ZËRI zbardh dosjen e SPAK për inceneratorin e Tiranës! Shkelje, komunikime dhe miliona euro në lojë

Klodian Zoto dhe Mirel Mërtiri

TIRANË- ZËRI ka zbardhur dosjen e plotë të aferës së inceneratorëve. Në një nga komunikimet mes Mirel Mërtorit, Klodian Zotos dhe Denisa Tollkuçi-t, kjo e fundit pyet dyshen se kush do të jetë personi përgjegjës për llogaritë bankare që do të hapen në Zvicër. Ndërkohë në një email tjetër Denisa Tollkuçi u shkruan përfaqësuesve të shoqërisë ‘Almares Managment BV’ dhe u kërkon që të nënshkruajnë dokumentacionet dhe prokurat, të cilat i japin të drejtë Mirel Mërtiri që të veprojë në emër të kompanisë “Integrated Energy BV” për të hapur llogari bankare në Zvicër dhe për të kryer transaksione nga kjo llogari. Dokumentacioni dhe prokura e kërkuar nga Denisa Tollkuçi rezultojnë që të jenë nënshkruar nga shoqëria “Almares Management BV”. Po ashtu janë zbuluar email-e midisi Denisa Tollkuçit dhe përfaqësuesëve të shoqërisë “Alamares” për të hapur një shoqëri në Bullgari në emër të shoqërisë holandeze edhe për të hapur llogari bankare në Bullgari.

Pjesë nga dosja:

Klodian Zoto dhe Mirel Mërtiri janë “de facto” pronarët e shoqërisë holandeze “Geogenix BV” (me emrin e mëparshëm “Integrated Energy BV”), të cilat kanë përdorur persona dhe shoqëri të tjera për të fshehur gjurmët, kjo pasi evidentohet se Klodian Zoto, administrator dhe pronar i shoqërisë “Integrated Technology services” në bashkëpunim me Mirel Mërtirin kanë udhëzuar dhe kanë marrë vendimet në lidhje me shoqërinë holandeze “Geoenix BV” që nga momenti i themelimit të kësaj shoqërie e në vijimësi. Këto vendime dhe udhëzime Klodian Zoto dhe Mirel Mërtiri i kanë transmetuar në mënyrë të drejtpërdrejtë dhe nëpërmjet varëses së tij, Denisa Tollkuçi, tek drejtorët menaxhues të shoqërisë holandeze “GeogenixBV” siç rezulton të ishte dokumentuar nga ky fakt nga komunikimet me email të Klodian Zotos, Mirel Mërtirit, Denisa Tollkuçit dhe drejtorët menaxhues të shoqërisë “Geoenix BV”.

Denisa Tollkuçi gjatë komunikimeve që ka pasur me përfaqësues të shoqërisë “Almares Managment BV” ka njoftuar Klodian Zoton, si në disa raste Mirel Mërtirin, e cila iu ka kërkuar sugjerime dhe aprovime këtyre shtetasve.

-Emaile të nisura nga adresa e postës elektronike e Denisa Tollkuçit në drejtim të adresës së postës elektronike të përfaqësuesëve të shoqërisë ‘Almares Managment BV’ kërkon që të nënshkruajnë dokumentacion dhe prokura, të cilat i japin të drejtë shtetasit Mirel Mërtiri që të veprojë në emër të kompanisë “Integrated Energy BV” për të hapur llogari bankare në Zvicër dhe për të kryer transaksione nga kjo llogari. Dokumentacioni dhe prokura e kërkuar nga Denisa Tollkuçi rezultojnë që të jenë nënshkruar nga shoqëria “Almares Management BV”.

Nga përmbajtja e komunikimeve të mësipërme, rezulton se në fillim nuk ishte vendosur personi që do të kishte kontrollin e llogarive bankare që do të hapeshin në bankën e Zvicrës, por referuar email të datës 10.01.2019 Denisa pyet Mirel Mërtirin dhe Klodian Zoto që këta të fundit të vendosin se cili do të jetë personi që do të nënshkruajë dokumentacionin për hapjen e llogarisë bankare. Mirel Mërtiri, nëpërmjet email-it, jep mendimin që personi që do të nënshkruajë për hapjen e llogarisë të jetë Giuseppe Ciaffaglione si dhe kërkon mendimin edhe të shtetasit Klodian Zoto.

Pasi ka marrë email nga Mirel Mërtiri, Denisa iu dërgon email Mirel Mërtiri dhe Klodian Zoto ku shkruan “për ne nuk përbën problem se kanë qenë gjithë kohës shumë bashkëpunues dhe për të hapur për çdo vendim që është marrë”. Pas këtij emaili, ajo u dërgon tjetër email Mërtirit dhe Zotos nëse ka sugjerime për përgjigjen që ka përgatitur.  Denisa Tollkuçi konsiston në përcaktimin e Mirel Mërtirit si personin që do të hapë llogarinë bankare në Zvicër për të pasur kontroll në llogaritë bankare.

Emaile të shkëmbyera midisi Denisa Tollkuçit dhe përfaqësuesëve të shoqërisë “Alamares” për të hapur një shoqëri në Bullgari në emër të shoqërisë holandeze edhe për të hapur llogari bankare në Bullgari.

Por, çfarë është Almares Menagment BV?

Kjo është pjesë e skemës së kompanisë mëmë që përmendem më sipër, dhe ka sërish të njëjtën adresë, të njëjtën zyrë, në të njëjtën godinë me Integreted Energy BV, kompaninë e Klodian Zotos, Ernesto Granellit dhe disa shtetasve të tjerë, të cilët në fakt duket se të huajt janë drejtorë përfaqësues si lojë të kompanive, brenda koorporatës së madhe, e cila ndërton skema e kompani pa fund për t’i fshehur e për ti lëvizur emrat e tyre derisa të mos duken më.

Pasi ka marrë Almares Menagment BV pozicionin e saj dhe drejtorin. Pra, kjo kompani do të ketë një drejtor brenda kompanisë Integreted Energy BV, është tërhequr në 20 mars të 2018, Klodian Zoto nga drejtor dhe drejtor është vendosur Giuseppe Ciaffaglione. Giuseppe Ciaffaglione, italiani që ka firmosur dhe kontratën e Ministrisë së Mjedisit me kompaninë Integreted Energy BV SPV në Shqipëri, është administrator i kompanisë së Klodian Zotos. Pra, italiani që vendoset në drejtimin e kompanisë është administrator që ka Klodian Zoto në Tiranë.

Klodian Zoto

TIRANË- ZËRI ka siguruar detaje të tjera lidhur me dosjen e inceneratorit të Tiranës. Në dokumentin e Strukturës së Posaçme kundër Korrupsionit dhe Krimit të Organizuar është siguruar i gjithë letërkëmbimi elektronik mes Denisa Tollkuçit, punënjëse e Klodian Zotos dhe Mirel Mërtirit me Marc Lappan, për inceneratorin e Tiranës. Komunikimet e Denisa Tollkuçit vazhdojnq me menaxherin e kompanisë në Holandë, të cilit i kërkon dokumentacionin e nevojshëm me ndryshimet e nevojshme ndryshimeve të tyre, futjen në lojë të Giuseppe Ciaffagliones me 100% të aksioneve. Po ashtu, në dosje, ka edhe një ndërhyrje nga Denisa ku kërkohet që duhet bërë marrëveshja për drejtorin e ri dhe drejtore e kompanisë në Holandë vendoset shtetasja Arjola Kodra, e cila rezulton edhe administratore e inceneratorit të Tiranës. Lappat i gjen një kandidat, i cili është Michael Martijn: që kërkon pagë 1500 euro në muaj (pa tvsh) dhe 6 muaj pagesë paraprake. 

Këtu ndërhyn Zoto, të cilit Martijn i duket shumë i shtrenjtë. Gjithashtu në 29 dhjetor të 2017 sqarohet se kompania “Energy Recuperator SPA” është shitur.

"29.12.2017- Lappat ka bërë një përmbledhje të diskutimeve me Klodian Zoton: Nga diskutimi ynë kuptova se “Energy Recuperator spa” i shiti aksionet e tij në “Integreated Energy bv” firmës suaj “Integrated Technology Services”. “Paul ëurth Italia” parashikon të transferojë aksionerët e saj të “Integrated Technology Services” dhe 1 aksion të një fondacioni holandez do të krijohet, i cili do të mbajë këtë aksion vetëm me qëllimin që të shmangë përmendjen e “Integrated Technology Services” në regjistrin publik si aksioner i vetëm. Kjo do të ekzekutohet sapo ne, Residence CS të përfundojmë me sukses procedurën e pranimit të klientit tonë. Tarifat e shërbimeve tona ndaj një fondacioni të tillë zakonisht nuk i kalojnë 5000 euro në vit. Pasi kjo të jetë zbatuar, ne mund të diskutojmë dëshirën tuaj për të organizuar një hapësirë të dedikuar për zyrë dhe një avokat që të punojë disa orë ose javë. Ju lutem më njoftoni në rast se kam keqkuptuar dhe ju lutem nënshkruar të dyja marrëveshjet nëse jeni të kënaqur me përmbajtjen."

PJESË NGA DOSJA E ZËRIT:

24.03.2019- Klodian Zoto shkruan me Sevi Zani. Në këtë email është dërguar komunikimi  që ka pasur Denisa Tollkuçi me shtetasin Fabrizio Strobino, përfaqësuesi i shoqërisë ‘Paul Ëurth’, ku Denisa ndër të tjera është përgjigjur: Në këtë moment aksioner i kompanisë është Giuseppe Ciaffaglione, i cili zotëron 100% të aksioneve. Tashmë i dini arsyet e transaksioneve.

13.07.2019- Mirel Mërtiri diskuton me shtetasin Klodian Zoto mbi fitimin që duhet të deklarojnë për shoqëritë koncesionare “Integrated Energy BV SPV”.

06.10.2021- Marc Lappat në drejtim të adresës së plotë elektronike të shtetases Denisa Tollkuçi, ku për dijeni ka qenë edhe Klodian Zoto. Në këtë email gjenden disa komunikime, që fillojnë në datën 28.07.2021, midis shtetases Denisa Tollkuçi dhe Marc Lappat mbi kërkesën e Tollkuçit për të marrë pasqyrat financiare për vitet 2018,2019,2020 të shoqërisë “Geogenix BV”, të certifikuara nga Dhoma holandeze e Tregëtisë. Denisa Tollkuçi, së bashku me Lappat diskutojnë për zgjidhejen e kësaj situate.

16.08.2021, Lappat informon Tollkuçin që pasqyrat financiare të vitit 2020 nuk janë plotësuar dhe sqaron se mund të marrin një version online të ekstraktit, i cili përmban informacionin e kërkuar nga Tollkuçi por që ky version nuk mund të marrë vulë apostile. Po në datën 16.08.2021, Tollkuçi udhëzon Lappat që t’ia nisë atë ekstrakt.

17.08.2021, Lappat i shkruan Tollkuçit, ku i thotë që bashkëlidhur do të gjesh dokumentet.

26.05.2021- Tollkuçi i shkruan Lappat: Siç ua kam shpjeguar tashmë, ne kemi synimin të emetojmë edhe dy aksione të tjera pa të drejtë vote. Bashkangjitur do të gjeni dokumentet e Boldrocchi… Po ashtu Lappat e informon se noteri i ka kërkuar një sqarim të shkurtër të çmimit 1 euro për çdo aksion dhe një shpjegim se përse shoqëria “Boldrocchi srl” është për t’i treguar publikut dhe palëve të tjera, si bankat, që janë partner me disa shoqëri  me emër të mirë, por kërkon miratim për këtë përgjigje. Ai informon edhe disa aftura të papaguara të noterit dhe ky i fundit do të ekzekutojë transaksionin vetëm nëse likujdohen të gjitha faturat, prandaj i kërkon Tollkuçit që të merret me këtë gjë.

