Seanca për Gërdecin/ Nuk gjendet adresa për Luan Hoxhën
TIRANË- Ish-Shefi i Shtatit të Përgjithshëm të Forcave të Armatosura Luan Hoxha, nuk është gjetur nga Policia në adresën e lënë prej tij, kështu ai nuk ka marrë pjesë në seancën e sotme në Gjykatën e Posaçme Kundër Korrupsionit dhe Krimit të Organizuar ku po shqyrtohej dosja Gërdeci.
Po ashtu në adresë nuk janë gjetur dhe Anjola Agolli dhe Dashnor Caushi. Këtë të mërkurë SPAK ka kërkuar që të ripërsëritet thirrja e tyre. Seanca e radhës është caktuar të mbahet më 13 mars./ZËRI
'Gërdeci'/ SHBA kërkon shpjegime për pyetjen e shtetasve të huaj! Ja çfarë thotë Mediu pas seancës
TIRANË- Është mbajtur këtë të mërkurë në ambientet e Gjykatës së Posaçme Kundër Korrupsionit dhe Krimit të Organizuar seanca e radhës në lidhje me çështjen “Gërdeci”. Mësohet se Shtetet e Bashkuara të Amerikës kanë kërkuar shpjegime për marrjen në pyetje të shtetasve të huaj, Patrick Henry dhe përfaqësuesit e kompanisë SAK. Në letërporosi thuhet se marrja në mund të behet dhe me video-konferencë, ndërsa seanca gjyqësore në SHBA është përcaktuar në 12 maj 2024.
Ndërkohë ish-ministri i Mbrojtjes Fatmir Mediu në daljen e tij për mediat jashtë ambienteve të GJKKO u shpreh se në lidhje me këtë çështje ka 17 vite që pret të merret në pyetje, por shton se marrja e tij në pyetje duhet të jetë një akt real.
Fatmir Mediu: Mendoj se është një detyrim i prokurorisë për dëshmitarët që ka thirrur t’i bëj të mundur të jenë prezent. Mundësisht për dëshmitarët që thërrasin të kenë dëshirën të dëgjojnë të dhëna që mund të ndihmojnë në zbardhjen e këtij procesi. Nëse ka mangësi në mënyrën si ka proceduar prokuroria kjo nuk është pjesë e përgjegjësisë së mbrojtjes. Në atë që lexoi gjyqtarja duket që kishte nevojë për të sqaruar se për çfarë thirren këta dëshmitarë për t’u pyetur. Gjë që duhet ta kishim bërë edhe me dëshmitarët që ka thirrur prokuroria deri më tani. Ashtu siç bëmë ne me dëshmitarët tanë dhe një pjesë e tyre u refuzuan në mënyrë krejt të papranueshme.
Fatmir Mediu akuzohet për shpërdorim detyre të kryer në bashkëpunim me zinxhirin komandues ushtarak. Ish-ministri u rikthye në Gjykatë nga denoncimi i një familjeje nga Gërdeci, fshati i tragjedisë së 15 marsit ku nga shpërthimi humbën jetë 26 persona e u plagosën 300 të tjerë./ZËRI
'Gërdeci'/ 'Mediu është njëshi', zbardhen debatet në seancë, Zamira Durda: 1-shi se ka vrarë njerëz
TIRANË- Zbardhen detaje nga seanca gjyqësore npër çështjen “Gërdeci” në Gjykatën e Posaçme Kundër Korrupsionit dhe Krimit të Organizuar. Ai që ka dëshmuar këtë të mërkurë ka qenë ish-drejtori Juridik i Ministrisë së Mbrojtjes, Rezart Tërshana. Ky i fundit ka folur për procesin e demontimit, ndërsa iu përgjigj disa pyetjeve nga ish-ministri i Mbrojtjes Fatmir Mediu dhe avokati i tij. Ndërkohë në seancë ka ndërhyrë dhe Zamira Durda, nëna e një prej viktimave të shpërthimit, e cila ka akuzuar Mediun. Ndërkohë seanca e radhës është vendosur të mbahet më 15 mars.
