LIBAN - Katër persona, përfshirë dy gazetarë, janë vrarë në sulmet izraelite në Liban, thonë mediat locale libaneze, ndërsa shkëmbimet e zjarrit janë intensifikuar përgjatë kufirit. Kryeministri i Libanit dënoi sulmin në fshatin Tayr Harfa, që vrau një reporter dhe kameraman të televizionit Al Mayadeen, së bashku me një burrë tjetër. Një grua e moshuar thuhet gjithashtu se është vrarë në Kfarkela, në lindje. Ushtria izraelite nuk ka komentuar ngjarjet. Më herët, ushtria izraelite tha se avionët kishin goditur "celula terroriste" në zonën kufitare.
Ushtria e Izraelit tha gjithashtu se ata kishin goditur objektiva që i përkisnin grupit libanez Hezbollah, i cili ka gjuajtur në mënyrë të përsëritur raketa dhe predha mortajash përtej kufirit, që nga fillimi i luftës midis Izraelit dhe Hamasit në Rripin e Gazës, gjashtë javë më parë.
Al Mayadeen, një kanal televiziv arab me bazë në Bejrut, tha se reporteri i saj Farah Omar dhe kameramani Rabih al-Maamari ishin "shënjestruar qëllimisht" teksa raportuan nga Tayr Harfa, një fshat rreth 2 km (1.2 milje) nga kufiri. “Një avion luftarak izraelit qëlloi dy raketa në vendndodhjen e Farah dhe Rabih”, thuhet në njoftim. "Farah dhe Rabih sapo kishin përfunduar një transmetim të drejtpërdrejtë në orën 10:00 [08:00 GMT], duke dhënë përditësime mbi bombardimet më të fundit izraelite në Libanin e Jugut", tha agjencia e lajmeve. Agjencia shtetërore e Libanit e Lajmeve (NNA) tha se një tjetër civil, të cilin e quajti Husein Aqeel, u vra në atë që do të duket të jetë sulmi i tretë ndaj gazetarëve që punonin në Libanin jugor, që nga fillimi i luftës. Drejtori i Al-Mayadeen Ghassan bin Jiddo tha se Aqeel ishte një "kontribues" në media.
"Ky sulm dëshmon edhe një herë se nuk ka kufij për krimet izraelite dhe se qëllimi i Izraeli është të heshtë mediat që ekspozojnë krimet dhe sulmet”, tha kryeministri libanez Nabjib Mikati. Një person i katërt, të cilin NNA e identifikoi si 80-vjeçarja Laiqa Sarhan, u vra dhe disa anëtarë të familjes u plagosën në një sulm në një fshat më në lindje përgjatë kufirit, pasojat e të cilit u panë nga një ekip i BBC.
Shtëpia e tyre në Kfarkela është goditur dhe dëmtuar rëndë. Zjarrfikësit nga njësitë lokale të mbrojtjes civile shkuan në vendngjarje për të shuar flakët, ndërsa ambulancat i dërguan në spital familjarët e plagosur, përfshirë fëmijët. Ngjarja ndodh vetëm disa orë, pasi Izraeli dhe Hamasi kanë thënë se janë pranë një armëpushimi të mundshëm, pas një lufte 6-javore./Zëri.ai/
