SHBA- "Nuk mund të flas më, a mund ta ndalësh kamerën të lutem?,"-kështu tha Priscilla Presley, e cila po rrëfente për herë të parë gjithë humbjet e mëdha që ajo ka pësuar vitet e fundit. Në korrik 2020, nipi i saj Benjamin Keough i mori jetën vetes me armë zjarri kur ishte vetëm 27 vjeç. Në gusht 2021, nëna e saj Anna 95-vjeçare ndërroi jetë. Dhe në janar të këtij viti, vajza e saj Lisa-Marie – fëmija i saj i vetëm me Elvis Presley-n – vdiq papritur gjithashtu, nga një ngatërrim i zorrëve. Ajo ishte vetëm 54 vjeç.
"Ishte e padurueshme,"- tha ajo në intervistën e saj të vetme televizive për publikimin e biografisë së Sofia Coppola për jetën e saj, Priscilla.
Priscilla, tani 78 vjeçe, ka ende bukurinë rrezatuese dhe mistikën që ka bërë një objekt magjepsjeje globale që kur Elvisi u dashurua me të kur ajo ishte adoleshente. Ajo rrallë bën intervista, një reflektim i dëshirës së saj të fortë për privatësi që e bëri aq të dashur për Elvisin (ajo as nuk u tha shokëve të klasës në shkollë se po dilnin, pavarësisht se ai ishte ylli më i madh në botë në atë kohë). Por ajo e dinte se nuk mund ta shmangte me daljen e filmit më të ri për jetën e saj. Është e vështirë edhe të imagjinohet se sa e vështirë duhet të ketë qenë për të që të humbasë dashurinë e jetës së saj kur ai ishte vetëm 42 vjeç, pastaj vajzën dhe nipin e saj në mënyrë tronditëse.
Dhe akoma më e vështirë të durosh gjithë këtë tragjedi në syrin e publikut dhe mediave.
Priscilla u takua me Elvisin kur ajo ishte vetëm 14 vjeç, dhe ai ishte 24.
"Ai kurrë, kurrë, ka qenë ndonjëherë agresiv, as ka bërë dashuri me mua,"-tha ajo kur u akuzua nga mbështetësit e lëvizjes #Metoo se ishte abuzuar kur ishte ende e mitur nga ylli. Ajo këmbëngul se ata së pari fjetën së bashku në natën e tyre të dasmës 7 vjet më vonë, kur edhe Lisa-Marie u ngjiz.
Martesa e tyre zgjati vetëm 6 vjet, por është e qartë se Priscilla ka ende një dashuri intensive për të.
"Më mungon shumë. Më mungojnë fjalët e tij, më mungon dashuria e tij, më mungon e qeshura e tij, më mungon energjia e tij, më mungojnë kohët e argëtimit. Nuk i kupton vërtet momentet argëtuese që po kalon, derisa kthehesh pas, shikon fotografitë e tua dhe thua 'Oh zot, ne u argëtuam shumë, bëmë kaq shumë',"-tregoi ajo.
Ishte një ironi e tmerrshme që Lisa-Marie u sëmur në natën që ajo dhe Priscilla kishin marrë pjesë në Golden Globes ku Austin Butler fitoi aktorin më të mirë për portretizimin e tij të shkëlqyer të Elvisit.
"Ajo nuk dukej mirë atë natë dhe unë u shqetësova. Takat e saj ishin të larta, por ajo i kishte veshur më parë dhe mendova 'a është mirë ajo?' Pastaj ne e shikuam shfaqjen dhe qeshim pak, dhe të gjithë ishim të emocionuar për Austin Butler dhe Baz, dhe filmi shkoi aq mirë, ne ishim krenarë për ta, pastaj filluam të shkonim, dhe ajo tha '#Mami , a doni të shkoni në Chateau Marmont dhe të pini një pije?",-kujton ajo.
Por sapo arritën në hotelin fantastik në bulevardin Sunset, gjërat morën një kthesë për keq.
“Ajo tha: “Mami, duhet të shkoj, stomaku më dhemb. Unë e pyeta 'a jeni mirë?' Ajo më tha 'po, po, thjesht duhet të iki'. Pastaj e përqafova, dhe ajo shkoi në rrugën e saj, dhe unë shkova timen, dhe ai përqafim ishte përqafimi i fundit që i dhashë".
Dy ditë më vonë, ish-burri i Lisa-Marie, Danny Keough i telefonoi Priscilla-s duke thënë se ajo ishte në spital dhe ajo duhet të shkonte menjëherë tek ajo. Në momentin që ajo mbërriti, ishte tepër vonë.
"Ishte e padurueshme. Kam humbur nënën time, kam humbur nipin dhe kam humbur vajzën time. Është ende tronditëse që nuk e kam pranë."
Më pas, në mënyrë mahnitëse, Priscilla zbuloi se Lisa-Marie kishte pasur mendime për t'i marrë jetën vetes që nga vdekja e djalit të saj. Teksa tha këtë, Prishilla filloi të qante dhe më kërkoi të ndaloja xhirimet, gjë që e bëmë për disa minuta ndërsa ajo mori veten. Pas vdekjes së papritur të parakohshme të Lisa-Marie, Priscilla zbuloi se vajza e saj kishte ndryshuar në mënyrë të fshehtë testamentin e saj në 2016.
Priscilla e kundërshtoi këtë ligjërisht, e gjithçka u zgjidh miqësisht në maj.
Një tjetër temë e spekulimeve të ethshme ka qenë nëse Priscilla një ditë do të varroset së bashku me Elvisin në Graceland, ku janë varrosur edhe Lisa-Marie dhe Benjamin.
"Po, por jo tani,"-tha ajo në fund të intervistës./Zëri.ai
