BRAZIL- Një grua 37-vjeçare në Brazil u helmua nga vjehrra e saj kur zbuloi se ajo do të divorcohej nga i biri. Sipas autoriteteve, Larissa Tale Leoncio Rodriguez, e cila ishte instruktore 'pilates', sapo kishte mësuar për pabesinë e burrit të saj kur u gjet e vdekur më 22 mars.
Burri i 37-vjeçares, Luiz Antonio Garnica, dhe nëna e tij, Elisabette Arabaca, u arrestuan në lidhje me këtë çështje, të akuzuar për vrasje.
Sipas policisë, duke cituar analizat toksikologjike, 37-vjeçarja vdiq nga një pesticid që i kishte dhënë vjehrra.
Ajo që ngjalli dyshimet e policisë ishte sjellja e bashkëshortit të 37-vjeçares, pasi kur gjeti trupin e gruas së tij kishte gjetur kohë për të pastruar vendin e krimit.
Bashkëshorti i 37-vjeçares pretendoi se kishte mbërritur në shtëpinë e tij më 22 mars dhe kishte thirrur gruan e tij, e cila nuk iu përgjigj. Ai pretendoi se e kqrkoi kudo, derisa e gjeti pa ndjenja në dyshemenë e banjës. Ai gjithashtu pohoi se, meqenëse është kirurg, e ngriti Rodriguezin nga dyshemeja dhe e çoi në shtratin e tyre për t'i dhënë ndihmën e parë.
Dyshimet e Policisë u përforcuan nga provat e para nga hetimi mjeko-ligjor, i cili vëzhgoi dëmtime në mushkëri dhe zemër të viktimës, si dhe "kërpudha shkumë" - një term mjekësor për shkumën që zakonisht shfaqet rreth vrimave të hundës dhe gojës së atyre që kanë vdekur nga mbytja.
Vjehrra e 37-vjeçares ishte e fundit që e pa gjallë. Nga hetimet u zbuluan se ajo kishte telefonuar një mik të saj fermer për ta pyetur nëse kishte pesticide.
“Kur shoku i saj tha jo, ajo i kërkoi atij t’i rekomandonte dikë ku mund ta blinte, por ai nuk i dha asnjë informacion,”- sipas G1 Globo. Një dëshmitar zbuloi se vjehrra e 37-vjeçares i kishte kërkuar që të blinte helmin rreth 15 ditë para vdekjes së nuses së saj.
"Ka indikacione se asaj i është dhënë helm gjatë gjithë javës përpara se të gjendej e vdekur. Viktima u tha miqve të saj se sa herë që vjehrra e saj dilte nga shtëpia, ajo sëmurej dhe kishte diarre,"- tha një zëdhënës i policisë.
Tashmë është krejt e qartë se simptomat ishin tregues të helmimit./ZËRI