Rezart Tërshana: Ne nuk caktuam çmim për demontimin, sepse nuk e dinim ku do bëhej demontimi. Komisioni i çmimeve nuk e dinte këtë gjë, kjo gjë nuk u diskutua, për sa kohë nuk e dinim ku do transportoheshin nuk vendosnim dot çmim. Me aq sa mbaj mend unë, 30 deri në 35 milionë euro harxhoheshin nga buxheti i shtetit për demontimin.
Fatmir Mediu: Çfarë raportesh ke patur me mua?
Rezart Tershana: Marrëdhënie pune, asgjë tjetër
Fatmir Mediu: Çështje fitimi ka qenë demontimi?
Rezart Tërshana: Jo, ka qenë çështje sigurie
Fatmir Mediu: E mbani mend urdhërin 2044?
Rezart Tërshana: Jo
Fatmira Durda: Lërini urdhërat 2044, po flisni për pasojat e Gërdecit (me tone të larta)
Avokati Visha pyet Tërshanën: Cili nga ministrat ka qenë më korrekti sipas jush?
Rezart Tërshana: Mediu është njëshi
Zamira Durda: Njëshi është se ka vrarë njerëz
Gjyqtarja Irena Gjoka: Mbani qetësi
Fatmir Mediu akuzohet për shpërdorim detyre të kryer në bashkëpunim me zinxhirin komandues ushtarak. Ish-ministri u rikthye në Gjykatë nga denoncimi i një familjeje nga Gërdeci, fshati i tragjedisë së 15 marsit ku nga shpërthimi humbën jetë 26 persona e u plagosën 300 të tjerë./ZËRI
'Gërdeci'/ Ish-drejtori i 'Albademil' refuzon të dëshmojë! Fatmir Mediu: Erdha për tu ballafaquar
TIRANË- Ish-ministri i Mbrojtjes Fatmir Mediu ka folur për mediat pas daljes nga Gjykata e Posaçme Kundër Korrupsionit dhe Krimit të Organizuar ku u zhvillua seanca e radhës ndaj tij për çështjen “Gërdeci”. Mediu tha sot ishte në GJKKO për tu ballafaquar ndërsa shtoi se çdo akt i lëshuar prej tij është bërë në interes të vendit. Në seancë Dritan Minxholli, ish-drejtori i kompanisë “Albademil”, që kryente demontimin e municioneve dhe predhave në punishten e Gërdecit ka refuzuar të dëshmojë dhe mësohet se ka kërkuar uljen e dënimit.
Fatmir Mediu: Shefi i sektorit i Drejtorisë Juridike çmoi se çdo akt që ka nxjerrë ministri ka qenë në përputhje me ligjin, me VKM-në dhe detyrimet ndërkombëtare dhe çdo akt që është nxjerrë ka qenë në shërbim të interesit të sigurisë së vendit për demontimin e municioneve. Për sa i përket pastaj thirrjes së dëshmitarëve, mendoj që ky është një detyrim i Prokurorisë për dëshmitarët që ka thirrur, t’i bëjë të mundur të jenë prezent. Mundësisht, nëse nuk kanë pyetje vetë për dëshmitarët që thërrasin, të kenë të paktën dëshirën që të dëgjojnë pyetjet tona se mund të ndihmojnë në zbardhjen e së vërtetës dhe në proces.
Pyetje: Z. Mediu, Prokuroria e Posaçme ka kërkuar pyetjen e pesë shtetasve amerikanë dhe sot autoritetet amerikane të drejtësisë kanë kërkuar pyetje shtesë për këta persona dhe për të ditur statusin e tyre penal. Në këndvështrimin tuaj, a është kaq e domosdoshme pyetja e tyre dhe a mund ta ndihmojnë procesin ndaj ish-ministrit të Mbrojtjes?
