ROMË- Pas vdekjes së Papa Françeskut, një profeci misterioze mesjetare është shpërndarë në rrjetet sociale, duke shokuar mijëra përdorues. Sipas profecisë, për Papët, Papa Françesku thuhet se është i fundit para apokalipsit apo Ardhjes së Dytë të Krishtit. Kjo profeci është referuar në librin “Profecia e Papvëve” (Prophetia Sancti Malachiae Archiepiscopi, de Summis Pontificibus), i cili pretendon të parashikojë vitin e Ditës së Gjykimit.
Libri përbëhet nga një seri frazash latine në 112 hyrje të fshehta, që supozohet se parashikojnë linjën e papëve katolikë nga Celestini II deri te kreu aktual i Kishës. Ndërsa në fund të librit thuhet: Në përndjekjen përfundimtare të Kishës së Shenjtë Romake, do të mbretërojë Pjetri Romaku, i cili do të kullosë kopenë e tij mes shumë mundimesh, pas të cilave qyteti i shtatë kodrave do të shkatërrohet dhe Gjykatësi i tmerrshëm do t’i gjykojë njerëzit. Fundi.
“Qyteti i shtatë kodrave” kuptohet të jetë Roma. Sipas një interpretimi të profecisë, fundi i botës mund të vijë që në vitin 2027.
Por, kjo profeci nuk është diçka e re, pasi është paraqitur disa herë në trillimet popullore. Megjithatë, studiuesit modernë vënë në pikëpyetje vërtetësinë e tij, duke argumentuar se teksti është një falsifikim misterioz i krijuar me gjasë me paragjykime politike. Ndërsa, persona të tjerë iu referohen Biblës për të parashikuar datën e Ardhjes së Dytë. Mateu 24:36 thotë: Por për atë ditë ose orë, askush nuk e di, as engjëjt në qiell, as Biri, por vetëm Ati./ZËRI
