RUSI- Rusia ka ngritur pikëpyetje sa i takon masakrës me 137 persona të vrarë në Moskë. Më herët në një deklaratë për shtyp Shtetet e Bashkuara u shprehën të bindur se pas sulmit në koncert qëndron Shteti Islamik. Mirëpo zëdhënësja e Ministrisë së Jashtme, Maria Zakharova në një artikull për gazetën ruse "Komsomolskaya Pravda" i drejtoi një pyetje Shteteve të Bashkuara duke ngritur dyshime se mund të kenë dhe ata gisht në këtë ngjarje.
"A jeni i sigurt se është ISIS? A mund të mendoni përsëri për këtë?”, pyeti ajo.
Sipas Zakharova SHBA po përpiqej të “mbulohej” me Shtetit Islamik, shkruajnë mediat e huaja.
“Inxhinierët politikë amerikanë e kanë futur veten në një kurth me histori se sulmi terrorist në Sallën e qytetit Crocus u krye nga organizata terroriste ISIS,” tha ajo.
Dega afgane e grupit militant, ISIS-K, mori përgjegjësinë për sulmin që vrau të paktën 137 persona. Zyrtarët e Uashingtonit konfirmuan pretendimin jo shumë kohë më vonë, dhe gjithashtu kanë thënë se Ukraina nuk kishte asnjë përgjegjësi.
Në orët e fundit mediat ndërkombëtare e shohin si një mundësi të madhe që Putini të përshkallëzojë sulmet kundër Ukrainës. Edhe pse Kievi ka mohuar çdo lloj përfshirje në këtë sulm terrorist./ZËRI