10.06.2021- Tollkuçi i përgjigjet Lappat duke i thënë se ajo do të likujdojë faturat dhe do t’i dërgojë pagesat e tyre, si dhe i kërkon informacion mbi arsyen e përfshirjes së shoqërive që nuk kanë aksione me të drejtë vote në rezoluën e aksionerëve. E pyet nëse prokrura që ka nisur për shoqërinë “Boldrocchi srl” është e saktë, si dhe e informon mbi arsyen e përfshirjes së shoqërisë, ku shpjegon se shoqëritë që do të zotërojnë aksione pa të drejtë vote do të jenë shoqëri me emër të mirë dhe në të ardhmen do të prodhojnë pjesët kryesore të inceneratorit.

23.06.2021- Lappat i dërgon email Tollkuçit, ku i thotë që për pjesën e prokurorës e ka rikujtuar noterin. Ndërsa për rezolutën e aksionerëve, sqaron se noteri ka thënë që aksionerët pa të drejtë vote janë përmendur në rezolutë edhe pse nuk lejohen të votojnë, këta aksionerë kanë ende të drejtë që të marrin pjesë në mbledhjen e akionerëve. Po në këtë datë Tollkuçi i kërkon informacion si mund të gjejnë aksionerët për bankat dhe çështje të tjera  dhe nënshkrimi i këtyre rezolutave nga aksionerët pa të drejtë vote do t’u shkaktojë shumë vonesa dhe kosto. Lappat i është përgjigjur Tollkuçit se do të pyesë noterin sesi mund të zgjidhet.

15.07.2021- Tollkuçi i dërgon Lappat email, ku i thotë që dokumentet që ka përgatitur noteri duhet të përditësohet pasi në ato dokumente gjendet emri i “drejtorit të vjetër”, si edhe të shihet nëse është e regjistruar adresa e re e shoqërisë. Gjithashtu i kërkon që të nënshkruajë nënshkrimin e Drejtorit B përpara se ai të shkojë me pushime. Në email e datës 15.17.2021, Lappat i shkruan Tollkuçit se drejtori i ri duhet si fillim të shkojë në noteri dhe nuk është i sigurtë që mund ta bëjë kërë përpara se të shkojë me pushime. Në lidhje sqaron se adresa nuk është regjistruar pasi nuk është paguar fatura.

18.08.2021- Tollkuçi i shkruan Lappat: I dashur Marc! Ju lutem ne kemi nevojë urgjente për informacionin nëse adresa e re e kompanisë është e regjistruar. Gjithashtu a mund të kemi draft dokumentet e përditësuara që ne të vazhdojmë me nënshkrimet e nevojshme dhe të finalizojmë emetimin e aksioneve të kompanisë “Boldrocchi srl” po pyet pse kjo procedurë ende nuk është finalizuar. Përshëndetje të përzemërta, Denisa!

19.08.2021- Lappat i shkruan Tollkuçit se adresa nuk ka ndryshuar pasi shtetasi Martijn Harper i ka plotësuar formularët gabim për këtë arsye Harper do t’i nënshkruajë përsëri formularët dhe pas kësaj do të organizojë nënshkrimin e dokumenteve për emetimin e aksioneve.

01.10.2021- Tollkuçi i shkruan Lappat: I dashur Marc! Ju lutemi na duhet informacion nëse adresa e re e kompanisë është regjistruar në regjistrin e biznesit. Gjithashtu a mund të kemi draft-dokumentet e përditësuara që të vazhdojmë me nënshkrimet e nevojshme dhe të finalizojmë emetimin e aksioneve. Ka kaluar një kohë e gjatë dhe nuk e kuptoj pse nuk më dërgohen draft-dokumentet e modifikuara.

12.10.2021- Lappat i shkruan Tollkuçi: Noteri më në fund idetifikohet Martijn si drejtor. Në parim, ne tani mund të vazhdojmë me emetimin e aksioneve por jus ë pari dëshironi të organizoni një  drejtor të ri apo do të Hampson është ende në dispozicion për të nënshkruar?

12.10.2021- Denisa Tollkuçi i shkruan sërish Marc Lappat, ku për dijeni ka qenë edhe Klodian Zoto. Tollkuçi njofton Lappat që marrëveshja për drejtorin e ri është shumë urgjente. Në emailin e datës 12.10.2021, Tollkuçi e pyet shtetasin Lappat nëse është e mundur që të vendosin si Drejtor A të shoqërisë “GeogenixBV” shtetasen Arjola Kodra.

12.10.2021 në emailin e dërguar nga adresa e postës elektronike e Marc Lappat në drejtim të adresës së postës elektronike të Tollkuçit ku për dijeni Klodian Zoto, ku shkruan: Denisa, Klodian, bëra të pamundurën për të rregulluar një drejtor të ri A, dhe ai sapo konfirmoi përmes Michael Martijn: 1500 euro në muaj (pa tvsh) dhe 6 muaj pagesë paraprake. Ai jeton në Amsterdam dhe sapo mora të dhënat e tij duke më lejuar të përgatis të gjitha dokumentet. Javën e ardhme ai nuk është në dispozicion për të nënshkruar kështu që unë jam duke u përpjekur të rregullojë nënshkrimet dhe letrat e tij këtë javë. Nuk do të ishte më mirë ta anuloni këtë tani papritmas, por sigurisht varet nga ju. Ju lutem më tregoni se si dëshironi që të vazhdoni.

12.10.2021- Klodian Zoto i shkruan Lappat: Në këtë moment është e pamundur pagesa e 6 muajve përpara sa të zgjidhet situata me Hampson. Maksimumi që mund të bëjmë është 2-3 muaj.

12.10.2021- Lappat i shkruan Klodian Zoto dhe për dijeni shtetasit Tollkuçi: Përshendetje Klodian dhe Denisa, të bashkangjitura janë dokumentet për dorëheqjen e Hampson dhe emërimin e Dormio si drejtor A. Nëse jeni dakord, a mundeni të nënshkruani këtë nga Ciaffaglione dhe të më dërgoni kopje të skanimit? Ju lutemi mos shkruani datat.

14.12.2021- Tollkuçi i shkruan Lappat ku për dijeni është edhe Klodian Zotos. Tollkuçi: I dashur Marc. Shpresoj se ju jeni mirë. Ne duam të regjistrojmë një punonjës të ri në Geogenix. Ju lutem mund të na informoni për procedurën?

29.12.2017- Lappat ka bërë një përmbledhje të diskutimeve me Klodian Zoton: Nga diskutimi ynë kuptova se “Energy Recuperator spa” i shiti aksionet e tij në “Integreated Energy bv” firmës suaj “Integrated Technology Services”. “Paul ëurth Italia” parashikon të transferojë aksionerët e saj të “Integrated Technology Services” dhe 1 aksion të një fondacioni holandez do të krijohet, i cili do të mbajë këtë aksion vetëm me qëllimin që të shmangë përmendjen e “Integrated Technology Services” në regjistrin publik si aksioner i vetëm. Kjo do të ekzekutohet sapo ne, Residence CS të përfundojmë me sukses procedurën e pranimit të klientit tonë. Tarifat e shërbimeve tona ndaj një fondacioni të tillë zakonisht nuk i kalojnë 5000 euro në vit. Pasi kjo të jetë zbatuar, ne mund të diskutojmë dëshirën tuaj për të organizuar një hapësirë të dedikuar për zyrë dhe një avokat që të punojë disa orë ose javë. Ju lutem më njoftoni në rast se kam keqkuptuar dhe ju lutem nënshkruar të dyja marrëveshjet nëse jeni të kënaqur me përmbajtjen./ZËRI

Klodian Zoto dhe Mirel Mërtiri

TIRANË- Klodian Zoto dhe Mirel Mërtiri, pronarët e vërtetë të inceneratorëve, kanë kryer një sërë makinacionesh me kompani nënkontraktore, të cilat i krijonin në mënyrë që të fshihnin gjurmët nga transaksionet e tyre bankare.

Në dosjen e siguruar nga ZËRI është një episod ku Klodian Zoto shet 100% të aksioneve të kompanisë “F.M.O’ shpk tek shtetasi Arenc Myrtezani, i cili më pas ia ka shitur shtetasit Fatos Bunoca, për vlerën e 100 mijë lekëve. Vetëm 9 ditë pas shitjes së aksioneve, Bunoca emërohet drejtor i përgjithshëm i ndërmarrjes, edhe pse në fakt ai rezulton i punësuar në disa kompani të tjerë, si punëtor krahu apo punëtor ngarkim shkarkimi.

As vetë Bunoca me gjasa nuk do ti kishte besuar skenarit që Zoto dhe vartës të tij, kishin thurur. Në dosjen e SPAK, thuhet gjithashtu se kontributet e të punësuarve te kompania F.M.O i llogariste shtetasja Julia Demneri, e cila nuk ia dërgonte Fatos Bunocës, pronarit të deklaruar në QKB, por ia dorëzonte shtetasve Klodian Zoto dhe Mirel Mërtiri.

Po ashtu Demneri njoftonte dy bosët e inceneratorëve edhe për detyrimet që kishin me drejtorinë e tatimeve. Në emër të kompanisë që “drejtohej” nga Fatos Bunoca, Zoto e Mërtiri do të blinin një njësi banimi në qytetin e Durrësit, me vlerë 4 milionë euro, me sipërfaqe 2223 metra katror. Duke qenë se kontrata për blerjen e kësaj njësie ishte me rezerva, dhe kompania F.M.O nuk ka arritur që të paguajë të gjithë shumën në kohë, ka marrë vetëm sipërfaqen takuese 611 metër katror, që përkonte me pagesën e kryer 1.1 milionë euro.

“Në rrethanat e mësipërme sipas prokurorisë rezulton se pronarët ‘De Facto’ të shoqërisë F.M.O shpk, janë shtetasit Klodian Zoto dhe Mirel Mërtiri, të cilët rezultojnë se janë edhe pronarët e pasurisë së paluajtshme të blerë në shumën 1.1 milionë euro, por që për të humbur gjurmët kanë përdorur shtetasin Fatos Bunoca, për të kryer aktin e blerjes së saj”, thuhet mes të tjerave në dosjen e GJKKO siguruar nga ZËRI.

Mirel Mërtiri dhe Klodian Zoto

TIRANË- ZËRI ka zbardhur detaje nga dosja e inceneratorit të Tiranës, ku shënohet edhe një krisje mes dy ortakëve, Mirel Mërtirit dhe Klodian Zotos. Në dosjen e siguruar nga ZËRI, në emailet që shkëmbejnë me njëri-tjetrin, Mërtiri shqetësohet nga një lëvizje që ka bërë Zoto në bashkëpunim me grupin e financës, ndaj edhe i kërkon që të mos ndodhë më pasi detyrat i kanë ndarë qartë me njëri-tjetrin. Nga ajo që shkruan, duket se Mërtiri është shqetësuar se Zoto i ka tejkaluar kompetencat që vetë i kishte dhënë. Në përgjigje, Zoto i pranon fajin dhe i kërkon ndjesë.

-Email i datës 07.09.2018, Mirel Mërtiri i shkruan Klodian Zotos: Klod mirëmëngjes! Në attachment do të gjesh të gjithë debitorët që ne kemi si grup. Do të veresh që ka patur edhe shumë prioritete të tjera për t’u paguar të cilat janë lënë komplet në hije. Të lutem nuk dua të më ndërhysh më në listën e pagesave si veprove këtë herë me gocat. E kemi bërë qindra herë këtë bisedë dhe përsëri me këtë stilin tënd të veçantë vazhdon që të dalësh atje ku do. Vëlla herë tjetër nëse ke prioritete mi thuaj dhe s’ke punë me listën. Përse jam rrugëve s’do të thotë që s’kam përparësi në ecurinë e punëve apo mbarëvajtjen. Unë s’jam aty por s’mund të lejoj që financa (e përpunuar nga ty) të më hedhë hi syve me miratimin tënd. Kjo të lutem nuk dua të ndodhë më. Bashkë i kemi ndarë detyrat, mund të diskutojmë për çdo gjë por jo të përpunojmë njeri-tjetrin se unë nuk e bëj kurrë. TË LUTEM MOS më vë më në një siklet të tillë. Financa është zyrë më vete dhe duhet të jetë transparente si për ty edhe për mua. Mos më vër më në siklet TË LUTEM.

