TIRANË- Kongresi i Shteteve të Bashkuara të Amerikës ka publikuar një raport mbi Shqipërinë dhe vendet e tjera të Ballkanit Perëndimor, duke vlerësuar se paqja, stabiliteti dhe prosperiteti afatgjatë janë thelbësore për garantimin e përparimit demokratik dhe ekonomik për rajonin. Megjithatë, raporti vlerëson se demokracia në Ballkanin Perëndimor mbetet e brishtë.
"Paqja, stabiliteti dhe prosperiteti i vazhdueshëm në Ballkanin Perëndimor janë të lidhura drejtpërdrejt me mundësitë për përparim demokratik dhe ekonomik që u ofrohen qytetarëve dhe banorëve të këtyre shtatë vendeve. Është në interesin e ndërsjellë të Shteteve të Bashkuara dhe shtatë vendeve të Ballkanit Perëndimor të promovojnë rritje dhe zhvillim ekonomik të qëndrueshëm në rajon.", theksohet në raport.
Lufta kundër korripsionit zë një hapësirë të konsiderueshme, si një faktor kyç për përparimin e vendeve të Ballkanit Perëndimor. Vendet e rajonit duhet të tregojnë progresin e të qenurit demokrai të shëndosha, ku Shqipëria është një ndër vendet që ulet në tryezat ndërkombëtare për të marrë rekomandime dhe për të dhënë rezultate për sundimin e ligjit dhe për të luftuar korrupsionin, kryesisht atë në nivelet më të larta politike.
Iniciativa kundër korrupsionit
-Raporti përfshin iniciativa për asistencën teknike në secilin vend të Ballkanit Perëndimor, duke marrë parasysh kushtet lokale dhe në varësi të marrëveshjes së qeverisë së vendit pritës për të zhvilluar strategji të reja kombëtare kundër korrupsionit;
-synon të zgjerojë asistencën teknike në secilin vend të Ballkanit Perëndimor, duke marrë parasysh kushtet lokale dhe në varësi të marrëveshjes së qeverisë së vendit pritës për të zhvilluar strategji të reja kombëtare kundër korrupsionit;
-kërkon të ndajë praktikat më të mira me agjencitë civile të zbatimit të ligjit dhe institucionet gjyqësore, si dhe organet e tjera administrative përkatëse të vendeve të Ballkanit Perëndimor, dhe të ofrojë trajnime për to, për të përmirësuar efikasitetin, transparencën dhe llogaridhënien e agjencive dhe institucioneve të tilla;
-forcon strategjitë ekzistuese kombëtare kundër korrupsionit;
Kodifikimi i sanksioneve që lidhen me Ballkanin Perëndimor - Individitët që kërcënojnë stabilitetin e rajonit do të sanksionohet.
-Çdo person i listuar ose i caktuar për vendosjen e sanksioneve sipas një urdhri ekzekutiv të përshkruar në nënseksionin (c) që nga data e hyrjes në fuqi të këtij Akti do të mbetet i tillë, përveç rasteve të parashikuara në nënseksionet (d) dhe (e).
-Vazhdimi i autoriteteve të sanksioneve. —Çdo autoritet për të vendosur sanksione të parashikuara sipas një urdhri ekzekutiv të përshkruar në nënseksionin (c) do të mbetet në fuqi.
-Urdhri Ekzekutiv 13219, i ndryshuar nga Urdhri Ekzekutiv 13304 ( shënimi 50 USC 1701 ; në lidhje me bllokimin e pronës së personave që kërcënojnë përpjekjet ndërkombëtare të stabilizimit në Ballkanin Perëndimor); dhe
-Urdhri Ekzekutiv 14033 ( shënimi 50 USC 1701 ; që lidhet me bllokimin e pronës dhe pezullimin e hyrjes në Shtetet e Bashkuara të personave të caktuar që kontribuojnë në situatën destabilizuese në Ballkanin Perëndimor), siç është në fuqi në atë datë të hyrjes në fuqi.
Mbështetja e sigurisë kibernetike dhe qëndrueshmërisë kibernetike në Ballkanin Perëndimor - Siguria kibernetike dhe rëndësia e saj, teksa raporti thekson mbështetjen e amerikanëve për këtë.
-Mbështetja e Shteteve të Bashkuara për sigurinë kibernetike, qëndrueshmërinë kibernetike dhe infrastrukturën e sigurt të TIK-ut në vendet e Ballkanit Perëndimor do të forcojë aftësinë e rajonit për t'u mbrojtur dhe për t'iu përgjigjur aktivitetit kibernetik keqdashës të kryer nga aktorë joshtetërorë dhe të huaj, përfshirë qeveritë e huaja, që kërkojnë të ndikojnë në rajon;
-kompromentimi i infrastrukturës kibernetike, duke përfshirë rrjetet e të dhënave, infrastrukturën elektronike dhe sistemet softuerike;
-përdorimi i operacioneve të informacionit online nga kundërshtarët dhe aktorët keqdashës për të minuar aleatët dhe interesat e Shteteve të Bashkuara;
-është në interesin e sigurisë kombëtare të Shteteve të Bashkuara të mbështesin sigurinë kibernetike dhe qëndrueshmërinë kibernetike të vendeve të Ballkanit Perëndimor./ZËRI
