STAMBOLL- Avokati i Ekrem Imamoglu, Mehmet Pehlivan, gjithashtu u arrestua nga autoritetet turke, ndërsa protestat për burgosjen e ish-kryebashkiakut të Stambollit vazhdojnë. Menjëherë pas kësaj reagoi edhe kryebashkiaku i arrestuar i Stambollit duku thënë se nuk gënjeshtrat dhe shpifjet nuk mbarojnë.
"As gënjeshtra dhe as shpifja nuk mbarojnë. Këtë herë, avokati im Mehmet Pehlivan u arrestua mbi baza të rreme. Sikur të mos mjaftonte përpjekja për grusht shteti në demokraci, ata nuk mund të tolerojnë që viktimat e këtij grushti të mbrohet. Lironi menjëherë avokatin tim”, shkruan ai.
Nga ana e tij, deputeti i Partisë Republikane Popullore (CHP) të Stambollit, Turan Taskin Ozer, tha gjithashtu se avokati i tij u arrestua për të mbuluar të vërtetën.
"Një tjetër arsye e sajuar dhe një tjetër arsye e sajuar për ndalim!!! U arrestua avokati i kryetarit të bashkisë sonë metropolitane. Çfarëdo të bëni, nuk do të mund ta mbuloni të vërtetën. Kombi është i madh!!!"
Vlen të theksohet se Imamoglu aktualisht është përpara Erdoganit në disa sondazhe kombëtare. Mbi 1900 persona janë arrestuar gjatë protestave masive, ndërsa qeveria ka goditur mediat miqësore me opozitën. Kujtohet se gazetari i BBC Mark Loëen u deportua nga Turqia të enjten, pasi autoritetet turke e akuzuan atë se përbën një "kërcënim për rendin publik" në vend, sipas një deklarate nga media britanike./ZËRI
