IRAN-Pas vdekjes së presidentit iranian Ebrahim Raisi po rritet numri i kandidatëve për zëvendësimin e tij. Ish-presidenti i Iranit, Mahmud Ahmadinejad, i është bashkuar një liste në rritje të kandidatëve të linjës së ashpër në garën presidenciale të këtij muaji, për ta zëvendësuar të ndjerin Ebrahim Raisi, i cili vdiq muajin e kaluar nga rrëzimi i helikopterit në afërsi të kufirit me Azerbajxhanin. Ahmadinexhad, i cili ishte president nga viti 2005 deri në 2013, u regjistrua së bashku me dhjetëra të tjerë në ministrinë e brendshme të dielën, një ditë para përfundimit të periudhës së regjistrimit, shkruajnë mediat e huaja.
Politikani, i cili ishte mënjanuar kryesisht pas mandateve të tij të diskutueshme në detyrë, tha se ai po dëgjon vetëm "një thirrje nga njerëz nga i gjithë vendi" për të kandiduar përsëri dhe ai ka besim se mund të zgjidhë çështjet e brendshme dhe ndërkombëtare të Iranit.
“Mos bëni pyetje politike,” tha ai me një buzëqeshje kur u pyet nga gazetarët për reagimin e tij nëse do të skualifikohej nga kandidimi nga Këshilli i Gardës, organi kushtetues që verifikon të gjithë kandidatët. Ahmadinejad shërbeu për dy mandate, mes viteve 2005 dhe 2013, ndërsa mandati i tij i dytë u mbizotërua nga protesta të mëdha për shkak të rizgjedhjes së tij të kontestueshme më 2009. Ka fundi i mandatit të tij, ai u duk i gatshme për ta sfiduar publikisht Khamenein.
Afati për regjistrim për zgjedhjet presidenciale të 28 qershorit mbyllet më 3 qershor. Këshilli i Gardës njofton pastaj për listën përfundimtare të kandidatëve për president më 11 qershor, pasi ta ketë përfunduar procesin e vlerësimit të tyre.
/ZËRI
