TIRANË-Moderatorja Dojna Mema i është përgjigjur të gjitha kritikave për deklaratat e saj të fundit në emisionin ‘Oxygen’, për të cilat ajo thotë se po shfrytëzohen për të marrë vëmendje. Deklarata e saj duket se është një përgjigje për modelen Rike Roci, e cila ndau në rrjet pamje të Dojna Memës teksa intervistoi djalin e ish-guvernatorit të Bankës së Shqipërisë, Erik Fullanin.
Në reagimin e saj Dojna është shprehur se mund të nxirren foto, mesazhe, video, fraza nga konteksti televiziv dhe i show-t dhe të përdorin sipas qejfit, pasi çdo gjë vërtetohet.
“Përshëndetje të gjithëve një vit i mbarë, kjo story shkon në veçanti si një falenderim për të gjithë njerëzit që kanë marrë kohë nga koha e tyre, për të më ndjekur, për të më shkruar, për të më vlerësuar dhe realisht ma keni mbushur zemrën plot. Edhe mirë se erdhët të gjithë ju që jeni të rinj të komunitetin tim të instagramit. Përsa i përket atyre që flasin, lartë e poshtë për hir të të folurit se do marrin pak vëmendje dhe kjo punë është e vjetër sa bota, të vazhdojnë, ta bëjnë. Fatmirësisht unë jam një personazh jam rritur në televizion që nga mosha 21 vjeçare kam qenë në tv çdo gjë është publike, çdo gjë është lehtësisht e vërtetueshme ndaj vazhdoni nxirrni foto, mesazhe, video, fraza nga konteksti televiziv dhe i show-t dhe përdorini si të keni qejf se njerëzit nuk janë budallenj”, tha ajo.
Gjithçka nisi me deklaratat e Dojnës e cila dha një fjalim për "mbipopullimin" e ekraneve shqiptare nga vajzat e "Instagramit", gjë që sipas saj po ushtronte presion për të pasur më shumë para. /ZËRI