Bashkëlidhur me formatin “Exel” gjendet një dokument i emërtuar “Analitike furnitorë xlsx”, ku në secilën faqe të exelit ndodhen disa tabela që në kokën e tyre kanë shënuara “nr” “furnitori” “balanca papaguar në all” “balanca papaguar euro” ”përshkrimi”. Secila nga tabelat shkruan: Albtek; IEBV; ITËASTE; ITS; Artemis; CGC; Miklo; SE; Zoto cons.

Klodian Zoto më 7.09.2018 i përgjigjet Mirel Mërtirit duke i shkruar: Mirëmëngjes, të më falësh. Sinqerisht të siguroj që nuk do të ndodhë më ndërhyrja për sa thua ti. Besoj se nuk do të kemi më nevojë për ta bërë këtë diskutim dhe nuk do përpunoj më njeri. Dhe njëherë të kërkoj falje. Ditë të mbarë dhe nbsp.

Mirel Mërtiri i përgjigjet: Faleminderit zemra!/ZËRI

Inceneratori i Tiranes

TIRANË- Afera e inceneratorëve është një konglomerat shkeljesh nga ana e Ministrisë së Mjedisit, Komisionit për Dhënien e Koncensionit, por edhe të gjithë institucioneve të linjës, që hodhën firmat dhe i hapën rrugë një koncensioni që ka marrë dhe merr çdo muaj miliona euro nga buxheti i shtetit.

Propozimi i Klodian Zotos dhe Mirel Mërtirit ka qënë në shkelje që në gjenezë, pasi është prezantuar si ofertë e pakërkuar, edhe pse në fakt pasonte një studim të bërë më herët nga Bashkia e Tiranës dhe Ministria e Mjedisit për menaxhimin e mbetjeve.

Në dosjen e siguruar nga ZËRI, Bashkia e Tiranës njofton në datën 23 Dhjetor 2015 Ministrinë e Mjedisit për përfundimin e një studimi për përmirësmin e shërbimit dhe trajtimit të mbetjeve në kryeqytet. 

Po në këtë shkresë thuhet se nga ekspertët japonezë është vlerësuar mundësia e zgjerimit të Lanfillit të Sharrës. Rreth 3 muaj më vonë, në datën 3 Mars, mes Bashkisë së Tiranës dhe Ministrisë së Mjedisit bihet dakord që procedura për trajtimin e mbetjeve të udhëhiqet pikërisht nga Mjedisi, dhe për këtë janë ngritur dhe grupet e punës së përbashkëta.

Në dosjen e siguruar nga ZËRI, Gjykata e Posaçme shprehet se propozimi i Klodian Zotos si ofertë e pakërkuar, nuk mund të konsiderohet e tillë, sa kohë që nga Ministria e Mjedisit dhe Bashkia e Tiranës, kishte pasur më herët një studim për menaxhimin e mbetjeve.

“Shkresa e nisur nga shoqëritë me ‘Letër Interesi’, nuk duhej të ishte konsideruar si propozim i pakërkuar”, thotë Gjykata, pasi në rast se do të ishte një ofertë e pakërkuar, atëherë Autoriteti Kontraktor do të duhet të ngrinte një komision, dhe ti kërkonte dokumentacion shtesë shoqërisë propozuese.

Gjykata konstaton po ashtu se në kohën kur Ministria e Mjedisit ka ngritur Komisionin për dhënien e koncensionit, shoqëria “Integrated Technology” nuk ka pasur asnjë plan konkret për projektin.

Nga të dhënat e SPAK, Ministria e Mjedisit ka pasur kontakte me Integrated Technology, përpara se kjo kompani të paraqiste ofertën e pakërkuar. Po ashtu në dosjen e siguruar nga ZËRI, del qartë se Zoto merr informacione nga Vladimir Bezhani, këshilltar në Ministrinë e Mjedisit, përpara se të paraqitej oferta e pakërkuar.

Vetëm nëse kjo pikë e vendimit të Gjykatës, do të ishte marrë parasysh nga Ministria e Mjedisit, si autoriteti kontraktues, Buxhetit të Shtetit do t’i ishin shpëtuar miliona euro./ZËRI 

Giuseppe Ciaffalione, Salvatore Russelli, Alberto Presezzi

TIRANË- ZËRI ka zbardhur nga dosja e SPAK për inceneratorin e Tiranës dëshmitë e 3 shtetasve italianë që rezultojnë të jenë pronarë 100% të aksioneve të shoqërisë koncensionare “Integrated Energy BV SPV”. Giuseppe Ciaffalione, Salvatore Russelli, Alberto Presezzi kanë thënë gjithë çfarë dinin në Strukturën e Posaçme kundër Korrupsionit dhe Krimit të Organizuar, duke pasur një të përbashkët; të gjithë njihnin Klodian Zoton dhe Mirel Mërtirin. Në rrëfimin e tij Alberto Pressezzi thotë se Giusseppe Ciaffalione është ai që i ka folur për inceneratorin e Tiranës, por shton se kishte marrë vesh se nuk ishte përfunduar dot për shkak se nuk kishin arritur që të siguronin paratë për të bërë financimin e veprës. Pas tij, ka folur edhe Russelli. Edhe ky i fundit deklaron se ka nënshkruar një kontratë me shoqërinë koncesionare me administratoren Arjona Kodra dhe shton se vlera e kësaj kontratë ishte rreth 3.6 milion euro dhe ka marrë parapagim prej 55 000 euro, por nuk është finalizuar. 

Giusseppe Ciaffaglione ka rrëfimin më të gjatë dhe tregon sesi i është ofruar një vend pune në kompaninë e Klodian Zotos dhe madje me punonjëset e tij ka shkuar vetë personalisht në zyrat e Ministrisë së Mjedisit dhe në një zyrë të Bashkisë Tiranë për të nënshkruar dokumenta, të cilat ishin përgatitur nga studioja e Klodian Zotos. Gjithashtu, ai shton se nuk ka marrë asnjë përfitim monetar nga të qenurit aksioner i shoqërisë holandeze “Integrated” dhe deklaron se nuk mban mend të ketë nënshkruar ndonjë dokument apo të ketë ndonjë dokument për kalimin e kuotës prej 18% të aksioneve nga Klodian Zoto. Por aksionet gjithsesi i kishte në emër të tij. 

Në dosje gjithashtu del edhe rrëfimi i Arjola Kodrës, administratores së inceneratorit, e cila pranon se pronarët "de facto" ishin Klodian Zoto dhe Mirel Mërtiri.

PJESË NGA DOSJA QË KA SIGURUAR ZËRI:

Klodian Zoto dhe Mirel Mërtiri kanë përfituar në sajë të faturave tatimore të falsifikuara vlerën monetare të 409 428 000 lekë për punime të kryera si nënkontraktor i shoqërisë “Integrated Energy” pasi kanë përgatitur preventive të falsifikuar duke fryrë treguesit në kostot e ndërtimit. Nga hetimi në lidhje me aksionerët e shoqërisë holandeze “Geogenix BV” (ish-Integrated Energy BV)’, e cila zotëron si aksioner i vetëm me 100 të aksioneve në shoqërinë koncensionare 'Integrated Energy BV SPV shpk'. Me datë 31.08.2017 është lidhur kontrata e koncesionit me objekt ‘ndërtim landfilli’ nëpërmjet Ministrisë së Mjedisit dhe 'Integrated Energy BV SPV shpk'. Nga verifikimet e kryera në Qendrën Kombëtare të Biznesit rezulton se shoqëria 'Integrated Energy BV SPV shpk' është themeluar me datë 30.08.2017 nga bashkimi i tre shoqërive:

-Integrated Technology Services

-Energy Recuperator S.P.A

-Paul wurth Italia S.P.A

Me datë 19.08.2016 është hartuar akti i themelimit i shoqërisë “Integrated Energy BV” me seli në Holandë nga noteri holandez Gilian Renkema. Kapitali themelor i kësaj kompanie ka qenë 50 000 euro me vlerë nominale aksioni prej 1 euro dhe aksionet janë zotëruar përkatësisht nga:

22.500 aksione ose 45% nga “Paul wurth Italia S.P.A”

15.000 aksione ose 30% nga “Energy Recuperator S.P.A”

12500 aksione ose 25% nga “Integrated Technology Services”

25.06.2021 të kryer nga QKB, konstatohet se ka pasur një ndryshim të aksionerëve të shoqërisë holandeze “Geogenix BV”, e cila rezulton që të jetë pronare me 100% të aksioneve të shoqërisë koncensionare “Integrated Energy BV SPV”:

-Giuseppe Ciaffalione

-Salvatore Russelli

-Alberto Presezzi

Ka qenë Arjola Kodra ajo që ka dorëzuar dokumentacionin për regjistrimin e kompanisë në QKB. E pyetur për këtë fakt shtetasja Arjola Kodra deklaron se dokumentacionin e ka dorëzuar si administrator e shoqërisë koncesionare “Integrated Energy BV SPV” për të bërë përditësimin e të dhënave të pronarëve përfitues fundorë. Ajo deklaron se ka patur porosi nga Klodian Zoto që çdo dokument që vinte nga zyra ligjore “Zoto Consulting”, ku edhe ai ishte pronar duhej nënshkruar nga ana e saj. Ajo deklaron se thjesht ia kanë vënë në dispozicion dhe ia kanë thënë që duhej t’i dorëzonte pranë Qendrës Kombëtare të Biznesit. Ajo gjithashtu tregon se ka qenë administrator e kompanisë nga muaji mars i vitit 2019 deri në muajin mars të vitit 2022. Zoto dhe Mërtiri i ka pyetur në lidhje me çdo vendim të sajin si administrator dhe ata kanë qenë ‘de facto’ pronarët e vërtetë të shoqërisë koncesionare. Ajo deklaron se “de jure” Klodian Zoto ishte larguar nga cilësia e aksionerit, ai vazhdonte që të ishte aksioner i kësaj shoqërie, edhe kjo ishte edhe arsyeja pse duhet t’i raportonte dhe ti jepte llogari atij dhe Mërtiri.

Jetmir Llapaj deklaron se në vitin 2021 ka qenë i punësuar pranë Qendrës Kombëtare të Biznesit por nuk i kujtohet aplikimi i operatorit ekonomik “Integrated Energy” pasi në atë kohë ka pasur një fluks shumë të madh aplikimesh. I pyetur në lidhje me faktin se pse është miratuar aplikimi i operatorit ekonomik. Ai deklaron se eprorja e tij ka qenë Silena Tola, me pozicion Drejtoreshë e Regjistrit të Pronarëve Përfitues dhe ajo ka pasur aksesin që të ishte personi i fundit që refuzonte aplikimet. Ai ka patur qëndrimin që këtij operatori duhet t’i refuzohej aplikimi dhe t’i kërkohej dokumentacion shtesë provues, por pasi eprorja e tij Silena Tola, i ka thënë që duhet të rishikonte aplikimin pasi ai ishte në rregull, ai ka bërë miratimin e aplikimin të këtij subjekti tregtar.

Silena Tola deklaron se ajo ka qenë në pozicionin e Drejtoreshës dhe se komunikimi ka qenë me vartësin e saj, Jetmir Llapaj dukei lënë në sistemin elektronik të Regjistrit të Pronarëve Përfitues, komentin “rishikoje se më duket në rregull”, nuk ka qenë urdhër për miratimin e aplikimit dhe se miratimi është kryer nga vartësi i saj, Jetmir Llapaj. Ajo ka deklaruar në dokumentacionin që ka dorëzuar operatori ekonomik në muajin Qershor të vitit 2021, aplikimi i këtij subjekti raportues duhet që të ishte refuzuar pasi ka mungesë dokumentacioni.

