GJEORGJI- Në një botë ku kufiri midis jetës personale dhe asaj profesionale po “venitet” gjithnjë e më shumë nga mediat sociale, rasti i Brittany Pietsch ka ndezur diskutime në platforma të ndryshme sociale. Vendimi Pietsch për të regjistruar dhe ndarë përvojën e saj të shkarkimit nga puna në TikTok, e cila më vonë u bë virale, i ndau përdoruesit e mediave sociale në disa qëndrime.
Më 10 janar, Pietsch publikoi një video në TikTok, duke regjistruar bisedën e saj në Zoom me dy punonjës të Cloudflare HR ku ajo u informua për pushimin nga puna. Videoja, e ripostuar më 11 janar, fitoi shpejt vëmendje në internet. Në total, videot kanë grumbulluar afro 6 milionë shikime, duke reflektuar interesin e gjerë dhe polemika rreth gjendjes së saj.
@brittanypeachhh Original creator reposting: brittany peach cloudflare layoff. When you know you’re about to get laid off so you film it :) this was traumatizing honestly lmao #cloudflare #techlayoffs #tech #layoff ♬ original sound - Brittany Pietsch
Pietsch, e cila kishte punuar në zyrën e Cloudflare në Gjeorgji që nga gushti i vitit të kaluar, tha në videon e saj se ajo priste të pushohej nga puna, veçanërisht pasi ishte dëshmitare e shkarkimit të një kolegeje më herët gjatë ditës.
“Më pushuan nga puna 2 persona që nuk i njoh, një grua nga HR dhe një burrë për të cilin nuk kam dëgjuar kurrë ”, thotë ajo në video.
Gjatë telefonatës, asaj iu tha se shkarkimi i saj ishte për shkak se ajo nuk po përmbushte pritshmëritë e kompanisë bazuar në rishikimet e performancës nga viti 2023. Pietsch e kundërshtoi këtë duke përmendur nivelin e lartë të aktivitetit dhe menaxhimin efektiv të marrëveshjeve në ekipin e saj.
Megjithatë, përpjekjet e saj për të mbrojtur performancën e saj u prit me një qëndrim të ashpër nga zyrtarët e BNJ. Zëdhënësja e Burimeve Njerëzore u përgjigj: “Unë nuk mendoj se ka ndonjë gjë që mund të themi tani që do të ndryshojë mënyrën se si ndiheni. Kjo nuk do të ndryshojë rezultatin e kësaj situate.'
Ndërsa disa shikues simpatizojnë Pietsch, duke admiruar guximin e saj për të ngritur veten në një moment të pambrojtur, të tjerë vënë në dyshim përshtatshmërinë e regjistrimit dhe ndarjes së një gjendjeje të tillë private./ZËRI
