INDI- Të paktën gjashtë foshnja të porsalindura vdiqën në një zjarr në një spital për fëmijë në kryeqytetin indian të Nju Delhi. Dymbëdhjetë të porsalindur të tjerë u shpëtuan nga spitali, tha për CNN, Atul Garg, shefi i Shërbimeve të Zjarrfikësve në Delhi.
Një nga foshnjat e shpëtuara është në gjendje të rëndë dhe pesë të tjerë po marrin kujdes mjekësor, tha Garg.
Foshnjat e shpëtuara nuk janë identifikuar pasi autoritetet nuk kanë gjetur ende të dhënat e tyre të lindjes, tha Garg. Është e paqartë nëse të dhënat e lindjes janë shkatërruar nga zjarri.
Shërbimet e Zjarrfikësve të Delhi-t thanë se mori një telefonatë në orën 23:32 dhe nëntë kamionë zjarrfikës u nxituan në vendngjarje.
Zjarri filloi në një ndërtesë fqinje, por shkaku i saktë i zjarrit ende nuk është përcaktuar. Në vitin 2021, 10 foshnja të porsalindura vdiqën nga një zjarr në spital në Maharashtra.
