TIRANË- Sekretari amerikan i shtetit, Antony Blinken do të vizitojë për herë të parë Tiranë, ku pritet që të qëndrojë për rreth 8 orë, dhe ku pritet që të takohet me kryeministrin Edi Rama dhe me presidentin Bajram Begaj. Me kreun e qeverisë pritet që të kenë dhe një konferencë të përbashkët rreth pasdites.
Blinken do të takohet edhe me përfaqësuesit e ambasadës amerikane në Tiranë, si dhe do nënshkruhet një Memorandum Mirëkuptimi mbi Shkëmbimin Akademik Fulbright dhe një Memorandum Mirëkuptimi mbi Kuadrin për Kundër Manipulimit Informativ të Shtetit të Huaj në Tiranë, Shqipëri.
Ndryshe nga sa u raportua fillimisht, se Blinken do të kishte një takim me kreun e SPAK, Altin Dumani, një gjë e tillë nuk konfirmohet në axhendën zyrtare. Po ashtu Blinken nuk do të zhvillojë asnjë takim me përfaqësuesit apo krerët e partive opozitare. Blinken do të takohet dhe me disa prej familjeve afgane që strehohen ende sot e kësaj dite në Shqipëri, në pritje të marrjes së vizës për të udhëtuar drejt SHBA-ve.
Agjenda e plotë:
Sekretari Blinken është në udhëtim në Shqipëri dhe Gjermani nga 14-17 shkurt 2024.
Ora 13:35 Blinken zhvillon një takim dhe përshëndet me punonjësit e Ambasadës Amerikane në Tiranë dhe anëtarët e familjes në Tiranë, Shqipëri.
Ora 14:15 Blinken takohet me aplikantët afganë për vizë emigruese speciale në Tiranë, Shqipëri.
Ora 15:05 Sekretari Blinken takohet me Presidentin shqiptar Bajram Begaj në Tiranë, Shqipëri.
15:35 Sekretari mban fjalime në një aktivitet të të rinjve dhe të diplomuarve me temë “ Festojmë të ardhmen e marrëdhënieve SHBA-Shqipëri” në Tiranë, Shqipëri.
Ora 16:15 Blinken takohet me kryeministrin shqiptar Edi Rama në Tiranë, Shqipëri.
Ora 17:55 Sekretari merr pjesë në një ceremoni nënshkrimi për një Memorandum Mirëkuptimi mbi Shkëmbimin Akademik Fulbright dhe një Memorandum Mirëkuptimi mbi Kuadrin për Kundër Manipulimit Informativ të Shtetit të Huaj në Tiranë, Shqipëri.
Ora 18:10 Blinken dhe kryeministri shqiptar Edi Rama mbajnë një konferencë të përbashkët shtypi në Tiranë, Shqipëri.
/ZËRI
