ndërsa i nënshtrohej procedurës sq BBL. Një mpiksje fatale u shfaq në mushkëritë e saj pasi yndyra e marrë gjatë një procedure liposuksioni iu injektua në të pasme. Ajo dorëzoi 3,200 £ në para për operacionin, por në hetimin e Norëich-it, Jacqueline Lake, zbuloi se zonjës Kerr nuk i ishte dhënë informacion i mjaftueshëm për të marrë një vendim në lidhje me procedurën.
Lake thotë se tani do të shkruajë një raport për "parandalimin e vdekjeve në të ardhmen" me shpresën se vdekjet e turistëve të kirurgjisë kozmetike do mund të parandalohen duke marrë më shumë informacion. BBL-të mbartin rrezikun më të lartë nga të gjitha operacionet estetike - pasi më shumë se një vdekje që ndodh për 4,000 procedura.
Çfarë është një ngritës brazilian i prapanicës?
BBL-të përdoren për t'i bërë të pasmet më të mëdha, më të rrumbullakosura ose të ngritura. Kirurgët vendosin implante të mbushura me silikon dhe/ose injektojnë yndyrën e transferuar nga pjesë të tjera të trupit. Pavarësisht nga rreziqet, Shoqata Britanike e Kirurgëve Estetikë Plastikë (BAAPS) thotë se procedura është lloji më i shpejtë i rritjes të së pasmeve së kirurgjisë estetike. Një raport parandalimi i vdekjeve në të ardhmen do t'i dërgohet sekretarit të Shëndetësisë për të provuar dhe paralajmëruar të tjerët për udhëtimin në Turqi për operacione plastike pas vdekjes së Melissa Kerr.
Pse njerëzit duan një operacion BBL?
Kerr, një praktikuese e mirëqenies psikologjike, ishte "e vetëdijshme" për pamjen e saj. Motra e saj binjake, Natasha Kerr, i tha BBC-së se Melissa - e cila kishte dy diploma master - por u bë e pakënaqur me trupin e saj për shkak të shtimit të peshës dhe pasi kishte provuar të gjithë rrugët e tjera kishte vendosur që të bënte një operacion.
Pse njerëzit udhëtojnë jashtë vendit për një BBL?
Reklamat për klinikat e kirurgjisë estetike në Turqi tregojnë imazhe magjepsëse të grave me rroba banje që promovojnë operacionin, së bashku me ofertat speciale për pacientët. Dr. Sayal-Bennett thotë se reklamat janë "tmerrësisht joshëse".
"Është një iluzion,"-shtoi ajo.
Pse procedura është kaq e rrezikshme?
Hetimet në Mbretërinë e Bashkuar për vdekjen e tre grave - Melissa Kerr, Abimbola Ajoke Bamgbose, nga Dartford, Kent dhe Leah Cambridge, nga Leeds - të cilat udhëtuan në Turqi për BBL janë të ndërlidhura. Njerëzit kanë vdekur gjatë procedurës BBL për shkak se u injektohen yndyrna në venat e mëdha që më pas kalon në organet kryesore.
Këshilla e re për çdo pacient të mundshëm që shkon në Turqi përfshin: Kontrolloni nëse kirurgu juaj është i certifikuar; kirurgët plastikë duhet të kenë praktikuar profesionin për të paktën pesë vjet; kirurgët duhet të ofrojnë një plan të kujdesit të mëvonshëm dhe pacientët duhet të dinë emrin e tyre dhe si t'i kontaktojnë ata; është e detyrueshme në Turqi që të ketë një formular gjithëpërfshirës të pëlqimit të plotësuar përpara udhëtimit./BBC
