SERBI- Komisioni Republikan i Zgjedhjeve në Serbi vendosi ripërsëritjen e zgjedhjeve parlamentare në 28 qendra votimi në vend. Si datë për mbajtjen e tyre, Komisioni caktoi 30 dhjetorin.
'Komisioni Republikan i Zgjedhjeve nuk është kompetent dhe nuk mund të veprojë sipas kërkesës së opozitës për përsëritjen e zgjedhjeve në Beograd”, deklaroi kryetari i rij, Vladimir Dimitrijevic.
Në vendet ku do të përsëriten zgjedhjet janë gjithsej 12.240 votues. Përsëritja e votimeve vjen për shkak se nuk mund të përcaktohen rezultatet e zgjedhjeve të 17 dhjetorit.
Një nga krerët e koalicionit opozitar “Serbia kundër dhunës”, Miroslav Aleksiç tha se Komisionit i janë paraqitur të gjitha vërejtjet e tyre, dëshmitë, regjistrimet dhe gjithçka që duhet të shohë Komisioni i Zgjedhjeve, përfshirë të dhëna se në çfarë kushtesh janë mbajtur zgjedhjet dhe si është kryer vjedhja brutale në qendrat e votimit, se si njerëzit nga Republika Serbe, nga Bosnja, u sollën (për të votuar)./ ZËRI
