Policia greke ka zbardhur vrasjen e 43-vjeçareje rumune 9 vite pas krimit. Nëna e tre fëmijëve u gjet e zhveshur në banjë e masakruar me thikë në vitin 2014. Për krimin u akuzua shtetasin shqiptar 54-vjeçar Zoto Jani, i cili mohoi përfshirjen në vrasje.
Në muajin korrik është arrestuar në Gjermani një pakistanez, i cili ka rezultuar autor i krimit makabër dhe është tradhtuar nga gjurma e gishtit të dorës.
Pakistezi u arrestua në Gjermani për vjedhje dyqani dhe pas një hetimi u identifikua shenja e gishtit. Gjatë marrjes në pyetje ai raportohet se ka rrëfyer se kishte vrarë nënën 43-vjeçare.
Në prill të vitit 2023, “Demokratiki” zbuloi se ishte vërtetuar mospërfshirja në krim e 54-vjeçarit shqiptar të dënuar në qershor 2015 me burgim të përjetshëm për krimin e rëndë.
Zoto Jani u la i lirë me kusht dhe i ndalohej largimi nga jashtë vendit, si edhe duhej të paraqitej një herë në muaj në komisariatin e vendbanimit të tij.
Provat ishin gjurmët e gishtërinjve të marra nga pllakat e banjës pranë trupit të pajetë të 43-vjeçarit dhe i përkisnin një pakistanezi që jetonte me bashkatdhetarët e tij në një apartament në katin e parë në pallatin ku u krye krimi.
Në një seancë në Gjykatën e Apelit të Dodekanezit, një punonjës policie kishte dëshmuar se krimi nuk mund të ishte kryer nga i akuzuari brenda 6 minutave, konkretisht nga ora 01.38 kur la punën në furrë buke dhe në orën 01.44 kur ka telefonuar për të informuar autoritetet për krimin.
Gjykata kishte urdhëruar ekzaminimin e pamjeve nga kamerat e pastiçerisë ku shqiptari punonte dhe në vendin e krimit, më tej deklasifikimin e telefonatave të bëra në celular.
Drejtoria e Hetimeve Kriminale ka dorëzua një ekspertizë laboratori, duke konfirmuar pretendimet e të shqiptarit, nga i cili rezultonte se ai po telefononte partneren e tij.
Më 14 prill 2014 në ora 13:54, Departamenti i Sigurisë është njoftuar nga Departamenti i Policisë së Kos se një grua ishte gjetur e vdekur në zonën e Platanit.
Policia ka shkuar në vendin e ngjarjes në orën 14.00, ku i priste 54-vjeçari, i cili duke u dridhur bërtiste: “E kanë therur djema, nuk mund ta besoj, kush e bëri?”.
54-vjeçari drejtoi policinë drejt shtëpisë së tij, ku trupi i 43-vjeçares u gjet në banjë.
Kufoma ishte në një pozicion shtrirë, e zhveshur nga beli e poshtë dhe të brendshmet e saj ishin hequr deri në gjunjë dhe kishte një prerje tërthore rreth tetë deri në dhjetë centimetra të gjatë në zonën e vulvës dhe një prerje në anën e jashtme të gjoksit të majtë.
Oficerët zbuluan se nuk kishte shenja dhune në derën e banesës, as në derën e oborrit të dhomës së ndenjes dhe se çelësi i shtëpisë ishte në pjesën e jashtme të derës, e cila ishte e hapur.
54-vjeçari ka pohuar se ka hapur me çelësa derën e banesës, si dhe derën e ballkonit. Ai pretendoi se kishte hapur derën e ballkonit, duke kërkuar ndihmë nga fqinjët.
Jani Zoto, i cili ndodhej në një pastiçeri, ku punonte pak larg nga vendi i krimit, mohoi përfshirjen në krim. Punëdhënësi i tij konfirmoi se ai ishte në punë dhe kjo u vërtetua nga kontrolli i kamerave të sigurisë së dyqanit, si dhe dëshmia e punonjësve.
Avokatët e tij këmbëngulën në faktin se nga hetimet e kryera rezultoi se ai ka qenë në punë në momentin e kryerjes së krimit, ndërsa më tej argumentuan se vrasësi është në arrati dhe nga analizat e ADN-së nuk rezultonte asnjë provë ndaj tij.
Në thoin, dorën e djathtë dhe pantallonat e viktimës është gjetur material nga një burrë i paidentifikuar.
Në kuzhinë u gjet një thikë buke, 31 cm e gjatë, e cila ishte vendosur në një gotë. Sipas deklaratave të fqinjëve, ata kanë dëgjuar zëra në rumanisht dhe një thirrje për ndihmë nga banesa rreth orës 13:00 dhe pak minuta më vonë rreth 13:30 , partneri i saj është shfaqur i tronditur dhe duke u dridhur duke thënë se e gjeti të vrarë. Zëri.ai
