TURQI- Presidenti i Turqisë Rexhep Tajip Erdogan është përballur me Gjykatën Kushtetuese të vendit për dekrete të rëndësishme presidenciale. Gjykata i cilësoi si antikushtetuese disa nga dreketet, duke anuluar në mënyrë efektive vendime të rëndësishme të qeverisë Erdogan, shkruajnë mediat e huaja.
Më kryesorja ishte heqja e parakohshme e bankave qendrore dhe për emërimin e kancelarëve të universiteteve. Presidenti nuk do të jetë në gjendje të emërojë apo "të shkarkojë" nga posti i tij Presidentin e Bankës Qendrore (para përfundimit të mandatit të tij), pasi është një dekret antikushtetues. Gjykata njoftoi gjithashtu se ishte jokushtetuese ndryshimi i procesit të emërimit me dekret presidencial dhe i dha qeverisë një vit për të hartuar legjislacionin e ri në lidhje me përzgjedhjen e rektorëve.
Erdogan nxori një dekret që shfuqizoi procesin zgjedhor për përzgjedhjen e rektorëve të universiteteve, në vend të kësaj i jepte vetes fuqinë për të emëruar një nga tre kandidatët e propozuar nga Këshilli i Arsimit të Lartë. Gjykata Kushtetuese tha se ishte jokushtetuese ndryshimi i procesit të emërimit me dekret presidencial dhe i dha qeverisë një vit për të hartuar legjislacionin e ri në lidhje me përzgjedhjen e rektorëve.
Vendimi i Gjykatës Kushtetuese, ndër të tjera, anuloi dekretet lidhur me:
-themelimi i komunave me vendim të presidentit,
-emërimet e anëtarëve të Këshillit të Prokurorëve dhe Gjyqtarëve,
-transferimi i pasurive të paluajtshme televizionit shtetëror TRT,
-themelimi i një shoqërie private dhe emërimi i Guvernatorit të Bankës Qendrore
-struktura e Gjykatës së Lartë
-transferimi i pasurive të paluajtshme të Ministrisë së Rinisë dhe Sporteve,
-emërimi i këshilltarëve ministrorë.
Emërimet e deritanishme të Erdoganit do të jenë të vlefshme./ZËRI
