BELGJIKË - Ish-ministri i Drejtësisë Vincent Van Quickenborne tregoi të martën në programin “De tafel van Gert” të transmetuar në Play4, se ai ishte viktimë e dhunës seksuale, kur ishte i ri.
Quickenborne tha se kur ishte në një kolegj në Gent, një prift shkoi te dhoma e tij dhe e prekte në vende intime. Politikani thekson se kur ishte sëmurë, prifti shkoi tek ai dhe i thoshte të hiqte pantallonat.
Ish-ministri i Drejtësisë i Belgjikës, që dha dorëheqjen disa ditë më parë për shkak të sulmit terrorist, tha se prifti vinte në dhomën e tyre dhe u kërkonte të hiqnin pantallonat para tij.
“Të gjithë të rinjtë në shkollën e konviktit e kanë përjetuar atë ndjenjë të keqe. Në shkollë e dinin të gjithë këtë histori, se prifti abuzonte me të rinjtë. Ishte një situatë e rëndë, që zgjati shumë”, tha politikani.
Quickenborne deklaroi se prifti që kishte abuzuar me të, tani ka vdekur. Emri i tij ishte dhe në listën e priftërinjve, të akuzuar për dhunë seksuale.
Vincent Van Quickenborne ishte ministër i Drejtësisë, por dha dorëheqjen pak ditë më pare, pas sulmit terrorist në stadium, ku luhej sfida Belgjikë-Suedi./Zëri.ai/