Alberto Pressezzi ka deklaruar se ai është presidenti i shoqërive “Bruno Presezzi SPA” dhe Franco Tosi Meccanica SPA. Ai deklaron se me shoqërinë “Integrated” ka rënë në kontakt dhe është përfshirë në marrëdhënie pune nga shtetasi Italian Giusseppe Ciaffaglione, fillimisht nga fundi i vitit 2017 apo nga fillimi i vitit 2018 për projektin inceneratorit të Fierit. Nga mesi i vitit 2018 apo nga fillimi i vitit 2019, Ciaffaglione ka nisur t’i flasë për projektin e inceneratorit të Tiranës. Në prill të vitit 2022 në marrëveshje me shtetasin Ciaffaglione kanë hyrë si “aksionerë të fjetur”. Ai deklaron se përfshirja e tij dhe e partnerit tjetër të tij në “ICARE”, si aksioner në “Geogenix BV” ishte me kusht duhej që të gjenin financimin prej 100 milion euro. Pasi të sigurohej financimi nga këto 2 shoqëri “Franco Tosi Mecanica SPA” dhe “ICARE” duhet që të gjenin financimin prej 100 milionë euro që duhej për t’u ndërtuar inceneratori i Tiranës. Pasi të sigurohej financimi nga këto dy shoqëri atëherë ato do të aktivizoheshin si aksionerë të shoqërisë hollandeze “GeogenixBV” në Holandë dhe do të merrnin kontrollin e plotë të menaxhimit dhe financiar të shoqërisë holandeze. Ai deklaron nuk kanë arritur të sigurojnë financimin për ndërtimin e inceneratorit të Tiranës. Po ashtu, deklaron se nuk është përfituar asnjë e ardhur apo përfitim tjetër nga shoqëria holandeze. Ai deklaron se nuk ka asnjë dijeni se ku shkojnë të ardhurat që grumbullon kompania koncesionare. Ai deklaron se i njeh aksionerët e mëparshëm, Ernesto Granelli, Thomas Hansmann si dhe që as nuk e njeh aksionerin e regjistruar në vitin 2021, Salvatore Ruselli. Ai deklaron se njeh Zoton dhe Mërtirin, të cilët i ka takuar shumë herë gjatë vitit 2022 me të cilët ka folur për shumë çështje pune, edhe për inceneratorin e Tiranës. Në këto takime ka qenë edhe Ciaffaglione. I pyetur për faktin nëse e njeh shtetasin Herman Daniel Vermeulen, administratori i shoqërisë “Integrated” tha se nuk ka dijeni se kush e ka emëruar. Për të, Mirel Mërtiri kishte një peshë të madhe në shoqërinë pasi ai merrej me anën teknike, bisedonte me të gjithë furnizuesit. Po ashtu, ai deklaron se të gjitha kuotat i ka blerë nga Ciaffaglione. I pyetur për të dhënat e pasaportës së tij, ai ka deklaruar se nuk ka autorizuar asnjë person për të kryer ndonjë veprim me paraportën e tij në Shqipëri.

Salvatore Ruselli ka deklaruar se është pronari i kompanisë “Hydros SRL” dhe se me shoqërinë “Integrated” ka rënë në kontakt prej Giusseppe Ciaffagliones, ku në këtë takim ka qenë i pranishëm edhe një person me emrin Mirel. Ciaffaglione i ka kërkuar një ofertë për impiantin e kullimit në landillin e Tiranës, ku edhe ka nënshkruar një kontratë me shoqërinë koncesionare me administratoren Arjona Kodra. Ai deklaron se vlera e kësaj kontratë ishte rreth 3.6 milion euro dhe ka marrë parapagim prej 55 000 euro, por nuk është finalizuar. Ai deklaron se nuk ka dijeni se kush e zotëron shoqërinë koncensionare “Integrated”. I pyetur në lidhje me kohën kur është bërë aksioner i shoqërisë holandeze “Geogenix BV”, ai deklaron se nuk e mban mend si dhe nuk e mban mend nga kush e ka marrë këtë kuotë aksioni të shoqërisë holandeze por mban mend se i ka dhënë një prokurë noterit të tij në Itali, i cili ia ka dorëzuar një studioje noteriale holandeze. Ai deklaron se me datë 22.10.2020 ka marrë një kërkesë formale nga përfaqësuesja e shoqërisë “Integrated”, Denisa Tollkuçi, e cila i ka propozuar që të hyjë si aksioner tek shoqëria holandeze. Ai deklaroi se interesi i tij në lidhje me marrjen e kuotës tek shoqëria holandeze “Geogenix BV” është në mënyrë që të ruante raportin me grupin e kompanive pasi ishte kontraktor tek një pjesë e veprës që do realizohej në Tiranë. I pyetur Herman Daniel Vermeulen, administrator i shoqërisë “Integrated” nga data 15 mars 2022, ai deklaron se njeh këtë shtetas. I pyetur në lidhje me të dhënat e pasaportës së tij  që kanë shërbyer për regjistrimin në QKB të pronarëve fundorë përfitues të shoqërisë, ai ka deklaruar se nuk ka autorizuar asnjë person për të kryer ndonjë veprim me pasaportën e tij në Shqipëri.

Ernesto Granelli ka deklaruar se ka themeluar shoqërinë “Energy Recuperator Spa”, shoqëri e cila ka shërbyer për themelimin e shoqërisë holandeze “Integrated Energy BV”. Ai deklaron se për të themeluar shoqërinë holandeze ka rënë në kontakt me një shoqëri shqiptare, por nuk ia mban mend emrin dhe kishte mësuar se në shqipëri ishin të interesuar për të ndërtuar inceneratorë duke filluar në Elbasan dhe më pas duke u përhapur në të gjithë Shqipërinë. Ai deklaron se mban mend që kanë shkuar në Itali, Mirel Mërtiri dhe Klodian Zoto me qëllimin për të parë impiantet ekzistuese. Ai ka deklaruar se “Energy Recuperator Spa” ka zotëruar aksione tek “Integrated Energy BV” nuk ka pasur aksione tek shoqëria holandeze që nuk ia mban mend emrin. I pyetur për faktin nëse ka dijeni se dokumentat që i përkasin shoqërisë së tij “Energy Recuperator Spa” janë përdorur më herët në kohë dhe konkretisht për inceneratorin e Elbasanit, ai nuk ka dijeni se ky dokumentacion do përdorej për kritere teknike. Këto dokumente tha se ia ka dorëzuar shtetasve Mirel dhe Zoto. I pyetur për faktin nëse i njeh shtetasit Arnaud Jean-Francois Guillaume van der ëerd, Theo Spijkerman, Hans ëerner ëallage, të cilët kanë pasur pozicione drejtuese, menaxhuese tek shoqëria “Integrated Energy BV”, ai deklaron se nuk njeh asnjë nga shtetasit e mësipërm. Ndërsa në lidhje me shtetasin Giusseppe Ciaffaglione, ai ka deklaruar se e ka pasur të punësuar më herët tek shoqëria e tij.

Thomas Hansmann, në vitin 2016 ka qenë administrator i shoqërisë “Paul Ëurth Italia SPA”, rreth vitit 2016-2017 ka vendosur të blejë shoqërinë tjetër italiane “Energy Recuperator Spa”, e cila kishte pasur më herët një projekt tjetër po në Shqipëri për mbetjet, ndërsa tani kishte dalë mundësia për një incinerator, atë të Tiranës. Sipas tij, ishte Ernesto Granelli ai që e przanoi me Klodian Zoton dhe Mirel Mërtirin. Ai deklaron se inceneratori i Tiranës nuk është ndërtuar asnjëherë pasi kishin dalë probleme me lejen e ndërtimit nga autoritetet shqiptare, si dhe kishin probleme për sigurimin e financimit nga shoqëria. Shuma monetare e shitjes së aksioneve të shoqërieve ka qenë një vlerë mjaft e vogël. Ai deklaron se e njeh Kloodian Zoton. I pyetur për faktin nëse i njeh shtetasit Arnaud Jean-Francois Guillaume van der ëerd, Theo Spijkerman, Hans ëerner ëallage, ai deklaroi se nuk i njeh. Giusseppe Ciaffaglionen deklaroi se e ka njohur pasi kishte menaxhuar impiantin e Elbasanit.

Giusseppe Ciaffaglione, ai ka deklaruar se ka qenë i punësuar deri në vitin 2017 tek shoqëria italiane “Energy Recuperator Spa” për ndërtimin e inceneratorin e Elbasanit. Në 2017 i ka mbaruar kontrata me shoqërinë italiane dhe ka lidhur kontrate me Klodian Zoton, në kompaninë “ITS”. Gjatë qëndrimit të tij në Shqipëri, ai kryesisht është frekuentuar me teknikë të ngarkuar për realizimin e impiantit. Ka qenë edhe në zyrat e Ministrisë së Mjedisit dhe në një zyrë të Bashkisë Tiranë për të nënshkruar dokumenta, të cilat ishin përgatitur nga studioja e Klodian Zotos. Pavarësisht se ka figuruar si administrator tek inceneratori i Tiranës, përqëndrimi i tij kryesore ka qenë tek inceneratori i Fierit. Ai tregon se ka vënë re dokmenta që mbanin nënshkrimin e tij, por që në të vërtetë nuk ishin nënshkruar nga ai. Ka pyetur Zoton, por i ka thënë se nuk ka asnjë arsye se përse duhet që të shqetësohet. Giusseppe Ciaffaglione ka marrë 18% të aksioneve edhe pse nuk ka paguar asnjë shumë monetare por i janë dhënë për shkak të kapaciteteve teknike që ai zotëronte dhe i nevojitej për projektin. Ciaffaglione tregon se pavarësisht se ai ishte administratori i saj, me anën ekonomike janë marrë punonjëse të lidhura me Klodian Zoton, të cilat jepnin formularë të paplotësuar, kupona për të kryer transferta në bankë etj. dhe që ai i nënshkruante pa ditur as shumën dhe as përfituesin e transfertave. Ai tregon se ka qenë Mirel Mërtiri personi që e ka prezantuar me Klodian Zoton. I pyetur për faktin nëse i njeh shtetasit Arnaud Jean-Francois Guillaume van der ëerd, Theo Spijkerman, Hans ëerner ëallage, tha se nuk njeh asnjë. Sipas tij, Mirel Mërtiri kryente aktivitetin e koordinimit dhe verifikimiet për llogari të shoqërisë “ITS”, po ashtu deklaron se Mirel Mërtiri ka qenë prezent në mbledhjet që janë kryer për llogari të projektit të inceneratorit të Tiranës dhe se ishte i interesuar mbi ecurinë e punimeve ai aktivizohej dhe i gjente zgjedhjet. I pyetur për nënshkrimin apo j të kontatës së nënkontraktimit për punimet civile me shoqërinë e shtetasit Klodian Zoto “Integrated” e lidhur për krerjen e punimeve civile, nuk është nënshkruar nga ai dhe po e shikonte për herë të parë këtë kontratë. Po ashtu, ai deklaron se nuk ka dijeni se shoqëria “ITS” e Klodian Zotos të ketë furnizuar apo sjellë ndonjëherë materiale përpunime tek kantieri i inceneratorit të Tiranës. Gjithashtu shton se nuk ka marrë asnjë përfitim monetar nga të qenurit aksioner i shoqërisë holandeze “Integrated” dhe deklaron se nuk mban mend të ketë nënshkruar ndonjë dokument apo të ketë ndonjë dokument për kalimin e kuotës prej 18% të aksioneve nga Klodian Zoto.

Herman Daniel Vermeulen, administrator i shoqërisë “Integrated Energy BV”, ai ka deklaruar është deklaruar se është emëruar në këtë detyrë me datë 15.03.2022, detyrë të cilën vazhdon ta kryejë. Ai deklaron se nuk i njeh dhe as nuk kontraktuar ndonjëherë kontakte vetëm me Michael Druijts dhe Marc Lappat. Këto aksionerë nuk mbështeten nga dokumentacioni ligjore shoqëruese për të provuar shitjen apo blerjen e aksioneve nëpërmjet aksionerëve në kohë të ndryshme. Nga kompjuteri i sekuestruar Klodian Zoto marrëveshje e datës 29.07.2016 nëpërmjet shoqërive “Integrated Energy BV” dhe shoqërive italiane “Energy Recuperator SPA” dhe “Paul ëurth Italia” ku në përmbajtje të saj përshkruhet se shoqëritë italiane “Energy Recuperator SPA” dhe “Paul ëurth Italia” ishin të detyruara që t’i shisnin aksionet që ato zotëronin tek shoqëria holandeze “Integrated Energy BV” në momentin që do i kërkohej nga kjo shoqëri./ZËRI

Bledar Karoli

TIRANË- Bledar Karoli, me detyrë përgjegjës i sektorit të prokurimeve në Ministrinë e Mjedisit, i vënë në pranga me urdhër të SPAK, ka qenë një tjetër bashkëpunëtor i Klodian Zotos në zyrat e shtetit. Përmes emailit ai i dërgonte informacion Klodian Zotos, në lidhje me dokumentacione që mungonin në dosjen e koncensionit.

