BRITANI E MADHE- Opozita po kritikon sekretarin e Jashtëm britanik, David Cameron për marrjen me qira të një avioni luksoz me vlerë rreth 42 milionë paund (49 milionë euro), si pjesë e turneut të tij pesë-ditor në Azi. Siç raporton gazeta britanike "The Guardian", kritikët e ish-kryeministrit britanik e akuzojnë se po udhëton si mbret, duke përdorur paratë e taksapaguesëve britanike.
Cameron udhëtoi me avionin "Embraer Lineage 1000" në Taxhikistan, Kirgistan, Uzbekistan, Turkmenistan, Kazakistan dhe Mongoli. "Union Aviation", kompania charter që jep me qera avionin, shpjegon në faqen e saj të internetit se pjesë e stafit janë kuzhinierë dhe ekspertë për të ndihmuar udhëtarët me përzgjedhjen e verës dhe ushqimit. Po ashtu, edhe menuja është e ndryshueshme në varësi të pasagjerëve.
PAMJET NGA AVIONI:
I get that David Cameron may need to charter a plane when travelling to multiple countries in one week, but that does not justify spending hundreds of thousands of pounds at taxpayers' expense to hire one of the most luxurious private jets on the market. https://t.co/2Snbwhed8w pic.twitter.com/xexZZnjvEe
— Emily Thornberry (@EmilyThornberry) April 28, 2024
Përpara turneut të Cameron, qeveria e Londrës njoftoi se Sekretari i Jashtëm do ta bënte vizitën për të promovuar bizneset britanike dhe për të njoftuar financimin e ri prej 50 milionë paundësh për të mbështetur sovranitetin dhe pavarësinë e shteteve në të gjithë rajonin.
Në një artikull, gazeta "Mirror" raporton se deputetja labortiste Emily Thornberry shprehu zemërimin e saj duke shkruar në platformën X (ish Tëitter): Unë e kuptoj që David Cameron mund të ketë nevojë të marrë me qira një aeroplan kur udhëton në disa vende brenda një jave, por kjo nuk justifikon shpenzimin e qindra mijëra paundëve në kurriz të taksapaguesit për të marrë me qira një nga avionët privatë më luksozë në treg.
Si përgjigje, një zëdhënës i Zyrës së Jashtme u justifikoi gazetarëve vendimin e Cameron.
“Puna e Sekretarit të Jashtëm kërkon që ai të udhëtojë jashtë vendit për të ndjekur interesat e Mbretërisë së Bashkuar. Kjo ishte mënyra më efikase për ta bërë këtë në këtë rast. Kostot e udhëtimit do publikohen për transparencë."/ZËRI
