SHBA - Një burrë nga Pensilvania është akuzuar për vrasje, pasi babai i tij u gjet i vrarë në mënyrë mizore, brenda shtëpisë së tyre familjare të martën mbrëma në Middletoën Township, Bucks County.
Djali i viktimës, i identifikuar si 32-vjeçari Justin Mohn, është akuzuar për vrasje dhe abuzim me kufomën, ndër të tjera, sipas policisë. Mohn akuzohet se jo vetëm i ka prerë kokën babait të tij, por edhe se ka postuar videon e momentit të ekzekutimit në YouTube.
Oficerët iu përgjigjën thirrjeve të policisë rreth orës 19:00, pas raportimeve për një trup të përçunduar, pasi gruaja e viktimës gjeti trupin e vdekur, që kishte plagë të shumta. Kur oficerët arritën, ata gjetën viktimën rreth të 60-ave, të vdekur në një banjë në katin e sipërm. Sipas shefit të policisë së qytetit të Middletown, Joe Bartorilla, Mohn iku nga vendngjarja me automjetin e babait të tij.
Policia konfirmoi gjithashtu se kishte një video shqetësuese në rrjetet sociale, që duket të jetë e lidhur me hetimin. Videoja në YouTube tregon se pamja e vrasjes mizore është parë së paku 5000 herë. Action News ka parë pjesë të videos, ku burri identifikohet si Justin Mohn dhe thotë se ka vrarë babanë e tij.
Mohn e quajti veten një udhëheqës milicie dhe e konsideroi babanë e tij tradhtar të vendit, pasi ishte punonjës federal për 20 vjet. Ai foli gjithashtu për presidentin Joe Biden dhe kërcënoi shumë agjenci federale në videon e YouTube. Mohn u arrestua në Fort Indiantown Gap në Libanon County, rreth 100 milje nga vendi i krimit./ZËRI/
