ITALI- Një tragjedi familjare ka ndodhur në Itali, ku një 54-vjeçar vrau gruan dhe dy fëmijët e tij 5 dhe 16 vjeç, në një prej provincave të Palermos. Krimi i ndodhur mbrëmjen e djeshme, u denoncua nga vetë autori i krimit të trefishtë, i cili u vetëdorëzua në polici.
Vrasja e trefishtë në zonën e Palermos
Nuk është ende e qartë se çfarë ndodhi në shtëpinë në Altavilla Milicia, në provincën e Palermos, natën midis të shtunës 10 dhe të dielës 11 shkurt, kur një burrë, Giovanni Barreca, vrau gruan e tij Antonella Salamone dhe dy fëmijët e tyre të moshës 5 dhe 16 vjeç. Emanuel dhe Kevin. Alarmi është ngritur rreth orës 3 të mëngjesit.
Prokuroria e Termini Imerese po heton krimin dhe i ka deleguar hetimet Karabinierëve të departamentit të operacioneve për të rindërtuar atë që ndodhi.
Shpëtohet vajza 17 vjeçare
Një tërbim vrasës, shkaqet e të cilit do të zbardhen dhe bëhen të ditura në orët në vijim nga hetimet e prokurorisë. Vajza tjetër e 54-vjeçarit, një 17-vjeçare ka arritur të shpëtojë veten. Nuk dihet ende sesi e reja ka mundur t’i shpëtojë tërbimit të babait të saj që gjatë natës kreu vrasjen e trefishtë në shtëpi.
Thirrja në polici për të dorëzuar veten
Dhe pasi vrau gruan dhe dy fëmijët adoleshentë, burri u dorëzua në polici. Në fakt, pasi ka kryer vrasjen e trefishtë, 54-vjeçari ka telefonuar policinë dhe i ka treguar se çfarë kishte ndodhur.
Burri më pas u takua me policinë në Casteldaçia aty pranë, ku u dorëzua pa bërë asnjë rezistencë.
/ZËRI