“Hidhi një sy dhe më thuaj”, i shkruante Karoli me email Zotos. Karoli së bashku me Alba Thomën që hartonte dokumentet për Zoton, edhe pse ishte drejtoreshë juridike në Ministrinë e Mjedisit, sipas SPAK kanë shërbyer si urë lidhëse mes Komisionit të dhënies së Koncensionit, Ministrisë së Mjedisit dhe Klodian Zotos.

Bledar Karoli është shprehur se komunikimin me Zoton e ka bërë pasi ka marrë porosi nga shefat e tij. Ai deklaron se nuk e mban mend se cili nga shefat i ka kërkuar që dokumentet për koncensionin tia dërgonte me email Klodian Zotos.

Përveç Lefter Kokës, Alqi Bllako është personi tjetër që përmendet nga disa prej personave të vënë nën masë sigurie, që iu ka kërkuar vartësve të mbajnë kontakte me Klodian Zoton, mirëpo Karoli në dosjen e GJKKO, i është ‘fshirë kujtesa’ për të dhënë një emër.

Emri i Bllakos përmendet nga Alba Thoma, kur komunikonte me Zoton, se sekretari i Ministrisë i kishte lënë porosi që të komunikonte me pronarin e kompanisë së inceneratorëve. 

ZËRI ka zbardhur vendimin e plotë të Gjykatës së Posaçme, dhënë për inceneratorin e Tiranës, ku evidentohet se e gjithë ministria e Mjedisit ka qenë e vënë në shërbim të Klodian Zotos, duke e informuar atë për çdo lëvizje. Gjithashtu Komisioni për dhënien e Koncensionit, ka marrë të gatshme të gjithë studimin e fizibilitetit e hartuar nga kompania koncensionare, pa kryer asnjë verifikim për kostot reale të projektit, rrjedhimisht duke shtuar faturën që do të paguanin bashkitë.

/ZËRI

Klodian Zoto dhe Mirel Mërtiri

TIRANË- Afera e inceneratorëve, nëse i referohesh dosjes së Gjykatës, është kryer me një lloj shkujdesje të frikshme nga ana e zyrtarëve, një pjesë e të cilëve gjenden sot pas hekurave. Vetëm me një të rënë të ‘lapsit’ në studimin e fizibilitetit, është shtuar një kosto prej 3 milionë eurosh për mjetet e transportit.

“Vlera e mjeteve të transportit në momentin që është përdorur për të llogaritur koston e ndërtimit është dhënuar në vlerën 750 mijë euro, ndërsa kur është llogaritur tarifa vlera e mjeteve të ndërtimit është vendosur 3 milionë e 750 mijë euro. Kjo ka mbivlerësuar koston e ndërtimit në vlerën 3 milionë euro, e cila më pas ka ndikuar në rritjen e tarifës që do të pagujanë njësitë e qeverisjes vendore”, thuhet mes të tjerave në dosjen e Gjykatës.

Klodian Zoto dhe Mirel Mërtiri kishin dy plane biznesi, njërin që do të dorëzonin në Ministrinë e Mjedisit dhe tjetrin që do të kishin për qarkullim të brendshëm në kompanitë e tyre.

Sipas dosjes së Gjykatës rezulton se kostot e ndërtimit të vendosura në studimin e fizibilitetit, 128.248.330 janë fryrë në vlerën 25.783.080 euro. Ministria e Mjedisit i ka dhënë të drejtën kompanisë koncensionare që të ndërtonte vepra plotësuese, duke shtuar mundësinë e abuzimit nga kompania.

Shkeljet janë evidentuar dhe nga KLSH, në një audit të bërë në vitin 2019. Në dosjen e siguruar nga ZËRI thuhet: “Nga auditimi konstatohet se nuk ka argumente në studimin e fizibilitetit në lidhje me kostot e konsulencës 2.115.000 euro, telekomunikacionit 507 600 euro, dhe mbi të gjitha shpenzimeve të tjera administrative të cilat janë paraqitur në vlerën 58.556.632 euro”.

Sipas Gjykatës, duke marrë në konsideratë gjetjet e SPAK, përfitimi i shoqërisë nga projekti llogaritet në shumën 14.36 euro për ton, nga 2.9 euro që ishte deklaruar në studimin e fizibilitetit.

Në dosjen e GJKKO del qartë se Komisioni i dhënies së Koncensionit i ka marrë kostot nga studimi i fizibilitetit pa kryer asnjë verifikim në lidhje me vërtetësinë e tyre, që çuan më pas në rritjen e detyrimit që do të derdhnin bashkitë në drejtim të kompanive.

“Komisioni ka konkluduar se vlera që duhet të paguanin njësitë e qeverisjes vendore është 29 euro/ton. Nga aktet e administruara rezulton se kjo vlerë është synuar nga shoqëria koncesionare dhe është përcaktuara para se të ndërtohej plan buxheti. Këto kosto nuk janë reale, por janë përshtatur për të arritur në këtë vlerë. Komisioni ka përfshirë të dhëna të kostos në studimin e fizibilitetit, vërtetësinë e të cilave nuk e ka verifikuar si dhe vlerat që ka marrë për llogaritjen e tarifës kanë dukshëm mospërputhje”, thuhet në dosje.

Në studimin e fizibilitetit, theksohet në dosje, nuk janë marrë në konsideratë të ardhurat reale që do të përfitonte kompania koncensionare, pasi nuk janë llogaritur të ardhurat që shoqëria do të përfitonte nga palët e treta.

Gjithashtu Komisioni për dhënien e koncesionit ka kryer dhe disa shkelje të tjerë në lidhje me përcaktimin e të ardhurave të pritura nga shitja e energjisë dhe skrapit të cilat janë ulur fiktivisht, shifra të cilat janë hartuar vetë nga Klodian Zoto, i cili ia ka nisur Alba Thomës, drejtoreshë Juridike në Ministrinë e Mjedisit.

Më pas zyrtarja ia ka kaluar komisionit i cili sërish i ka pranuar pa kryer asnjë verifikim.

“Nga përllogaritjet e kryera për periudhën deri në 28 Shkurt 2021, rezulton se shoqëria koncensionare ka marrë të ardhura nga shitjet që i janë faturuar bashkisë Tiranë në vlerën e 36 miliardë lekëve, ndërkohë që nga palët e treta ka përfituar 24 miliardë lekë të vjetra. Në rast se të ardhurat nga të tretët do të ishin konsideruar, kostot për Bashkitë do të ishin më të ulëta”, vlerëson Gjykata.

KUSH ISHIN ANËTARËT E KOMISIONIT PËR DHËNIEN E KONCENSIONIT: 

1-Valbona Ballgjini, kryetare

2-Erjon Murataj

3-Sidita Temali

4-Etleva Kondi

5-Taulant Tusha

6-Namik Simixhiku  

7-Pëllumb Abeshi

/ZËRI 

Foto ilustruese

TIRANË- ZËRI ka zbardhur detaje të tjera nga dosja e SPAK për inceneratorin e Tiranës. Më poshtë gjeni të listuara disa kompani që janë të krijuara nga hiçi, njëra ka në krye një pensioniste të quajtur Lumturie Murati; tjetra është krijuar vetëm duke përdorur kartën e ID të një personi nga Berati që as nuk ka pasur dijeni që është kthyer në pronar. E përbashkëta ishte se të gjitha kompanitë kishin si subjekt tregëtimin e produkteve ushqimore, por lëshonin fatura për inceneratorin e Tiranës që kishte lidhje me ndërtim.  Gjithsej mblodhën mbi 409 mln lekë fatura përmes kompanive që kishin themeluar nga vetë Mërtiri dhe Zoto. Këtu është gjetur kleçka e parë, ndërkohë që faturat kapnin shifra marramendëse. Përveçse nuk dinin asgjë lidhur për kompanitë që zotëronin, disa prej tyre ishin të punësuar tjetërkund, me pozicione të tjera pune, ndërsa të marrë në pyetje, të gjithë njëzëri janë shprehur se nuk kanë pasur as dijeninë me të vogël se çfarë ishte regjistruar në emër të tyre. Madje disa kishin blerë edhe mjete pune. Këto mjete pune janë kontrolluar nga SPAK në regjistrin e Drejtorisë së Përgjithshme të Shërbimeve të Transportit Rrugor dhe...shumë prej tyre ose i përkisnin kompanice të tjera që nuk kishin lidhje me inceneratorin; ose nuk ekzistonin fare. Për më shumë detaje dhe "perla" të zbuluara nga hetimet, lexoni materialin e mëposhtëm. 

KOMPANIA “Lumi 06”

Administrator dhe ortake e vetme është Lumturie Murati, objekti është import-eksport i artikujve të ndryshme industriale. Kompania është regjistruar në 22.11.2016. Në kohën e lëshimit të faturave të falsifikuara në emër të shoqërisë “Lumi 06” ndaj shoqërisë “Integrated” që përkon me periudhën kohore nga data 01.10.2018 deri në datë 26.12.2018 është shënuar si administratore e shoqërisë “Lumi 06”.

Lumturie Murati është shënuar në organet tatimore si pjesë e aktivitetit për rreth 12 muaj. Gjatë kësaj periudhe janë paraqitur fatura shitje të falsifikuara në drejtim në emër të shoqërisë “Integrated” në vlerën 10970400 lekë. Nga analizimi i bilancit, shoqëria nuk ka mjete dhe as makineri të deklaruara, si dhe volume i shitjeve të deklaruara në organin tatimor “Lumi 06” është jashtë kapaciteteve teknike të shoqërisë. Nga analizimi i librave të blerjes rezulton se blerjet janë kryer vetëm nga shoqëri që operojnë në fushën e tregëtisë së artikujve ushqimore ndërsa shitjet janë kryer të gjitha në subjekte që operojnë në fushën e ndërtimit. Po ashtu, rezulton se subjekti “Lumi 06” nuk ka kapacitete në burime njerëzore dhe në mjete për të bërë të mundur ushtrimin e këtij aktiviteti tregtar si dhe nuk mund të faturojë në volume, në të cilat janë deklaruar faturat e shitjes duke marrë parasush se ka të shënuar një numër të vogël punonjësish si dhe për një kohë të gjatë kohore ka pasur të shënuar si të punësuar vetëm administratorin e shoqërisë.

Nga kjo kompani; Ilir Lika në të njëjtën periudhë që ka paraqitet i punësuar tek shoqëria “Lumi 06” ka qenë i punësuar edhe si punëtor që sistemon mallin pranë shoqërisë “Dekon Frigo” me adresë në Bradashesh. Astrit Kastrati rezulton i punësuar gjithashtu në disa shoqëri: Lumi 06; Gesi 05; Gesi 05 Group. Po ashtu, edhe Ahmet Caka, në të njëjtën periudhë që paraqitet i punësuar tek shoqëria “Lumi06” ka qenë i punësuar edhe në shoqëri të tjera. Nga verifikimi, rezulton se të gjithë të lartpërmendurit realisht kanë punuar tek kompanitë e tjera dhe nuk kanë punuar asnjëherë tek shoqëria “Lumi 06”.

Lumturie Murati

Ka deklaruar se nuk ka themeluar ndonjë operator ekonomik me emrin “Lumi 6” dhe nuk ka dijeni se kush e ka themeluar dhe regjistruar këtë operator ekonomik, si dhe nuk ka kryer ndonjë aktivitet tregtar në emër të kësaj shoqërie.