Mediu: Klodi, e para njëherë, se ju jeni juriste, mendoj se në qoftë se ka mangësi në mënyrën sesi ka proceduar Prokuroria, kjo nuk është pjesë e përgjegjësisë së Mbrojtjes. Pra, në atë që lexoi gjyqtarja duket që kishte nevojë për të sqaruar se për çfarë thirren këta dëshmitarë për t’u pyetur, gjë që duhet ta kishin bërë edhe më dëshmitarët që ka thirrur Prokuroria deri me tani. ashtu siç bëmë ne me dëshmitarët tanë dhe një pjesë e tyre u refuzuan në mënyrë krejt të papranueshme. Mendoj se padyshim, sepse është kompania që ka bërë procesin e demontimit, është kompania që ka pasur kontratën, është kompania e cila ka qenë pjesëmarrëse në procesin e demontimit, si në të parin dhe në të dytin; është kompania që ka bërë transaksionet e ndryshme rreth këtij procesi; është kompania, e cila ka prezantuar tek Ministria e Mbrojtjes, teknologjinë, eksperiencën dhe të gjitha marrëdhëniet që ka pasur. Dhe po ta marrim logjikën e thjeshtë, duhet që çdo element që është marrë me këtë proces, të ishte pjesë e dëshmisë apo e vlerësimit juridik të veprimtarisë apo mosveprimtarisë së tyre.
Në seancën e sotme, Gjykata ka kërkuar nga Policia që të njoftojë Mihal Deligjorgjin dhe Dritan Minxollin si dëshmitarë, por ende nuk u janë gjendur adresat. Ndaj edhe pritet për t'u parë nëse do të marrin pjesë në seancën e sotme. Fatmir Mediu akuzohet për shpërdorim detyre të kryer në bashkëpunim me zinxhirin komandues ushtarak. Ish-ministri u rikthye në Gjykatë nga denoncimi i një familjeje nga Gërdeci, fshati i tragjedisë së 15 marsit ku nga shpërthimi humbën jetë 26 persona e u plagosën 300 të tjerë./ZËRI
“Gërdeci”/ Nis në GJKKO seanca për ish-ministrin e Mbrojtjes, Fatmir Mediu
TIRANË- Ka nisur seanca e radhës në ambientet e Gjykatës së Posaçme kundër Korrupsion dhe Krimin e Organizuar për ish-ministrin e Mbrojtjes, Fatmir Mediu lidhur me tragjedinë e Gërdecit, të ndodhur disa ditë më parë. Seanca e kaluar, e mbajtur në 21 shkurt, u shty për shkak të mungesës së gjyqtares Irena Gjoka.
Mediu: Sesi ka procedurat Prokuroria, kjo nuk është përgjegjësi e mbrojtjes. Këtë duhet ta kishin bërë edhe me dëshmitarët. Mendoj që padyshim është kompania që ka bërë procesin e demontimit. është kompania që ka bërë transaksionet e ndryshme. Kam pritur 17 vjet për t'u pyetur për çdo gjë. Unë kam ardhur vetë në Gjykatë për të bërë pyetje dhe për t'u gjykuar. Nuk e bëj në media, e bëj në sallën e gjyqit. Do të desha që gjithsecili të përgjigjet për pyetjet sepse ka të bëjë me të vërtetën e tyre. Ka të bëjë me humbjen e jetës së njerëzve ku secili ka përgjegjësi penale dhe morale.
Në seancën e sotme, Gjykata ka kërkuar nga Policia që të njoftojë Mihal Deligjorgjin dhe Dritan Minxollin si dëshmitarë, por ende nuk u janë gjendur adresat. Ndaj edhe pritet për t'u parë nëse do të marrin pjesë në seancën e sotme. Fatmir Mediu akuzohet për shpërdorim detyre të kryer në bashkëpunim me zinxhirin komandues ushtarak. Ish-ministri u rikthye në Gjykatë nga denoncimi i një familjeje nga Gërdeci, fshati i tragjedisë së 15 marsit ku nga shpërthimi humbën jetë 26 persona e u plagosën 300 të tjerë./ZËRI
