GREQI- Një aksident tragjik ka ndodhur ditën e enjte në Greqi, ku një avion është rrëzuar në zonën detare të Maleme, në Kretë, vetëm pak metra larg aeroportit, e si pasojë kanë humbur jetën dy persona.
Viktimat ishin piloti Theodoros Pantos (president i West Attica Aero Club) dhe pasagjeri i tij (emri i tij nuk bëhet i ditur pasi informacionet thonë se ishte oficer porti), të cilët nuk arritën të dilnin nga avioni para rrëzimit dhe si pasojë humbën jetën.
Avioni u gjet i fundosur rreth gjysmë milje detare larg plazhit në kufijtë e Malemes dhe Tavronitis, nga një mjet lundrues privat që mori pjesë në hetime dhe në të cilin ndodhej një oficer i Rojës Bregdetare-Rojes Bregdetare Greke.
“Ishin të lidhur, nuk kishin bërë asnjë përpjekje për të dalë. Gjetëm një lundrues. Ne shkuam dhe pamë avionin. Nuk kishim pajisje zhytjeje me vete. E bëra nxjerrjen me frymëmarrje. Ata ishin të lidhur, nuk kishin bërë asnjë përpjekje për të dalë. Ata kishin mavijosje. Ata ndoshta kanë humbur vetëdijen apo edhe jetën nga përplasja”, tha rojtari i shpëtimit Pavlos Litinakis, duke përshkruar momentet dramatike që u zhvilluan gjatë operacionit.