Migert Kello

Ai deklaron se nuk ka dëgjuar ndonjëherë për operatorin ekonomik “Lumi 06” dhe nuk ka qenë asnjëherë I punësuar pranë këtij operatori ekonomik. Po ashtu, ai deklaron se nuk ka dijeni se kush mund të jetë pronari i kësaj kompanie. I pyetur për faktin se pse në sistemin “C@ts” të drejtori operatorit ekonomik “Lumi 06”, ai deklaron se është i habitur pasi deklaron se nuk ka punuar asnjëherë tek kjo kompani dhe nuk ka asnjë lidhje me këtë kompani, madje është hera e pare që po e dëgjon.

Vexhide Malo

E pyetur për faktin nëse ka dëgjuar ndonjëherë për operatorin “Lumi 06” dhe nëse ka qenë e punësuar, Vexhide Malo deklaron se ajo është pensioniste dhe se nuk është marrë me ndonjë aktivitet, si dhe nuk e ka dëgjuar asnjëherë këtë operator ekonomik. Ajo deklaron se nuk ka punuar asnjëherë tek shoqëria “Lumi 06” nuk e di se kuhs mund të jetë pronari i kësaj shoqërie. E pyteur për faktin se pse në sistemin “C@ts” rezulton e punësuar në vitin 2018 oër efekt të mbushjes së vjetërsisë së moshës së pensionoit bashkëshorti i saj e ka regjistruar tek një shoqëri, së cilës nuk ia di as emrin, por është bërë vetëm për efekt të mbushjes së moshës për pension, por nuk ka qenë asnjëherë e punësuar realisht dhe ka qëndruar në shtëpinë e saj pasi në atë kohë ka qenë shtëpiake.

Kompania “AA-117”

Kompania është regjistruar 03.02.2017 me objekt treti me shumicë dhe pakicë të artikujve ushqimorë. Në kohën e lëshimit të faturave të falsifikuara në emër të shoqërisë “AA-117” ndaj shoqërisë “Integrated” që përkon me periudhën kohore nga data 23.08.2018 deri në datë 14.12.2018 është shënuar si administrator Drita Frangaj. Gjatë kësaj periudhe rezulton se në emër të kompanisë janë paraqitur fatura shitje në drejtim të shoqërisë “Integrated” në vlerën 117.534.000 lekë. Nga analizimi i deklarimeve të bëra në organin tatimor nga shoqëria “AA-117” rezulton se kjo shoqëri nuk ka mjete apo makineri dhe volumi i shitjeve të deklaruara në organin tatimor është jashtë kapaciteteve të shoqërisë. Nga verifikimi në sistemin “C@ts” rezulton se punonjësit e sipërcituar janë deklaruar në disa shoqëri si të punësuar në funksione të ndryshme si punonjës shërbimi. Arbër Xhaferraj, i cili rezulton i punësuar edhe në subjektin “S2 Albania” si mbikqyrës i inxhinerisë elektronike. Hekuran Shadini, i cili rezulton i punësuar si shofer kamioni edhe pse  kjo kompani nuk ka asnjë  mjet të deklaruar apo të marrë me qira; po ashtu, ky shtetas del i punësuar edhe në “GSA”. Mariglen Haka gjithashtu rezulton i punësuar si punonjës ngarkim shkarkimi, por në fakt punonte me kohë të plotë në “Kurum” në pozicionin e teknikut të kamionave. Agim Hasa rezulton i punësuar si punëtor grumbullimi në të njëjtën periudhë kohe rezulton i punësuar me kohë të plotë në shoqërinë “Victoria Invest” si dhe në disa shoqëri të tjera, të cilat janë fiktivë. Nga dokumentacioni i administruar konstatohet se këta shtetas kanë qenë të punësuar realisht në subjekte të tjera dhe nuk kanë punuar asnjëherë tek shoqëria “AA-117”.

Mariglen Haka

Ai deklaron se nuk e ka dëgjuar asnjëherë këtë shoqëri, madje është hera e parë që po e dëgjon atë. Ai deklaron se nuk ka punuar asnjëherë tek operacioni ekonomik “AA-117” pasi ai është me profesion mekanik i industrusë së rëndë dhe në vitin 2018 e në vijim ka qenë i punësuar tek kompania “KURUM”. Po ashtu, ai deklaron se nuk ka dijeni se kush është pronari i operatorit “AA-117”. Ai deklaron se nuk di gjë se ka qenë i punësuar atje dhe se nuk ka punuar kurrë në atë shoqëri, që madje as nuk e njeh.

Kompania “Al-Berco&Co”-operon në fushën e ndërtimit

Administratori dhe aksionieri, Santiliano Çifliku ka miraturar shtimin e aktivitetit të shoqërisë me mjete transporti, kamionë. Subjekti regjistrohet në datë 16.11.2015. Edhe ky në subjektin tregti me shumicë dhe pakicë të artikujve të ndryshëm industrial dhe ushqimor. Gjatë kësaj periudhe rezulton se janë paraqitur fatura shitje të falsifikuara në drejtim të kompanisë “Integrated” në vlerën 110.544.000 lekë. Në datën 01.11.2016, Çifliku ka miratuar shtimin e aktivitetit të kompanisë me shërbime për mjetet e transportit kamion me targa: AA351AO, AA873AM; TR25312I; TR5771H; AA876AM; fadromë të markës Perlin 131-33 dhe të markës Case 460 CX3.

Më datë 31.10.2017, i ndryshon aksioneri tek Esmeralda Çifliku

Nga verifikimi pranë Drejtorisë së përgjithshme të shërbimeve të transportit rrugor target e deklaruara si të blera nga kompania nuk janë kamiona por rimorkio. Por edhe ato nuk i kanë në emër të tyre.

AA351AO është në emër të subjektit “Aren2005”

AA876AM është në emër të subjektit “Aren2005”

TR2532I është në emër të “Flladion Kol Prenga”

Ndërsa nuk rezulton asnjë rimorkio me targë TR5771H

Mjetet e deklaruara nga subjekti në organin tatimor nuj janë mjete në pronësi reale të subjektit “Al-BerCo&Co” janë deklaruar fiktivisht me qëllimin për të lëshuar fatura fiktive.

Santiliano Çifliku ka deklaruar se ai nuk e ka krijuar apo themeluar shoqërinë “Al-Berco&Co”, nuk ka qenë i punësuar tek kjo shoqëri si dhe nuk ka kryer ndonjë aktivitet tregëtar në emër të kësaj shoqërie. Ai mban mend se kartën e tij të ID ia ka kërkuar miku i familjes, Dashamir Ymeraj por nuk ka dijeni se ku e ka përdorur këtë dokument identifikimi.

Esmeralda Çifliku ka deklaruar se nuk ka qenë e punësuar asnjëherë tek shoqëria “Al-Berco&Co” nuk ka diheni se e kujt është kjo shoqëri por mban mend se me propozimin e shtetasit Dashamir Ymeraj, ajo ka shkuar tek noteri dhe ka nënshkruar një kontratë nëpërmjet së cilës është bërë kalimi i pronësisë së një shoqërie të Ymerajt nga vëllai i saj Santiliano tek ajo. Ajo deklaron se nuk ka dijeni dhe se nuk ka qenë kurrë e punësuar në këtë shoqëi dhe nuk ka kryer ndonjë aktivitet tregëtar në emër të kësaj shoqërie.

Artur Xhambolli

Edhe ai thotë se nuk e ka dëgjuar asnjëherë këtë shoqëri. Ai deklaron se nuk e ka punuar asnjëherë të operatori ekonomik pasi ai është me profesion hekurthyer. Po ashtu, ai deklaron se nuk ka dijeni se kush është pronari i kompanisë “Al-Berco&Co”. Ai deklaron se nuk di gjë, nuk e njhe këtë shoqëri dhe nuk ka punuar asnjëherë tek kjo shoqëri.

Genci Skifteri dhe Isa Lushi kanë dhënë të njëjtat deklarime

Të dy deklarojnë se nuk kanë dëgjuar asnjëherë për “Al-Berco&Co” dhe se është hera e parë që e dëgjojnë këtë emër. Të dy deklarojnë se nuk kanë punuar asnjëherë tek operatori ekonomik pasi janë me profesion shofer kamioni.

“EZ&LA”

Emiljano Frroku ka kompaninë me bazë në Zallherr, me objekt import-eksportin. Nga analizimi i librave kjo kompani, e cila operon në fushën e tregëtisë së artikujve ushqimore, ka paraqitur fatura të falsifikuara në drejtim të shoqërisë “Integrated” në vlerën 71646000 lekë. Kur në fakt subjekti nuk mund të faturojë volume e deklaruara duke marrë parasysh se kanë një numër të vogël të punësuarish dhe një periudhë të gjatë kohore ka pasur të punësuar sipas listëpagesave.

Pjetër Frroku deklaron se nuk e ka dëgjuar asnjëherë këtë operator ekonomik, nuk e di dhe nuk e njeh këtë operator ekonomik. Ai deklaron se kjo është hera e parë që po e dëgjon. Por deklaron se në muajin prill të vitit 2018 ka qenë duke shkuar në Tiranë dhe në afërsi të Mamurrasi ka parë një njoftim, në të cilin kishte shkruar se kërkonin roje objekti.  Ai deklaron se ka qenë i siguruar trek kjo punë deri rreth vitit 2019, më shuëm ka punuar për efekt pensioni dhe në punë ka shkuar vetëm ndonjëherë. Ai deklaron se ka marrë 20 mijë lekë në muaj dhe po ashtu deklaron se më shumë kjo punë i është dukur fiktive pasi shoqëria nuk ka pasur aktivitet të mirëfilltë./ZËRI

Lefter Koka

TIRANË- ZËRI ka zbardhur dëshmitë e dosjes së Strukturës së Posaçme kundër Korrupsionit dhe Krimit të Organizuar për inceneratorin e Tiranës. Në dosje është siguruar dëshmia e Etleva Kondit (anëtare e komisionit të dhënies së koncesionit); Pëllumb Abeshi (anëtar i Komisionit për dhënien e inceneratorit, drejtor i politikave në Ministrinë e Mjedisit); Sidita Temali (anëtare e komisionit të dhënies së koncesionit); Namik Simixhiu (anëtar i Komisionit të Vlerësimit të Ofertave që dha koncesionin për inceneratorin e Tiranës) dhe Taulant Tusha drejtor i Infrastrukturës në Bashkinë e Tiranës. Më poshtë në artikullin e përpiluar nga ZËRI, duket se bashkarkisht të gjithë të pyeturit kanë probleme me "kujtesën" dhe nuk e mbajnë mend sesi kanë rënë në kontakt me kërkesën  për ndërtimin e inceneratorit nga koncesionari. Etleva Kondi, e pyetur për komunikimet që ka patur me Klodian Zoton, deklaroi se nuk i kujtohej se përse ka komunikuar me të, por shtoi se nuk ka patur asnjë konflikt interesi në dhënien e informacioneve, pasi ato kanë qenë publike. Më shumë detaje ka dhënë anëtarja e Komisionit të dhënies së koncesionit, Sidita Temali. Ajo ka dhënë me detaje parregullsitë e procesit, edhe pse vetë është shprehur disa herë se ka dalë kundër, por qëndrimi i saj ka qenë në minorancë, ndaj edhe nuk është marrë parasysh. Sipas saj, dosja e inceneratorit të Tiranës është ndjekur me shumë kujdes nga kryetarja e Komisionit dhe punonjësit e saj, pra Valbona Ballgjini, Alba Thoma dhe Bledar Karoli.

