EREVAN – Parlamenti i Armenisë ka votuar në mënyrë unanime, që Erevani të njohë vendimin e Gjykatës Penale Ndërkombëtare në Hagë, për një arrestim të presidentit rus Vladimir Putin.
Ky vendim i parlamentit të Armenisë, do të thotë se në rast se Putin shkel në tokën armene, atëherë mund të arrestohet. Vendimi po ashtu nxit tensione mes Erevanit dhe Moskës, teksa të dyja vendet kishin një miqësi tradicionale me njëra-tjetrën.
Marrëdhëniet tashmë janë dëmtuar në mënyrë serioze, që kur Rusia pushtoi Ukrainën dhe Azerbajxhani hyri në Nagorno Karabakh “në mënyrë agresive”.
Ratifikimi i statutit ka të ngjarë të çojë në një përkeqësim të marrëdhënieve midis Armenisë dhe Rusisë, e cila e konsideroi ofertën e Erevanit për t'u bashkuar me Gjykatën e Hagës, një "hap armiqësor".
Kremlini paralajmëroi Armeninë javën e kaluar se vendimi i saj për t'u bashkuar me Gjykatën Penale Ndërkombëtare, e cila lëshoi një urdhër arresti për Putinin për rrëmbimin e dyshuar të fëmijëve ukrainas, ishte "jashtëzakonisht armiqësor".
Tani vendimi i parlamentit do t'i dërgohet Presidentit të Armenisë për nënshkrim. Vendimi pritet të hyjë në fuqi për 60 ditë, raporton RIA Novosti./Zëri.ai/
