SHBA- Presidenti Donald Trump mirëpriti Presidentin sirian Ahmad al-Sharaa pas heqjes së sanksioneve të vendosura ndaj Sirisë, e cila kishte qenë një shtet i përjashtuar për dekada të tëra përpara se forcat rebele të rrëzonin Presidentin sirian Bashar Assad dhjetorin e kaluar.
Al-Sharaa, i cili dikur kishte lidhje me al-Kaidën dhe për kokën e tij SHBA-ja kishte një shpërblim prej 10 milionë dollarësh, u emërua udhëheqës i përkohshëm në janar.
Trump dhe al-Sharaa u takuan për herë të parë në maj në Arabinë Saudite. Tani, Al-Sharaa është bërë kreu i parë i shtetit sirian që viziton Shtëpinë e Bardhë që kur vendi i Lindjes së Mesme fitoi pavarësinë nga Franca në vitin 1946.
Prioritetet e tij përfshijnë sigurimin e një shfuqizimi të përhershëm të sanksioneve që ndëshkuan Sirinë për akuzat e përhapura për shkelje të të drejtave të njeriut nga qeveria e Asadit dhe forcat e sigurisë.
Administrata Trump iu rikthye gjithashtu Gjykatës Supreme të hënën në një përpjekje për të mbajtur të ngrira pagesat e plota në programin federal të ndihmës ushqimore SNAP gjatë mbylljes së qeverisë amerikane , duke lënë në harresë ndihmën federale që ndihmon 42 milionë amerikanë të varfër të blejnë ushqime./ZËRI