"Ajo deklaron se kontratën koncesionare ua ka sjellë Komisionit Karoli dhe ju është lënë vetëm 30 minuta kohë për të konkluduar lidhjen e saj. Ajo deklaron se nuk i është lënë as koha e nevojshme për ta lexuar. Kontrata është nënshkruar jashtë orarit zyrtar si dhe i ishte thënë se ishte porosi e ministrit Lefter Koka, që kontrata duhej firmosur sa më shpejt dhe pa kundërshtime. E pyetur në lidhje me faktin se pse në studimin e fizibilitetit Komisioni i dhënies së koncesionit nuk ka llogaritur përfitimin që shoqëria do të kishte nga të tretët, duke mos llogaritur zërin “inerte”, ndërkohë që tek baza ligjore që ka përmendur për hartimit e studimit të fizibilitetit është përmendur VKM, ndërkohë që edhe për ndërtimin e veprës nga shoqëria koncensionare parashikohej ndërtimi i landfillit për intertet, ajo deklaron se nuk di ta thotë pse nuk është përllogaritur përfitimi që do të kishte shoqëria koncensionare nga të tretët, në lidhje me zërin “inerte” por kujton që Klodian Zoto ka qenë shumë i interesuar që të përfshihej “zëri i interteve” në kontratë,"-shkruhet ndër të tjera në dosjen e SPAK. 

PJESË NGA DOSJA E SIGURUAR NGA ZËRI:

Më datë 23.08.2017 shtetasi Florian Pustina nëpërmjet email-it të tij florian.pustina@***** i dërgon email Klodian Zotos me përmbajtje: Ok Klodi-së bashkë me komentet e Etlevës. Nuk dua të shkruaj bashkim operatorers consortium sepse mund të na sjelli ndonjë problem ligjor. Ky nuk është bashkim operatoresh i mirëfilltë. Florian Pustina.

Pra, këto dokumente kanë të bëjnë me formën juridike që do të kishte shoqëria fituese e koncesionit. Për këtë gjë Klodian Zoto merr konsulentë nga anëtarja e Komisionit të dhënies së Koncesionit, Elteva Kondi dhe studioja ligjore e Florian Pustinës, të dy e këshillojnë që të mos paraqitet si bashkim operatorësh pasi mund të kishte probleme me ligjin në të ardhmen.

24.08.2017, Ministria e Mjedisit ka dërguar pranë APP “formularin e fituesit”.

ETLEVA KONDI

Më 31.08.2017 është lidhur kontrata nëpërmjet Ministrisë së Mjedisit dhe shoqërisë propozuese “Integrated Energy” si dhe është bërë formulari i sigurimit të kontratës tek shoqëritë e sigurimit nga shoqëria koncensionare.

Etleva Kondi në lidhje me mënyrën sesi ishte vendosur në dispozicion dokumentacioni që ka dorëzuar shoqëria “Integrated” si propozim i pakërkuar në Ministrinë e Mjedisit ajo deklaron se është njohur me dokumentacionin nga punonjësit e Ministrisë së Mjedisit por nuk e di se cili person ia ka vendosur këtë dokumentacion në dispozicion. Po ashtu, ajo deklaron se nuk e di sesi është komunikuar gjatë procedurës me shoqërinë propozuese në lidhje me kërkesat e ndryshme që ka patur Komisioni i dhënies së koncesionit por siç ishte parashikuar edhe në urdhërin për ngritjen e komisionit të dhënies së koncesionit kanë qenë dy drejtori nga Ministria e Mjedisit, të cilat kanë qenë ura lidhëse nëpërmjet Komisionit të dhënies së koncesionit dhe MM. Kanë qenë Bledar Karoli, përgjegjës i sektorit të Prokurorimeve të Ministrisë së Mjedisit dhe Alba Thoma me detyrë drejtoreshë juridike e Ministrisë së Mjedisit. E pyetur më lidhje me emailin që ka përdorur, ajo deklaron se emaili i saj personal ka qenë dhe është [email protected] dhe në këtë email ka akses vetëm ajo. E pyetur në lidhje me komunikimet me Klodian Zoton, ajo deklaron se nuk i kujtohet se përse ka komunikuar me të, por nuk ka patur asnjë konflikt interesi në dhënien e informacioneve, pasi ato kanë qenë publike.

PYETJET

E pyetur se përse në studimin e fizibilitetit që kishte dorëzuar shoqëria propozuese tek Autoriteti Kontraktor nuk e ka llogaritur zërin “inerte”, ajo tha se analiza financiare është hartuar nga shoqëria propozuese dhe se nuk i ka nxjerrë Komisioni këto të dhëna financiare, por thjesht është bërë një shqyrtim i përgjithshëm. E pyetur a ka ndryshime në studimin e fizibilitetit që ka paraqitur shoqëria propozuese, ajo deklaron se nuk ka ndryshime por Komisioni thjesht ka miratuar atë që ka paraqitur shoqëria propozuese.

PËLLUMB ABESHI

Anëtari i Komisionit të dhënies së Koncesionit, Pëllumb Abeshi në mënyrën sesi i ishte vendosur në dispozicion dokumentacioni që ka dorëzuar shoqëria propozuese “Integrated” si propozim i pakërkuar, ai thotë se nuk e mban mend. Ai deklaron se komisioni është asistuar nga Sektori i Prokurorimeve i Ministrisë së Mjedisit në rolin e Sekretarisë teknike nga Bledar Karoli dhe Alba Thoma. Ai pranon se nuk ka pasur një studim fizibiliteti të ri dhe se komisioni nuk ka bërë ndryshime nga ato që ka dorëzuar shoqëria propozuese tek Ministria e Mjedisit. Kjo, pasi nuk është llogaritur përfitimi që do të kishte kompania nga “të tretët” dhe “inertet”.

SIDITA TEMALI

Anëtarja e Komisionit të dhënies së koncesionit tha se dokumentat i kishte marrë nga shoqëria propozuese në Ministrinë e Mjedisit. Dosja i është dhënë dorazi me CD, për shkak të volumit të madh të dokumentacionit, nga punonjësit e Ministrisë së Mjedisit që sipas saj duhet të jenë ose Valbona Ballgjini ose Bledar Karoli. Po ashtu edhe dokumentacionin ia kanë nisur me email, por sërish nuk e mban mend se cili prej tyre. Ajo deklaron se ka qenë kundër dhënies së bonusit që projekti të vlerësohej me pikët maksimale, pasi nuk ishte llogaritur vlera e shpronësimit dhe ka propozuar që për analizën financiare të mos i jepeshin pikët maksimale. Po ashtu, shton se ka ngulur këmbë që projekti t’i shkonte me shkresë zyrtare Bashkisë Tiranë dhe projekti të kalonte me vendim të Këshillit Bashkiak pasi projekti ishte bërë me një garanci që do jepte bashkia Tiranë për sasinë e mbetjeve për ton që do shkonin tek Koncesionari dhe nëse nuk arrihej vlera minimale, Bashkia Tiranë do duhet të paguante diferencën e sasisë së mbetjeve të garantuara. E pyetur në lidhje me komunikimin që ka mbajtur, ajo deklaron se komunikimin me shoqërinë propozuese e ka pasur Kryetarja e Komisionit dhe punonjësit, pra Valbona Ballgjini, Alba Thoma dhe Bledar Karoli. E pyetur nëse Komisioni ka mbledhur ndonjë raport për bonusin prej 8%, ajo thotë se nuk ka asnjë dijeni të ketë nënshkruar ndonjë raport. Ajo deklaron se gjatë procedurës ka kërkuar një sqarim më të hollësishëm të gjithë komponentëve që përbënin llogaritjen e kostos së depozitimit të një ton mbetje në impianin e propozuar, por pavarësisht se shoqëria propozuese nuk ka sjellë sqarimet përkatëse, ka qenë e detyruar pasi shumicën e kohës ose pothuajse gjithmonë ka qenë në minorancë dhe nuk kishte fuqinë e duhur që të ndalonte komisionin për të vijuar punën më tej. Po ashtu, deklaron se gjatë procedurës ka mbajtur qëndrim me vërejtje, observacion. Bledar Karoli, me mail ka sjellë procesverbalin e vlerësimit me 100 pikë dhe në të gjithë vetëm sa e kemi nënshkruar. Procesverbali i vlerësimit i ka ardhur i gatshëm nga Etleva Kondi. Kjo  e fundit ka qenë shumë e angazhuar në disa faza të dhënies së koncesionit, konkretisht: në momentin e dhënies së bonusit, pasi ajo ka dashur që kompania të vlerësohej me pkët maksimale, ndërsa ajo e ka kundërshtuar tek pjesa e vlerësimit të ofertës. E pyetur nëse janë reflekuar konstatimet e Avokaturës së Shtetit, ajo deklaron se jo, por janë shtuar vetëm disa mendime në ditën që është nënshkruar kontrata. Ajo deklaron se anëtarët e Komisionit: Valbona Ballgjini, Etleva Kondi, Bledar Karoli dhe Alba Thoma i kanë thënë se duhej bërë po atë ditë lidhja e kontratës, në të njëjtën ditë që ka kthyer përgjigje Avokatura e Shtetit. Ajo deklaron se kontratën koncesionare ua ka sjellë Komisionit Karoli dhe ju është lënë vetëm 30 minuta kohë për të konkluduar lidhjen e saj. Ajo deklaron se nuk i është lënë as koha e nevojshme për ta lexuar. Kontrata është nënshkruar jashtë orarit zyrtar si është i ishte thënë se ishte porosi e ministrit Lefter Koka, që kontrata duhej firmosur sa më shpejt dhe pa kundërshtime. E pyetur në lidhje me faktin se pse në studimin e fizibilitetit Komisioni i dhënies së koncesionit nuk ka llogaritur përfitimin që shoqëria do të kishte nga të tretët, duke mos llogaritur zërin “inerte”, ndërkohë që tek baza ligjore që ka përmendur për hartimit e studimit të fizibilitetit është përmendur VKM, ndërkohë që edhe për ndërtimin e veprës nga shoqëria koncensionare parashikohej ndërtimi i landfillit për intertet, ajo deklaron se nuk di ta thonë pse nuk është përllogaritur përfitimi që do të kishte shoqëria koncensionare nga të tretët, në lidhje me zërin “inerte” por kujton që Klodian Zoto ka qenë shumë i interesuar që të përfshihej “zëri i interteve” në kontratë.

NAMIK SIMIXHIU

Deklaron se Autoriteti Kontraktor ka qenë Ministria e Mjedisit, e cila ka administruar dokumentacionin e dorëzuar nga shoqëria propozuese. Dokumentacioni i është vënë në dispozicion nga Ministria e Mjedisit. Si ka komunikuar me kompaninë “Integrated Energy BV”? Ai deklaron se ka qenë kryetarja e Komisionit e cila ka përcjellë kërkesa që ka pasur Komisioni pranë sektorit të Prokurimit në Ministrinë e mjedisit, i cili më pas ka konkretizuar kërkesat e Komisionit në disa shkresa. I pyetur në lidhje me hartimin e studimit të fizibilitetit që ka bërë Komisioni dhe sesi janë nxjerrë të dhënat, ai deklaron se nuk i kujtohet sesi mund të jenë llogaritur dhe nxjerrë ato vlera nga Komisioni i dhënies së koncesionit nuk ka lllogaritur përfitimin që shoqëria koncensionare do të kishte nga të tretët dhe nga inertet. Ai deklaron se nuk di ta thotë se pse.

TAULANT TUSHA

Anëtar i Komisionit të dhënies së koncesionit, Tusha deklaron se dokumentacionin që shoqëria propozuese ka dorëzuar si propozim i pakërkuar në Ministrinë e mjedisit ia kanë vënë në dispozicion anëtarët e komisionit që kanë qenë në cilësinë e përfaqësuesve të Ministrisë së Mjedisit. I pyetur në lidhje me mënyrën sesi ka komunikuar me shoqërinë propozuese në lidhje me kërkesat e ndryshme që ka pasur Komisioni i dhënies së koncesionit. Ai deklaron se çdo kërkesë e Komisionit është kaluar më parë tek Kryetarja e Komisionit, Valbona Ballgjini dhe komunikimi është mbajtur nga punonjësit e Ministrisë së Mjedisit. Për studimin e fizibilitetit ai deklaron se nuk e mban mend sesi kanë dalë këto të dhëna që janë në studim.

