UKRAINË- Një histori e pabesueshme i ka ndodhur një gruaje 98-vjeçare. Ajo eci e vetme për 9 km për t'i shpëtuar sulmit rus në qytetin e Ocheretin. Aventura për Lomikovskën filloi kur familja e saj vendosi të largohej nga Ocheretin në rajonin e Donetskut, pasi ky i fundit u pushua nga rusët.
Në kaosin që pasoi pas zhvendosjes së familjes, e moshuara u nda nga djali, por e vetme vendosi të vazhdonte të ecte në rrugën kryesore të qytetit. Me bastunin në njërën dorë dhe një shkop në tjetrën për të mbajtur ekuilibrin, 98-vjeçarja eci gjithë ditën pa ushqim dhe ujë derisa arriti tek forcat ukrainase.
“Një herë humba ekuilibrin dhe rashë. Një herë tjetër fjeta pak dhe pastaj vazhdova të ecja. Dhe pastaj rashë për herë të dytë. Por u ngrita dhe i thashë vetes se duhet të vazhdoj të eci,”- tregoi ajo.
Përfundimisht, ushtarët ukrainas e gjetën gruan e moshuar pasditen e asaj dite dhe ia dorëzuan anëtarëve të grupit të "Engjëjve të Bardhë", këta të fundit do ta ndihmojnë të ribashkohet me familjen./ZËRI