Alba Thoma dhe Klodian Zoto

TIRANË- Në listën e njerëzve që kanë shërbyer për Klodian Zoton, në Ministrinë e Mjedisit është dhe shtetasja Alba Thoma, drejtoreshë e zyrës juridike. Në dosjen e SPAK siguruar nga ZËRI, emri i Thomës përmendet në një sërë episodesh, sesi ajo përpilonte dokumentet që i duheshin Zotos dhe komunikonte me ministritë e tjera në shërbim të tij.

Alba Thoma ka deklaruar se komunikimet me Zoto i bënte pasi ishte këshilluar për këtë nga sekretari në Ministrinë e Mjedisit, Alqi Bllako, dhe lidhjet ishin krijuar që në kohën kur ishte projektuar inceneratori i Elbasanit.

Po ashtu një tjetër emër që përdoret në dosje është ai i Valbona Ballgjinit, drejtoreshë në Ministrinë e Mjedisit dhe njëherësh Kryetare e Komisionit për dhënien e koncensionit. Ballgjini ka komunikime me Zoton, ku i jep atij konsulencë juridike për ndjekjen e procedurës së dhënies së koncensionit.

“Shoqëria holandeze Integrated Energy nuk është nisur në rrugë zyrtare dokumentacioni i kërkuar nga Ministria e Mjedisit, sipas shkresës së datës 28 Qershor 2016. Ky dokumentacion është nisur nga shtetasi Klodian Zoto përmes adresae të emailit privat te Valbona Balgjini dhe Alba Thoma”, thuhet në dosjen e GJKKO.

Në dosjen e siguruar nga ZËRI përmenden disa mbledhje të Komisionit për dhënien e Koncensionit, si dhe një sërë vërejtjesh që kanë pasur disa ministri, duke nisur nga ajo e Financave që drejtohej nga Shkëlqim Cani, te Drejtësia që drejtohej nga Ylli Manjani, apo te Ministria për Marrëdhëniet me Parlamentin që drejtohej nga Ermonela Felaj.

Alba Thoma është dhe personi që ka konceptuar bonusin 8% për ti dhënë kompanisë së Klodian Zotos, duke qenë se ishin propozuesit e ofertës së pakërkuar. Edhe pse kompania e Klodian Zotos nuk ka qenë e regjistruar në QKB, kjo nuk e ka penguar Ministrinë e Mjedisit dhe Komisionin për dhënien e koncensioneve që ti jepte bonus ‘Integrated Technology’. Ermonela Felaj e theksonte regjistrimin në QKB, në disa shkresa të saj, por vite më vonë deputeten socialiste e kemi parë të jetë flamurtare të dobisë së koncensioneve.

Regjistrimi në QKB i kompanisë së Zotos vjen vetën në Gusht të vitit 2017!

Edhe shkresa që i është dërguar sekretarit të këshillit të ministrave, Ëngjëll Agaçi, është konceptuar nga Alba Thoma.

“Me shkresën nr.5474/15 Ministria e Mjedisit ka dërguar për shqyrtim dhe miratim projektvendimin pranë sekretarit të përgjithshëm të këshillit të ministrave. Ky projektvendim është konceptuar nga drejtoresha juridike e Ministrisë së Mjedisit, Alba Thoma, miratuar nga Alqi Bllako, dhe firmosur nga Lefter Koka”, thuhet më tej në dosjen e siguruar nga ZËRI.

Vendimi për miratimin e bonusit 8% për kompaninë e Zotos është firmosur nga vetë kryeministri Edi Rama në datën 7 Dhjetor 2016.

Një shkëmbim shkresash që ka pasur me Ministrinë e Financave, me drejtoreshën Alda Klosi, Alba Thoma është përballur me vërejtje të tryre sa i takon efekteve që do të kishte koncensioni në buxhetin e shtetit. Të gjithë këto shqetësime që kishte Ministria e Financave, Alba Thoma ia kalonte për dijeni Klodian Zotos.

Ajo e kalonte komunikimin zyrtar që kishte me Klosin përmes emailit të ministrisë, në emailin e saj privat dhe më pas ia dërgonte Zotos. Në kompjuterin e Zotos, i cili është zbërthyer nga SPAK, janë emailet që i dërgonte Forwoard, Alba Thoma.

Pjesë nga shkëmbimi i emaileve mes Alda Klosit dhe Alba Thomës

Klosi: Të lutem shikoje me vëmendje këtë shkresë, pasi në relacionin e bonusit keni thënë që nuk do të ketë efekte shtesë në buxhetin e shtetit. Në këndvështrimin tonë ka një mospërputhje të cilën duhet që ta qartësosh. Do të të nis edhe komentet e bëra nga Drejtoria e Analizës Buxhetore, flm Alda.

Thoma: Alda nuk kemi të bëjmë me efekte shtesë në kuptimin e mirëfilltë të tyre pasi nuk do ti akordohen lekët MM por Bashkisë Tiranë, si pjesë e grantit që ato do të marrin nga qeveria qenfdrore për realizimin e detyrimeve të saj. Kjo është arsyeja që nuk kemi parashikuar në tavanet tona buxhetore. Gjithsesi prandaj jua kemi përcjellë për miratim procedurën, pasi qeveria qendrore do ti akordojë Bashkisë për fondet për depozitimin e mbetjeve në impiant si dhe për të mbuluar kostot e shpronësimit. Nga ana tjetër të kujtoj se VKM për bonusin është miratuar tashmë dhe për vazhdimin e procedurave koncensionare mbetet vetëm miratimi juaj. Flm, Alba.

Klosi: Flm Alba, të lutem jam në pritje të dërgimit të planit të biznesit i cili mungon në projektin e përcjellë. Kam folur dhe me Bledin por akoma nuk ka ardhur materiali. Flm Alda.

Thoma: Përshëndetje Alba, bashkëlidhur janë dokumentet e përpunuar mbi bazën e bisedës sonë. Ndërhyrjet janë me të kuqe. Gjithashtu bashkëlidhur edhe plani i biznesit. Flm Alba.

Emailin me dokumentet që kërkonte ministria e Financave, Alba Thoma ia ka dërguar nga emaili i saj personal shtetasit Klodian Zoto, të cilit i shkruan bashkëngjitur: Siç ke komunikuar me Alqin, të lutem një përgjigje për emailin më poshtë!

Duket se Thoma ka qenë pikërisht truri i Zotos në Ministrinë e Mjedisit, me bekimin apo porosinë e Alqi Bllakos!

/ZËRI 

Klodian Zoto, Vladimir Bezhani, Lefter Koka

TIRANË- ZËRI ka siguruar vendimin e plotë të Gjykatës së Posaçme, që lëshoi 15 masa sigurie për aferën e inceneratorëve, duke shpjeguar rolin e secilit prej personave të përfshirë në dosje. SPAK nisi hetimet për inceneratorin e Tiranës, i cili duhet thënë se nuk është ndërtuar si objekt, pas një denoncimi të bërë nga Partia Demokratike në vitin 2020.

Në dosjen e siguruar nga ZËRI, Bashkia e Tiranës njofton në datën 23 Dhjetor 2015 Ministrinë e Mjedisit për përfundimin e një studimi për përmirësmin e shërbimit dhe trajtimit të mbetjeve në kryeqytet. 

Po në këtë shkresë thuhet se nga ekspertët japonezë është vlerësuar mundësia e zgjerimit të Lanfillit të Sharrës. Rreth 3 muaj më vonë, në datën 3 Mars, mes Bashkisë së Tiranës dhe Ministrisë së Mjedisit bihet dakord që procedura për trajtimin e mbetjeve të udhëhiqet pikërisht nga Mjedisi, dhe për këtë janë ngritur dhe grupet e punës së përbashkëta.

PIKËRISHT NË KËTË MOMENT DEL NË SKENË EMRI I KLODIAN ZOTOS, ENDE PA U PARAQITUR OFERTA E PAKËRKUAR!  

Klodian Zoto është vënë në dijeni përpara se Ministria e Mjedisit ti kthente përgjigje Bashkisë së Tiranës, përmes një personi kyç që punonte si këshilltar në ministrinë që drejtohej nga Lefter Koka, Vladimir Bezhani. Ky i fundit ka qenë një prej njerëzve kyç që ka punuar në shërbim të Zotos, ku ishte dhe i punësuar në kompaninë e tij, ndërkohë që në të njëjtën kohë shërbente si këshilltar i jashtëm i Lefter Kokës, pa pagesë. Bezhani ishte me një eksperiencë të gjatë në Ministrinë e Mjedisit, nga e cila ishte larguar në vitin 2014, pasi kishte dalë në pension, për t’u rikthyer rreth dy vite më vonë. Sipas SPAK, në vitet që ka punuar pranë kompanisë së Klodian Zotos, Vladimir Bezhani ka përfituar paga në një shifër prej 75 milionë lekësh të vjetra.

Klodian Zoto është vënë në dijeni të Master Planit për menaxhimin e mbetjeve që në datën 10 Shkurt 2016, nga një email i Bezhanit. Në një email që i ka dërguar Zotos, Bezhani njofton punëdhënësin e tij se plani për menaxhimin e mbetjeve ishte gati, dhe se iu duhej që të hartonin më pas dhe studimin e fizibiilitetit në rast se oferta e tyre do të pranohej. 

“Përshëndetje Klodi, po të dërgoj masterplanin për menaxhimin e mbetjeve të ngurta urbane të Tiranës, hartuar nga japonezët. Është një material i plotë që do të na shërbej për studimin e fizibilitetit përfundimtar, pavarësisht opsionit që do të përzgjidhet. Kalofsh një fundjavë të këndshme bashkë me familjen, Landi”, thuhet në emailin e Bezhanit, dërguar nga adresa zyrtare [email protected].

Vetë Bezhani deklaron se pranë shoqërisë Integrated Technology Services është marrë me këshillimin e publikut, mbi ndikimin që do të kishin në mjedis teknologjitë e përdorura nga kompania në fjalë.

Në një moment të dosjes, Bezhani deklaron se në projektin e inceneratorit të Tiranës do të përdorej një linjë riciklimi automatike, që kushtonte rreth 3 mln euro, por në vend të kësaj është vendosur një linjë e zakonshme, që kushtonte më pak.

Ka qenë pikërisht Alqi Bllako ai që e ka këshilluar Bezhanin që të punonte si këshilltar i jashtëm i ministrit Koka, por pagën do ta merrte te kompania e Zotos. Ai ka punuar për 7 vite në kompani. Vetë ‘pensionisti’ Bezhani pranon se i ka dorëzuar dokumente Zotos, të cilat i siguronte duke qenë se kishte akses si këshilltar i jashtëm i Ministrit të Mjedisit. Bezhani deklaron se studimi i fizibilitetit nuk është hartuar nga kompania e Zotos, por nga një kompani italiane.

Nga të dhënat e SPAK, Ministria e Mjedisit ka pasur kontakte me Integrated Technology, përpara se kjo kompani të paraqiste ofertën e pakërkuar. Vladimir Bezhani është dhe personi që ka hartuar letrën e interesit që ka dorëzuar kompania e Zotos pranë Ministrisë së Mjedisit.

Në një qëndrim të mëvonshëm, Gjykata e Posaçme shprehet se propozimi i Klodian Zotos si ofertë e pakërkuar, nuk mund të konsiderohet e tillë, sa kohë që nga Ministria e Mjedisit dhe Bashkia e Tiranës, kishte pasur një studim për menaxhimin e mbetjeve.

“Shkresa e nisur nga shoqëritë me ‘Letër Interesi’, nuk duhej të ishte konsideruar si propozim i pakërkuar”, thotë Gjykata, pasi në rast se do të ishte një ofertë e pakërkuar, atëherë Autoriteti Kontraktor do të duhet të ngrinte një komision, dhe ti kërkonte dokumentacion shtesë shoqërisë propozuese.

Gjykata konstaton po ashtu se në kohën kur Ministria e Mjedisit ka ngritur Komisionin për dhënien e koncensionit, shoqëria “Integrated Technology” nuk ka pasur asnjë plan konkret për projektin.

Në kohën kur ka qenë Këshilltar, Bezhani i ka kërkuar shtetases Ledjana Bojaxhi, punonjëse në Ministri që të merrte informacion edhe nga bashkitë e tjera për menaxhimin e mbetjeve.  

/ZËRI